konka coffee
KONKA

AMAKURU

UKWEZI

Kigali: Afunzwe azira kubeshya ko ari umuvuzi, akiba umugore akanamutwika ibiganza n’ibirenge

Kigali: Afunzwe azira kubeshya ko ari umuvuzi, akiba umugore akanamutwika ibiganza n’ibirenge
5-10-2016 saa 04:53' | By RNP | Yasomwe n'abantu 7024 | Ibitekerezo 6

Aha ni mu Gakiriro ka Gisozi aho ubutekamutwe no guhemukira umugore byabereye

Uwiringiyimana Theogene afunzwe azira gushuka umugore ukorera imirimo y’ubudozi bw’imyenda mu Gakiriro ka Gisozi akamutwara ibihumbi 70 by’amafaranga y’u Rwanda. Yamubeshye ko ari umuvuzi gakondo uvura ubugumba n’ubundi burwayi butandukanye.


style="display:block"
data-ad-client="ca-pub-5056468503741966"
data-ad-slot="2194852936"
data-ad-format="auto">

Asobanura uko yabigenje, Umuvugizi wa Polisi y’u Rwanda mu Mujyi wa Kigali, Superintendent of Police (SP) Emmanuel Hitayezu yagize ati: "Ku wa 2 Ukwakira, Uwiringiyimana yagiye hamwe mu hakorerwa iyo mirimo, abwira abo ahasanze ko ari Umuvuzi gakondo, uvura ubugumba n’uburwayi butandukanye. Umwe mu bahakorera witwa Uwikirezi Olive yamubwiye ko afite umuvandimwe ufite ikibazo cy’ubugumba... Uwiringiyimana yabwiye uwo mugore ko ashobora kuvura umuvandimwe we. Yamusabye umufuragiro w’ibihumbi bitanu by’amafaranga y’u Rwanda, ariko muri uko kumutekera umutwe amwiba andi ibihumbi 65 by’amafaranga y’u Rwanda."

Umuvugizi wa Polisi y’u Rwanda mu Mujyi wa Kigali yongeyeho ko amaze kumuha ayo mafaranga y’umufuragiro yamupfumbatishije ibintu mu biganza, amubwira ko ari umuti, ibindi amubwira kubikandagira.

Uwikirezi yavuze ko ibyo bintu byamutwitse mu biganza no munsi y’ibirenge, hanyuma amubajije ikibiteye, amubwira ko uburozi bwabuzaga umuvandimwe we kubyara buhiye, ku buryo noneho yabyara. Uwo mugore yaje gutahura ko yatekewe umutwe, maze abimeyesha Polisi. Polisi nayo yafashe ukekwaho gukora iki cyaha ku munsi ukurikira (3 Ukwakira).

Mu butumwa bwe, SP Hitayezu yagize ati: "Ufite ikibazo kijyanye n’ubuzima akwiriye kugana inzego z’ubuvuzi zemewe kugira ]ngo zimufashe; aho gupfusha ibye ubusa abiha abatekamutwe bizeza ibitangaza badashoboye. "

Yavuze ko Uwiringiyimana afungiwe kuri Sitasiyo ya Polisi ya Gisozi mu gihe iperereza rikomeje. Yashimye kandi abatanze amakuru yatumye afatwa, kandi asaba buri wese kwirinda ibikorwa byose binyuranije n’amategeko.

Ingingo ya 318 yo mu gitabo cy’amategeko ahana ibyaha mu Rwanda ivuga ko umuntu wese, abigiriye kwambura ikintu icyo ari cyo cyose cy’undi, agatuma bakimuha ari uko akoresheje amayeri y’ubwambuzi, wiyitirira amazina atari yo cyangwa imirimo adafitiye ububasha cyangwa agira ngo yizeze icyiza cyangwa atinyishe ko hari ikizaba kibi maze akambura undi imari ye yose cyangwa igice cyayo, ahanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva kuri miliyoni eshatu (3.000.000) kugeza kuri miliyoni eshanu (5.000.000).


INKURU ZA :
Tanga Igitekerezo
Ibitekerezo 6
nsabumuremyi fidel Kuya 11-10-2016

Bihanganirane kuko arimanuka

mk Kuya 8-10-2016

Ubu se ko mutatubwiye uko yibye 65000??? Mutanze amakuru yigice kabisa.

Mike Kuya 6-10-2016

Abantu bakwiriye kuba maso kuko ba Rutemayeze bagwiriye hanze aha. Bumwe mu buryo bwo kubarwanya n’ugutanga amakuru ku gihe kugira ngo bafatwe.

NSABIMANA JMV Kuya 5-10-2016

Ni ngombwa ko amategeko akurikizwa. Uyu munsi no yitiranwa na Uwiringiyimana Theogene Bosebabireba? Nizere ko atariwe

yzgp Kuya 5-10-2016

anomategeko yanyu namwe aransetsa mumufungiyiki c ibyabapfu biribwa nabapfumu

jolly Kuya 5-10-2016

NJYE ndabona abantu batagitinya kwicana sinzi pe. Nta cyumweru gishira hatumvikanye umugabo wishe umugore cg umugore wishe umugabo. Ibi biraterwa n’iki?

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA
Loading...