konka coffee
KONKA

AMAKURU

UKWEZI

Kigali: Umugabo yagiye mu kiriyo acunga abagize ibyago abiba amafaranga

Kigali: Umugabo yagiye mu kiriyo acunga abagize ibyago abiba amafaranga
18-10-2016 saa 03:58' | By RNP | Yasomwe n'abantu 9257 | Ibitekerezo 2

SP Emmanuel Hitayezu, umuvugizi wa Polisi mu mujyi wa Kigali

Mungwakuzwe Theogene w’imyaka 29 y’amavuko, ari mu maboko ya Polisi aho akurikiranyweho icyaha cyo kwiba amafaranga y’u Rwanda 400.000 n’amadorali y’Amerika 800 ndetse n’amakarita yo guhamagara ahwanye n’amafaranga y’u Rwamsa 15.000, byose hamwe bikaba bihwanye n’amafaranga y’u Rwanda arenga gato kuri 1.050.000. Aya mafaranga, yayibye ahantu yari yagiye mu kiriyo.

Umuvugizi wa Polisi y’u Rwanda mu mujyi wa Kigali, SP Emmanuel Hitayezu, yavuze ko ukekwaho iki cyaha yafashwe mu ijoro ryo ku itariki 15 Ukwakira, ari nabwo yahise ashyikirizwa sitasiyo ya Polisi ya Kimironko ari naho afungiye kugeza ubu.

SP Hitayezu avuga ko ayo mafaranga, Mungwakuzwe yayibye mu rugo rw’uwitwa Sebukoko J. Bosco utuye mu kagari ka Bibare, mu murenge wa Kimironko mu karere ka Gasabo, ubwo muri urwo rugo hari abantu benshi bari mu kiriyo.

Yagize ati: ”Uyu mugabo yinjiye mu nzu yitwaje kujya ku musarani uri mu nzu, agezemo akatira mu cyumba kindi ari nacyo yibyemo.”

Yakomeje avuga ko mu gusohoka, uyu mugabo yabonywe n’umwana ari nawe wamwerekanye bamusaka bakamusangana ibyo bari babuze muri icyo cyumba yinjiyemo, ari nabwo yahise ajyanwa kuri Polisi.

SP Emmanuel Hitayezu, yakanguriye abaturage muri rusange bakira abashyitsi mu ngo zabo, abagana amahoteli n’andi macumbi babikamo ibyo bagendana ko bajya bagira uruhare mu mutekano w’ibintu byabo birimo amafaranga, za telefoni n’ibindi, bakagira amakenga ku bahagendagenda n’iyo baba bahakora, kandi bakihutira kumenyesha Polisi igihe hari uwo baketse kugirango akurikiranywe bwangu.

Yagiriye inama abakora bene ubu bujura cyangwa n’abandi baba bafite umugambi wo kwishora mu bujura haba mu ngo z’abaturanyi, mu mahoteli cyangwa ahandi hose haba abantu, guca ukubiri n’iki cyaha kuko Polisi y’igihugu yashyizeho ingamba zikomeye zo kubatahura kandi bakanashyikirizwa ubutabera.

Ingingo ya 292 yo mu gitabo cy’amategeko ahana y’u Rwanda, isobanura ko kwiba ari ugutwara cyangwa gukoresha ikintu cy’undi bujura. Naho ibihano bikaba biteganywa n’ingingo ya 300.

Ingingo ya 300 iteganya ko umuntu wese ukora ubujura budakoreshejwe kiboko cyangwa ibikangisho, ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe cyangwa kimwe gusa muri ibyo bihano.


INKURU ZA :
Tanga Igitekerezo
Ibitekerezo 2
mutabazi,jadamaseni Kuya 20-10-2016

igitekerezo
natanga
nukomwa
tandukanya
imihanda
birakabije
burimusi
burimusi

Bumva Kuya 19-10-2016

Iyo bamukorera ibyihuse agaherekeza uwo bari babereye mu kiriyo, jyenda Rwanda wubahiliza amategeko agenga ikiremwamuntu, iyo biba nka Uganda cygwa Kenya n’ahandi muri Afrika ngo wirebere ko batamutwika imbonankubone . Kutica imbwa byorora imisega.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...