konka coffee
KONKA

AMAKURU

UKWEZI

Kigali: Umugabo afunzwe azira gutwika umugore we kugeza ashizemo umwuka

Kigali: Umugabo afunzwe azira gutwika umugore we kugeza ashizemo umwuka
14-09-2016 saa 16:32' | By Chief Editor | Yasomwe n'abantu 15109 | Ibitekerezo 12

Umugabo afungiye kuri sitasiyo ya Polisi ya Nyamirambo mu mujyi wa Kigali, akurikiranweho icyaha cyo kwica urw’agahinyaguro umugore we witwaga Tinnah, akaba yamutwikiye mu nzu arashya kugeza ashizemo umwuka.

Umuvandimwe wa nyakwigendera witwa Mukobwajana, yatangarije ikinyamakuru Ukwezi.com ko uyu mugabo yari amaze igihe yaratandukanye n’uyu mugore we ariko bakaba batari baratandukanye byemewe n’amategeko. Ngo bajyaga rimwe na rimwe bahura bakanasangira ariko ibyo kubana kwabo byo byasaga n’ibyanze.

Mukobwajana ati: "Byabereye i Nyamirambo kuri 40, yari umugore we bari baratandukanye umugore aba ukwe n’umugabo aba ukwe, hanyuma rero ejo mu masaha ya nimugoroba nibwo yavuye mu rugo atubwiye ko agiye, uwo mugabo niwe bari bari kumwe kuko abababonye niko batubwiye. Ubwo bajyanye ahantu, kuko n’ubundi basanzwe bavugana, akamutumira bagasangira... Ubwo banatahanye nyine batahana aho uwo mugabo yabaga, ni ukuvuga aho yari yakodesheje i Nyamirambo hafi yo kuri 40, kuko nyine aho bari batuye bari barahimutse... ntabwo bari barabonye gatanya ni nk’uko umugore yahukana, bahuraga bagasangira bakanaganira."

Akomeza avuga ko mu masaha y’urukerera rwo kuri uyu wa Gatatu tariki 14 Nzeri 2016, abaturanyi b’uyu mugabo ari bwo bumvise umugore atabaza, bagasanga umugabo yamukingiranye akamutwikira muri iyo nzu kugeza ubwo baje kubasha kumutabara yamaze gukongoka yashizemo umwuka. Bakeka ko yaba yamaze gufunga agakoresha esanse mu gukwika iyo nzu umugore yari arimo.

Uyu muvandimwe wa nyakwigendera avuga ko n’ubwo uwo mugabo yashyize akemera ko ari we watwitse umugore we, yabanje kubeshya ko yatahanye n’indaya ikaba ari yo yaje kubatwika umugabo agacika hagapfa umugore, gusa ibi yaje kwemera ko byari ukwikuraho icyaha.

Kugeza ubu umugabo afungiye kuri sitasiyo ya Polisi ya Nyamirambo, naho umurambo wa Nyakwigendera wo imihango yo kuwushyingura yabaye ku mugoroba wo kuri uyu wa Gatatu. Twagerageje kuvugana na Polisi ngo idutangarize byinshi kuri iyi nkuru ariko ntibyadukundiye.


INKURU ZA :
Tanga Igitekerezo
Ibitekerezo 12
paul Kuya 16-09-2016

gusa birababje cyane ,ibi bituma abagore twandukanye nabagabo bituma tugira ubwoba cyane bwo kongera guhura nabo ngo dusangira cg ngo badutumire ngotwemere,gusa ibi bitanga isomo kubagore batandukanye nabagabo babo

lucky Kuya 15-09-2016

RIP

uk Kuya 15-09-2016

Hahaaaaa, Jany, ngo usigaye ugura sex ?! Warongoye undi ko kubona gatanya bisigaye byoroshye ? Ubu koko ugiye kuzagwa mu gitsina wagitanzeho n’amafaranga!

xxl Kuya 15-09-2016

sha imana imworohereze uwo mwana twarakuranye yari nkumuvandimwe tu

JANY Kuya 15-09-2016

Si nshyigikiye ubugome bw’uyu mugabo ariko biragaragara ko yari abimaranye iminsi nubwo icyatumye batana kitaramenyekana,nyabuna bagore nimugerageze mugaruke mu ndangagaciro zanyu ubu abagabo twapfuye nk’amaradio ntitukivuga uwanjye amaze 1,9an yarataye urugo namusabye gatanya ngo nishakire undi yaranze ubu nsigaye ngura sex ku mafr.kandi nari mufite ubu koko umunsi namufatishije wagize ngo bizoroha?

simbi Kuya 15-09-2016

Imana ikwakire bamber Tinna

-xxxx- Kuya 15-09-2016

Imana Ikwakire mwana wa Masenge! ubu numiwe pe! gsa wababaye Imana izaguhorera ark

mary Kuya 14-09-2016

Inalillah waina ilaih rajiuna,Mana weeeee uyumwana ndamuzi weeeee,arambabaje birenze,yariyarashatse akiri muto cyane,Allah amwagurire imvaye amuhe iruhuko ridashira.disi iwabo ni rwampala nabaturanyi bacu.ntakundi katwihangane numuryango we wihangane

-xxxx- Kuya 14-09-2016

burya umufasha mwiza atangwa n Uwiteka dusege Imana igire icyo ikora kuko niyo ibasha kureba mumitima yacu

Marie Merci Kuya 14-09-2016

Mu Rwanda hari ikibazo cy’ubwicanyi bukomeye mu miryango, Leta ikwiye gukora ubushakashatsi ku kibitera,ese amategeko agenga umuryango mu Rwanda ntiyaba arimo icyuho? Ese ntitwaba dusezerana ku ngufu?Ese aho gutandukana ntibyaba bigoye?Ese aho anategeko ntiyaba atonesha abakobwa(abagore)akavuna abagabo?Hakwiye ubushakashatsi naho ubundi mu miryango ntibigenda pe. Twemere se ko ari ibyanditswe byera?Ngo umwana azica umubyeyi,umugore azica umugabo.....!Ahaaaaaa

Rilianne Kuya 14-09-2016

Ariko aba bagabo koko turabakizwa niki Mana?umuntu aguhunze akahukana kuki umukurikirana koko?erega no kuruhuka mumutwe biba bikenewe ngo urebe ko yisubiraho byibuze kumbi ari gucura umugambi wo kumwica?abo bana koko baba basize bunva ko bazabaho gute?inama nabagira bantu mwatandukanye nabo mwashakanye mufste ibyemezo mugume hamwe mureke no kongera kugirana relation nabo.aguhamagaye muvugishe cg umureke ariko mwe guhura nkaho ntacyabaye.ndakwNze ntivamo ndagukunze.gusa muri kutubabaza rwose imitima yabantu yarahindutse.uwo mugabo nawe ahanwe byintangarugero

Kankindi Kuya 14-09-2016

Yebaba weeeeee!!!!!!Imana yakire Roho y’uyu mubyeyi!!Gusa kirazira gutandukana n’umugabo mugakomeza gukururana!!Burya iyo watandukanye n’umuntu umesa kamwe agaca ukwe nawe ugaca ukwawe yenda mugahurira mu muhanda cg muri bus ariko mutongeye guhurira mu buriri!!Abagabo iyo mwatandukanye nyuma gato akakurongoraho ukamuryohera ahita atekereza ko ugiha abandi agahinduka nkinyamaswa kuko yumva ko ubwo buryohe wabumugomwe ukaba ubuha abanadi byanze bikunze akugirira nabi!!!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...