konka coffee
KONKA

AMAKURU

UKWEZI

Kigali: Impanuka ikomeye yahitanye umugabo n’umugore we, umwana wabo nawe ararembye

Kigali: Impanuka ikomeye yahitanye umugabo n’umugore we, umwana wabo nawe ararembye
6-11-2017 saa 17:31' | By Chief Editor | Yasomwe n'abantu 17212 | Ibitekerezo 10

Mu masaha ya mugitondo cyo kuri uyu wa Mbere tariki 6 Ugushyingo 2017, impanuka y’imodoka itwara abagenzi yo mu bwoko bwa Toyota Coaster, yahitanye ubuzima bw’umugabo n’umugore we, ndetse hari n’amakuru yemeza ko umwana wabo nawe amerewe nabi mu bitaro.

Iyi mpanuka yabereye hafi yo ku Kinamba cya Gisozi, hakaba no hafi y’Agakiriro, ku muhanda uva ku ruganda rwa UTEXRWA ugahura n’undi uva i Kagugu werekeza mu mujyi wa Kigali. Imodoka ya Toyota Coaster itwara abantu, yagonze umugabo n’umugore we, uwo mugore ahita apfa naho umugabo arakomereka ajyanwa kwa muganga amerewe nabi.

CIP Emmanuel Kabanda, umuvugizi w’Ishami rya Polisi rishinzwe umutekano wo mu muhanda, bikimara kuba yahamirije ikinyamakuru Ukwezi.com ko iyi mpanuka yabaye. Yagize ati: "Ni Coaster yavaga ku Kinamba igana kuri UTEXRWA, igonga abanyamaguru bamwe baba bari mu nkengero z’umuhanda, yagonze babiri umwe yitaba Imana undi arakomereka"

JPEG - 88.3 kb

Umuvugizi wa Polisi y’u Rwanda Ishami ry’umutekano wo mu muhanda, CIP Emmanuel Kabanda

Andi makuru ikinyamakuru Ukwezi.com cyamenye, ni uko nyuma yo gupfa k’umugore n’umugabo we agakomereka cyane akajyanwa mu bitaro bya CHUK, uyu nawe yahageze maze aza gushiramo umwuka nyuma y’akanya gato. Hari andi makuru avuga ko n’umwana wabo muto uwo mugore yari afite nawe yagize ihungabana kuburyo amerewe nabi mu bitaro. N’ubwo uyu mwana uri mu kigero cy’imyaka 8 we nta bikomere bikomeye yagaragazaga, abaganga ngo basanze yavunitse ingingo nyinshi z’umubiri we.

Abapolisi bo mu ishami rya Polisi y’u Rwanda rishinzwe umutekano wo mu muhanda, impanuka ikimara kuba batangiye gukora iperereza ngo hamenyekane icyateye iyi mpanuka.


INKURU ZA :
Tanga Igitekerezo
Ibitekerezo 10
gakwandi Kuya 9-11-2017

nyamara coaster hafi ya zose ziriya speed govenor abashoferi benshi bazikuyemo ntizigikora police ibe maso

mazimpaka pattrick Kuya 7-11-2017

BilababaJe pe!!!

mazimpaka pattrick Kuya 7-11-2017

BilababaJe pe!!!

-xxxx- Kuya 7-11-2017

Imana ibakirire mubayo

david Kuya 7-11-2017

polisi ngo igiye kureba icyateye impanuka hari kindi se kitari target abatwara coaster baba basabwe bigatuma bagenda nabi mu muhanda

ENOKA Kuya 6-11-2017

BIRABABAJE TU BIRABABAJE

Rosine Kuya 6-11-2017

Yari umugore n’umugabo, umugore niwe wahise yitaba Imana nyuma n’umugabo yapfuye ageze kubitaro bya CHUK. Imana ibakire mubayo. inihanganishe imfubyi basize.

Rosine Kuya 6-11-2017

Yari umugore n’umugabo, umugore niwe wahise yitaba Imana nyuma n’umugabo yapfuye ageze kubitaro bya CHUK. Imana ibakire mubayo. inihanganishe imfubyi basize.

Mozesi Kuya 6-11-2017

Imana imwakire mubayo abasigaye nabo bihangane

gakuba Kuya 6-11-2017

ikibazo cyaza, coaster bagishakire muli speed gavnor kuko benshi bazikoresha, muburyo butaribwo, niyo mpamvu ili gutuma impanuka ziyongera polisi ibikoreho naho ubundi bizakomeza, imodoka itarenza, 60KM ubundi niyo yakora, impanuka yaba yoroshye ntiyahitana abantu

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...