konka coffee
KONKA

AMAKURU

UKWEZI

Kigali: Umukozi wo mu rugo yacurishije imfunguzo yiba shebuja amafaranga n’amatelefone

Kigali: Umukozi wo mu rugo yacurishije imfunguzo yiba shebuja amafaranga n’amatelefone
19-04-2017 saa 06:21' | By RNP | Yasomwe n'abantu 8388 | Ibitekerezo 6

Polisi y’u Rwanda ikorera mu karere ka Gasabo mu mujyi wa Kigali, ifungiye kuri Sitasiyo ya Kacyiru umukozi wo mu rugo ukekwaho kwiba umukoresha we asaga miliyoni imwe y’amafaranga y’u Rwanda, telefone ebyiri ngendanwa zo mu bwoko bwa Samsung S7, n’amadolari 100 ya Amerika.

Ngirababyeyi Pierre ufite imyaka 25 y’amavuko ni we ukekwaho kubyiba. Yafatiwe mu kagari ka Mabengera, mu murenge wa Musambira mu karere ka Kamonyi ku itariki 17 z’uku Kwezi.

Umuvugizi wa Polisi y’u Rwanda mu Mujyi wa Kigali, Superintendent of Police (SP) Emmanuel Hitayezu, yavuze ko yabyibye mu ijoro ryo ku itariki 16 z’uku Kwezi ahagana saa mbiri abikuye mu cyumba byarimo. Yongeyeho ko urugi rw’icyumba byarimo yarukinguje urufunguzo rw’urucurano.

Yagize ati:"Amaze kwinjiramo yavanyemo amafaranga y’u Rwanda 1.400.000, izo telefone zombi n’ayo madolari ahita ahava. Yafashwe amaze gukoresha ibihumbi 84 by’amafaranga y’u Rwanda muri ayo yibye."

SP Hitayezu yavuze ko iperereza rikomeje kugira ngo hamenyekane, ndetse hanafatwe abafite aho bahuriye n’ubwo bujura. Yakanguriye abakoresha kumenya imyirondoro y’abo bakoresha kugirango igihe babibye cyangwa bakoze ibindi byaha byorohere Polisi kubafasha mu guta muri yombi vuba ababa babibye.

JPEG - 92.4 kb

SP Hitayezu Emmanuel, Umuvugizi wa Polisi y’u Rwanda mu mujyi wa Kigali

Abiba nabo, SP Hitayezu yabagiriye inama yo kubicikaho bagashaka ibyo bakora byemewe n’amategeko bibateza imbere aho gutega amaramuko ku bikorwa binyuranyije n’amategeko bibagiraho ingaruka n’imiryango yabo.

Ayo mafaranga n’izo telefone byashyikirijwe nyirabyo (Habimana). Yashimye Polisi y’u Rwanda agira ati,"Nkimara kwibwa natanze ikirego kuri Sitasiyo ya Polisi indi hafi. Umupolisi wanyakiriye yanyijeje ko ibyo nibwe bizaboneka none imvugo ibaye ingiro kuko ku munsi ukurikira uwo nibweho bampamagaye bambwira kuza kubifata. Ndayishimira uburyo ikurikirana ikibazo igejejweho kugeza gikemutse."

Umuvugizi wa Polisi y’u Rwanda mu Mujyi wa Kigali yagarutse ku kamaro ko gutangira amakuru ku gihe no kuyahanahana hagati y’inzego z’ubuyobozi agira ati,"Bituma ibyaha bikumirwa no bigafasha no gufata vuba ababikoze."

Ngirababyeyi nahamwa n’iki cyaha cy’ubujura azahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda yikubye inshuro kuva kuri ebyiri (2) kugeza kuri eshanu (5) z’agaciro k’icyibwe; nk’uko biteganywa n’ingingo ya 300 yo mu gitabo cy’amategeko ahana ibyaha mu Rwanda.


INKURU ZA :
Tanga Igitekerezo
Ibitekerezo 6
Emmanuel Twahirwa Kuya 27-04-2017

police y urda ntamikino isigaye ifite kubintu bijyanye n icyaha.abakora ibyaha bagomba kwisubiraho naho ubundi akabo kageze

bijyirimana thoe Kuya 25-04-2017

nibyo uwowate myeumu daso yarakwi yekwinca ahu bwo baribamutindiye

anitha knouless Kuya 23-04-2017

ohhhhh pore kbs imana ibahe iruhukoridashira

Uko Mbyumva Kuya 21-04-2017

Erega gukoresha abakozi bo mu rugo ntibikijyanye n’igihe.

LOLO Kuya 19-04-2017

ubujura nk,ubu burarenze uwo muntu ateye ubwoba pe icyaha nikimuhama azahanwe bikomeye ariko iyo hazabu ntayo yabona ahubwo hazavuguruwe itegeko abantu nkabo bajye bafungwa burundu

2 Kuya 19-04-2017

AMATEGEKO KUKI, ARENGERA ABICANYI NA BAJURA AZAFUNGWA, AMEZI ATANDATU ,NIHAZABU.!!!!!IIKUBYE IBYO YIBYE! !!!!IYO BABIVUGA BAZI KO ABAJURA BAGIRA IKI!!!BABAFUNGA NTAMIKINO BABICIKEHO NAHO INDISHYI, NTA NIGICERI, BAGIRA,

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...