konka coffee
KONKA

AMAKURU

UKWEZI

Kigali: Abanyeshuri bafunzwe bakurikiranyweho gutwika ku bushake ikigo bigamo

Kigali: Abanyeshuri bafunzwe bakurikiranyweho gutwika ku bushake ikigo bigamo
25-06-2017 saa 10:12' | By Chief Editor | Yasomwe n'abantu 21318 | Ibitekerezo 13

Abanyeshuri barenga 10 bo mu kigo cy’amashuri cya Riviera High School giherereye i Rusororo mu karere ka Gasabo mu mujyi wa Kigali, batawe muri yombi na Polisi y’u Rwanda kuwa Gatanu tariki 23 Kamena 2017, bakurikiranyweho icyaha cyo gushaka gutwika ikigo cy’amashuri bigaho, ndetse no kuba baba ari bo baherutse guteza inkongi mu macumbi y’iki kigo.

Ku Cyumweru tariki 18 Kamena 2017, mu masaha ya saa yine z’ijoro, mu macumbi y’abahungu yo mu kigo cya Riviera High School, habaye inkongi y’umuriro yatumye hangirika ibintu bitandukanye mu buryamo bw’abanyeshuri. Nyuma y’iyo nkongi, ubuyobozi bw’iki kigo ndetse na Polisi y’u Rwanda ikorera mu mujyi wa Kigali, bombi mu kiganiro bagiranye n’ikinyamakuru Ukwezi.com bahurije ku kuba icyateye iyo nkongi kitaramenyekanye.

JPEG - 308.3 kb
JPEG - 265.2 kb
JPEG - 319.7 kb
JPEG - 201.7 kb
JPEG - 136 kb

Aya ni amwe mu macumbi ya Riviera High School, ni uko ameze imbere n’inyuma

Nyamara hari amakuru yizewe agera ku inyamakuru Ukwezi.com, avuga ko mu ijoro ryo kuwa Kane tariki 22 Kamena 2017, hari abanyeshuri bo muri iki kigo bafashwe bashaka kongera guteza inkongi y’umuriro ariko bagakomwa mu nkokora ndetse nyuma bagahita batabwa muri yombi na Polisi. Umwe mu bakozi ba Riviera High School utarashatse ko amazina ye yatangazwa, yabwiye ikinyamakuru Ukwezi.com ko abanyeshuri bo muri iki kigo ubusanzwe kigamo abana bo mu miryango yifashije, baba baratwitse amacumbi bavuga ko atameze neza, bifuza ko ikigo cyayavugurura kikabaha agezweho.

Hari amakuru yizewe avuga ko inzego z’umutekano, zatangajwe n’imyitwarire y’aba banyeshuri zikabona ko hatagize igikorwa bazakora ibikorwa by’urugomo muri iki kigo. Kuwa Gatanu tariki 23 Kamena 2017, abayobozi ba Polisi, ab’ingabo n’ubuyobozi bw’ikigo cya Riviera High School, bagiranye n’abanyeshuri ikiganiro mu rwego rwo kubakangurira kwirinda ibikorwa nk’ibyo by’imyitwarire idahwitse.

Ikinyamakuru Ukwezi.com, kuri iki Cyumweru cyavuganye n’umuvugizi wa Polisi y’u Rwanda, ACP Theos Badege, tumubaza iby’icyo kibazo ariko ntiyadutangariza byinshi kuko iperereza rigikomeje, gusa yashimangiye iby’uko hari abanyeshuri 11 batawe muri yombi. ACP Theos Badege ati: "Muri investigations zigikomeza (amaperereza), hari abanyeshuri 11 bakekwa, bakurikiranywe bafunze. Andi makuru tuzagenda tuyabagezaho uko iperereza rigenda rigera ku myanzuro, abagenzacyaha bafata ibyemezo."

