konka coffee
KONKA

AMAKURU

UKWEZI

Kigali: Umugabo yicishije icyuma umusore yashinjaga kumusambanyiriza umugore

Kigali: Umugabo yicishije icyuma umusore yashinjaga kumusambanyiriza umugore
26-06-2017 saa 13:39' | By Vincent Nsengiyumva | Yasomwe n'abantu 15081 | Ibitekerezo 10

Umugabo witwa Kubwimana William utuye mu Kagari ka Nyarutarama, mu murenge wa Remera ho mu karere ka Gasabo mu mujyi wa Kigali, yishe umusore witwa Ntibakure Adrien amuteye icyuma, bikaba bikekwa ko intandaro yabyo ari amakimbirane bari bafitanye yo gucana inyuma dore ko bombi bari bacumbitse mu gipangu kimwe.

Aya mahano yabaye mu ijoro ryo kuri iki Cyumweru mu masaha ya saa tatu z’ijoro ubwo uyu Kubwimana yatahaga agasanga Adrien mu rugo agahita amutera icyuma agahita apfa.

Umuvugizi wa Polisi mu Mujyi wa Kigali, SP Emmanuel Hitayezu, yahamirije Ukwezi.com iby’iyi nkuru avuga ko yamwishe koko kandi ko bashobora kuba bapfuye amakimbiranye bari bafitanye kuko bari basanzwe babana mu rugo rumwe.

Yagize ati “Nibyo koko umugabo witwa Kubwimana yateye icyuma mugenzi we ubwo yari amusanze iwe mu rugo. Ushobora gusanga bari bafitanye ibibazo nk’abantu basanzwe batuye hamwe bikaba bikekwa ko aribyo byabaye intandaro y’ubu bwicanyi.”

JPEG - 235 kb

SP Hitayezu Emmanuel; umuvugizi wa Polisi mu mujyi wa Kigali

SP Hitayezu yakomeje avuga ko Kubwimana William akimara kwica mugenzi we yahise atoroka ubu akaba agishakishwa n’inzego za Polisi zifatanyije n’abaturage.

Abaturanyi b’aba bagabo baganiriye n’ikinyamakuru Ukwezi.com bavuze ko uyu musore wishwe yakekwagaho gusambanya umugore w’uwamwishe, akaba ariyo ntandaro yabyo. Umurambo wa nyakwigendera wahise ujyanwa ku bitaro bya Kacyiru mu rwego rw’iperereza.


INKURU ZA :
Tanga Igitekerezo
Ibitekerezo 10
Salomon Kuya 4-07-2017

Uyu William ntiyari kumena amaraso,Bibiliya ijambo ry’Imana rivugako umugore ufashwe asambana agomba guhabwa imbabazi igihe bishoboka,byananirana agahabwa urwandiko rwo kumwirukana(kumusenda) ubu nimurukiko

Ndayambaje Salomon Kuya 4-07-2017

William yarahemutse kuba yarasanze uwomusore murugo agahita amwica yari guhamagara abaturanyi bagahana umugore nuwomusore ariko ntiyihanire,amategeko akore akazi kayo

bizmana Kuya 29-06-2017

ibibyose ni imikorere yasatani nokutaba maso abantu nibasenge Imana ibahishurire kuko iyo utarimo umwuka wImana ntacyo utakora byose umuntu abishobozwa no gusenga nokwiyiriza ubusa kuko nitagendagucyo nibindi biraje

sasa Kuya 28-06-2017

izi ni ingaruka za jenoside zikitubungamo

Nambajimana Kuya 28-06-2017

Abantu ko bari gupfa ubusa ra? Niba yamurongoye se uwo wari umwanzuro wanyuma wo kumwica? Yagombaga kujyana umugore we mu ingando.

Gilbert Kuya 28-06-2017

Ariko mwumva kumena amaraso ariwo muti wikibazo? Ayamenetse mugihugu ntahagije,urumva nawe NGO wamwicana n’umudamu wawe hanyuma ukajya gutura muburoko? Ubwoc abo bana waba ugize imfubyi ngo nuko baguciye inyuma ,haraho cyaba cyagiye ,Mutuze mureke kumena amaraso

aaaaaaa Kuya 28-06-2017

Ehhh,mbega ubugome bw’indengakamere uyu mukozi akanirwe urumukwiye

Ntiharirizwa Ferdinand Kuya 28-06-2017

uwomugaboa ndamwemeye kabisa nanjye ntiwandongorera umugore ngo uhamvane nakuranginza ubundi nkaja kuri police nkibera muri gereza kandi numugore nabica mwese!

mugenzi celestin Kuya 27-06-2017

yesu ashimwe ubwose uwo mugabo yacyemuye icyibazo najye kwiryamira muri gereza niho abagabo badafuhira abagore babo abantu biyiminsi yimperuka barakabije kwica bagenzi babo

Nsengimana Innocent Kuya 27-06-2017

Bazabure kuzizirika ngo bazajya birigwa barongora abagore ba rubanda bizi uwo nzafatira kuwange tuzarwanda inkundura

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...