konka coffee
KONKA

AMAKURU

UKWEZI

Kigali: Ikamyo yagonze imodoka 6 imwe irashya, inibasira moto n’abanyamaguru

Kigali: Ikamyo yagonze imodoka 6 imwe irashya, inibasira moto n’abanyamaguru
23-07-2016 saa 12:17' | By Chief Editor | Yasomwe n'abantu 11911 | Ibitekerezo 7

Mu masaha ya mbere ya saa sita zo kuri uyu wa Gatandatu tariki 23 Nyakanga 2016, impanuka ikomeye yabereye hafi y’isoko rya Kimisagara mu mujyi wa Kigali, iyi mpanuka ikaba ari iy’ikamyo yagonze imodoka zigera kuri esheshatu ndetse imwe muri zo ihita inafatwa n’inkongi y’umuriro, inagonga moto n’abagenzi bari hafi aho mu muhanda.

Iyi kamyo yo mu bwoko bwa FUSO ifite ibirango RAC 151 C yavaga i Nyamirambo yerekeza mu gace ka Nyabugogo, igeze munsi y’isoko rya Kimisagara, abayibonye bavuga ko ishobora kuba yabuze feri ikagonga izindi modoka zigera muri esheshatu ndetse na moto n’abagenzi bari mu muhanda.

Mu modoka zagonzwe, harimo n’iyo mu bwoko bwa Toyota Rav4 yahise inafatwa n’inkongi y’umuriro ariko ishami rya Polisi y’u Rwanda rishinzwe kuzimya inkongi z’imiriro riza kuyizimya itarakongoka n’ubwo yari imaze kwangirika.

Umuvugizi w’ishami rya Polisi y’u Rwanda rishinzwe umutekano wo mu muhanda, Sup Jean Marie Vianney Ndushabandi, yatangarije Ikinyamakuru Ukwezi.com ko iyi mpanuka yakomerekeyemo abantu 8 bajyanywe mu bitaro bya CHUK, gusa ababonye iyi mpanuka ikiba bo bemeza ko uburyo abantu bayikomerekeyemo bari bameze, benshi muri bo amahirwe yo kubaho ari macye cyane.

Kugeza ubu umushoferi wari utwaye iyo kamyo yahise atoroka, Sup Jean Marie Vianney Ndushabandi akaba avuga ko ntawuzi irengero rye kuva iyo mpanuka yaba, iperereza rikaba rigikomeje.

JPEG - 105.3 kb
JPEG - 116 kb

INKURU ZA :
Tanga Igitekerezo
Ibitekerezo 7
Johnson Kuya 6-11-2016

Bajyebazijyana mur contror techinicpue

mukeshimana jeannette Kuya 4-11-2016

yoo! c’ est damage! la mort c’ est un chemin de nous tous! ariko se ? rimwe narimwe nabashoferi baba banweye amatabi l bakarindagira ugasanga ubuzima bwa bamwe bugendeyemo

mukaman rose Kuya 24-07-2016

birababaje gusa ababuze ababo bakomeze kwihangana

Cacans Kuya 23-07-2016

Hashize umwaka urenga harasabwe dos d"ane muri uriya murambi. Mutegereze impanuka zizahabera ni nyinshi.Umujyi wa Kigali washyize agati mu ryinyo.

Cacans Kuya 23-07-2016

Hashize umwaka urenga harasabwe dos d"ane muri uriya murambi. Mutegereze impanuka zizahabera ni nyinshi.Umujyi wa Kigali washyize agati mu ryinyo.

john Kuya 23-07-2016

impanuka kuzirinda biba bigoye ariko ubusanzwe FUSO ntizijya zigenda gahoro wagirango zitwarwa n’abarwayi!Ariko izo muri Musanze zo wagirango zitwarwa n’abasazi!Igucaho ukagirango agize umujinya wokubura uwo agonga!Barakabya cyane!

robert niyonsenga Kuya 23-07-2016

bajye basuzuma izo modoka burigihe cyane cyane amakamyo abashinzwe kugenzura ibinyabiziga

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...