Ikigo cya Riviera High School, ni kimwe mu bigo byiyubashye kandi byishyura amafaranga menshi ugerarenyije n’ibindi byinshi biri mu Rwanda. Byonyine imyambaro y’ishuri kuri buri mwana, ishobora kugera ku mafaranga y’u Rwanda 205.000. Amafaranga y’ishuri ku biga muri gahunda mpuzamahanga (Cambridge), ashobora kugera kuri 2.800.000 z’amafaranga y’u Rwanda ku mwaka umwe, naho abiga muri gahunda isanzwe, mu cyiciro rusange ni hafi 1.500.000 naho guhera mu mwaka wa Kane w’ayisumbuye ho bishyura arenga gato 1.600.000 ku mwaka umwe.


INKURU ZA :
Tanga Igitekerezo
Ibitekerezo 13
twebaze Kuya 5-07-2017

Ahaaa!mvugiki ko umwinazi niryamiraga mu biheri kdi nkiga,waba wabuze minerival ukajya mumiteto nkiyo?reka babikore nimugihe ntibaburara,yewe ibi iyombyumvise bintera iseseme

twebaze Kuya 5-07-2017

Ahaaa!mvugiki ko umwinazi niryamiraga mu biheri kdi nkiga,waba wabuze minerival ukajya mumiteto nkiyo?reka babikore nimugihe ntibaburara,yewe ibi iyombyumvise bintera iseseme

Halerua Kuya 28-06-2017

Ibyo aribyo byose bagiye kwiga baharebye iyo babona hatabakwiye bari kujya aho bashaka kwangiza ni umwanzuro mubi bafashe
Abana bejo kweri urwanda rwejo abayobozi bejo!
Birababaje

Josh Kuya 28-06-2017

Abo barahaze pe...

Mahame Kuya 27-06-2017

Ariko wafata umwana uba mu nzu ya etage, imvura igwa aryame ntabyumve, ukajya kumuryamisha muri nzu zifite plafond ya je commence la vie, imvura igwa ikamubuza gusinzira na ziriya millions batanga koko, buriya wasanga batekeramo na kawunga uretse ko umwana aba afite argent de poche itubutse akigira muri cantine. ririya shuri ndabagaye rwose none ULK ibarusha cash bazarebe inyubako zabo, kandi ndumva umwana wiga muri gahunda isanzwe amafaranga atanga yarihira bangahe muri ULK ku mwaka. nibigishe abana ariko babakorere nihwanye n’imibereho yabo (muri) famille.

Gaspard Kuya 27-06-2017

bararenzwe twe twize turara ahantu hari imperi none bo ngo barashaka kugitwika nibajye kwiga kwabase

Nana Kuya 26-06-2017

Umurengwe we ntimukadutere isesemi muge muruka aho mwaririye apana kuturengwaho twe byaratubabaje iyinkuru ntacyo itumariye abana babakire baba (bangaswe )sha ahubwo muge murya bana bahehe sayanyu mubaha

jojo Kuya 25-06-2017

Numurengwe ubibatera nihe wabonye umwana urikwishuri uryama ahantu hacyeye nkahariya twe twize bikaze none bo barahaze batangiye kubonako aho baryama arihabi ndumiwe koko nukubashyira mukigo ngroramuco bakabasha kwiga birenzeho

Tony Kuya 25-06-2017

Buriya umurengwe usiga inzara koko!Ngabo abayobozi b’ejo u Rwanda rufite.Ikibabaje bene abo birangira ari bo babaye ba governors!!!! Rwanda waragowe!

dada Kuya 25-06-2017

Uwo numuregwe bashaka kuryama heza ariko mumutwe wapi.icyongereza baravuga Ngo:empty tins makes the loudest noise

Amazina Kuya 25-06-2017

Uwanditse iyi nkuru yadutuburiye pe! Amacumbi yarahijye cyangwa ni uguca igikuba gusa ? Niba yarahiye ko ntaho mwabigaragaje mu mafoto. niba atarahiye kuki mu title mwashyizemo ko bakurikiranyweho gutwika ikigo bigaho. Proffessionalisme iracumbagira

kamanzi Kuya 25-06-2017

ayo f y’igihugu ba se bikoreramo nabyishyure, abanyarwanda bishwe n’inzaraaaaaaaa

umuntu Kuya 25-06-2017

Lycee notre dame de citeaux ibarusha dorms nziza kureeeeeeeee muzaceyo murebe
apu nayo ma cash yose bariha

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...