konka coffee
KONKA

AMAKURU

UKWEZI

Kigali: Abagore babiri batawe muri yombi bazira guteragura ibyuma abagabo babo

Kigali: Abagore babiri batawe muri yombi bazira guteragura ibyuma abagabo babo
1-11-2017 saa 10:46' | By Akayezu Jean de Dieu | Yasomwe n'abantu 8620 | Ibitekerezo 3

Abagore babiri batawe muri yombi na Polisi y’u Rwanda ikorera mu mujyi wa Kigali mu ntangiriro z’iki Cyumweru aho ibakurikiranyeho guhohotera abagabo babo kugeza n’aho babateraguye inyuma bakabakomeretsa bikomeye. Intandaro y’ubu bugizi bwa nabi ngo ni ugucana inyuma.

Uyu mugowe uvugwaho guteragura ibyuma umugabo we ni Yamfashije Claudine w’imyaka 25 utuye mu mudugudu w’Izuba, akagari ka Rukiri mu murenge wa Remera, akarere ka Gasabo mu mujyi wa Kigali.

Mu bivugwa byatumye uyu mugore atera ibyuma umugabo we bikagera aho yenda kumumaramo umwuka ngo ni uko uyu mugabo yari yamuciye inyuma ariko abaturanyi bavuga ko uriya rugo rwari rusanzwemo amakimbirane ari nayo ntandaro y’ibi byose.

Undi mugore watawe muri yombi na Polisi ni uwitwa Uwase Marie ubarizwa mu kagari ka Kigarama, umurenge wa Kicukiro nawe akaba akurikiranyweho gutera icyuma umugabo we, gusa ntabwo yamwishe.

Ibi byose Polisi yemeza ko byaturutse ahanini ku makimbirane yo mu miryango nk’uko Babibwiwe n’abaturanyi babo.

Umuvugizi wa Polisi mu Mujyi wa Kigali, Supt Hitayezu Emmanuel yavuze ko aba bombi bafashwe binyuze mu ihanahanamakuru ryakozwe mu baturage n’inzego z’ibanze bityo bikagera ku bashinzwe umutekano Polisi ikabasha gutabara.

Yagize ati “ Ibi byose Polisi yabimenye binyuze mu guhanahana amakuru kuko abaturage nibo babwiye Polisi ibijyanye n’aya makimbirane ndetse no kutumvikana byari biri kuvugwa muri iyi miryango ."

Yakomeje avuga ko Polisi yahise yihutira gutabara ita muri yombi aba bagore ubu bakaba bari mu bugenzacyaha ngo bakorerwe dosiye buri umwe ku byaha aregwa.

Supt Hitayezu kandi yanavuze ko abaturage bakwiye kwirinda amakimbirane mu miryango cyane ko nk’aba baramutse bahamwe n’ibi byaha bashinjwa umwe ashobora guhanishwa ingingo y’148 mu gitabo cy’amategeko ahana aho yafungwa hagati y’amezi atandatu n’imyaka ibiri akanatanga ihazabu y’amafaranga ari hagati ya 100 000Frw na 500 000Frw.


INKURU ZA :
Tanga Igitekerezo
Ibitekerezo 3
Habimana Kuya 20-11-2017

Police yacu igomba guca ibyuma mungo kuko bizatumaraho abantu. Mwibuke ko imipanga abantu bari batunze ariyo yatumazeho abantu muri jenoside.

NSABIMANA Kuya 8-11-2017

yewe nibihe byanyuma koko!! Satani aziko asigaje igihe gito.

MUKANDAYISENGA Francoise Kuya 1-11-2017

Aya makuru arababaje rwose. Kubona umuntu w’umutegarugori atera icyuma umugabo we si umuco nyarwanda. Abo bagore nibahamwa n’icyaha babihanirwe bityo bibere abandi bagore isomo bashaka gutekereza umugambi mubisha nkuwo.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...