konka coffee
KONKA

AMAKURU

UKWEZI

Major Dr Rugomwa wakubise umwana bikamuviramo gupfa yakatiwe igifungo n’ibindi bihano

Major Dr Rugomwa wakubise umwana bikamuviramo gupfa yakatiwe igifungo n’ibindi bihano
21-08-2017 saa 13:11' | By Chief Editor | Yasomwe n'abantu 12613 | Ibitekerezo 17

Urubanza ubushinjacyaha bwa gisirikare bwakurikiranagaho Dr Major Aimable Mupenzi Rugomwa wari umusirikare mu ngabo z’u Rwanda akaba yari n’umuganga mu bitaro bya gisirikare i Kanombe, rwasojwe uyu mugabo ahanishijwe icyaha cyo gukatirwa igifungo cy’imyaka 10, kwamburwa impeti (amapeti) za gisirikare no gucibwa indishyi z’amafaranga y’u Rwanda arenga miliyoni cumi n’imwe.

Urukiko rwa Gisirikare ruherereye i Nyamirambo mu mujyi wa Kigali, rwahamije Maj Dr Aimble Rugomwa icyaha cyo gukubita no gukomeretsa umwana bikaza kumuviramo gupfa, ahita akatirwa igifungo cy’imyaka 10 ndetse n’indishyi z’amafaranga y’u Rwanda 11.570.000, kongeraho ko yahise yamburwa impeta zose za gisirikare yari afite (Umusirikare ku ipeti rya Major).

Izi ndishyi z’amafaranga y’u Rwanda 11.570.000, zirimo 1.500.000 kuri buri mubyeyi muri batatu bareraga umwana wishwe, hakabamo miliyoni imwe imwe ku bavandimwe be barindwi, ndetse n’andi yo kwishyura ibyakoreshejwe mu gushyingura uwo mwana.

Ku Cyumweru tariki 4 Nzeri 2016, nibwo Dr Aimable Mupenzi yakubise uwo mwana w’umuhungu wari ufite imyaka 19 y’amavuko, wari umunyeshuri mu mwaka wa kabiri w’amashuri yisumbuye, kugeza amwishe. Ibi byabereye mu kagari ka Rubirizi mu murenge wa Kanombe, umwana wakubiswe akaba ari umuturanyi w’uyu musirikare.

Uyu mwana yapfuye nyuma yo gukubitwa. Major Rugomwa avuga ko ari igisambo barwanye

Mbarushimana Theogene wapfuye nyuma yo gukubitwa na Dr Aimable Mupenzi, bivugwa ko yamuzizaga ko yamwibye ibintu mu modoka ye n’ubwo abaturanyi bavuga ko ntabyo bazi ko byaba byarabayeho. Gusa ngo uyu muganga w’umusirikare yajyaga akunda kwibwa ibintu mu modoka akavuga ko uzafatwa azahura n’akaga gakomeye, n’ubwo nta gihamya y’uko uyu nawe koko yaba yari yamwibye.

Nyuma yo kwica uyu mwana, Dr Aimable Mupenzi yahamagaye umuyobozi w’akagari ka Rubirizi, amubwira ko yishe igisambo n’ubwo atigeze agaragaza ibyo yamufatanye. Abaturanyi bavuga ko yahuye n’uyu mwana, akamukurura akamujyana iwe akaba ari ho amukubitira kugeza amumazemo umwuka.

Mu muhango wo gushyingura uyu mwana, amarira n’agahinda byari byose

SOMA INKURU BIJYANYE HANO:

* Kigali: Umuganga ufite ipeti rya Major yakubise umwana aramwica

* Ingabo z’u Rwanda zasuye umuryango w’umwana wishwe akubiswe na Major Mupenzi

* Major Aimable Mupenzi yahakanye gukubita umwana akamwica, avuga ko yarwanye n’igisambo

* Major Dr Aimable ushinjwa gukubita umwana akamwica yakatiwe kuba afunzwe by’agateganyo

* Major Dr Aimable ushinjwa gukubita umwana akamwica, yatanze impamvu zituma ataburana


Tanga Igitekerezo
Ibitekerezo 17
TULI Kuya 5-09-2017

UMVAYEMUKOMBAKUMUHANABYAMATENGEKO

kaka Kuya 26-08-2017

Afungwe burunfu di

niwe Kuya 24-08-2017

Rwose turashimira ubutabera bwa gisirikare kugihano bamufatiye nibyiza mukomerezaho murwanye ibyaha bikorerwa abanyarwanda

jacques Kuya 23-08-2017

ubutabera bwakoze akazi keza koguha uwakoze icyaha

Maitre Kuya 23-08-2017

Ariko narumiwe umuntu wize akagera ku rwego rwa Doctorat Akaba Major Umuganga mu Bitaro Byiyubashye nka Kanombe Akihanira Akica Nawe Nubwo bamuhaye igihano gito akwiriye kwihana akakira agakiza kuko biteye isoni kuri we no ku gihugu Ndamusengeye

ndayambaje edris. Kuya 22-08-2017

Uwomusirikare urukiko rwafifitse ikosarye maze rura ruramurengera mutandukanye gukomeretsa no kwica kuko umupfu ntakomereka .

kafa Kuya 22-08-2017

njyewe iki gihano bamuhaye ntabwo nkemera nabusa .kuko yishe uriyamwana abishaka kandi ibigambiriye ubutabera nibumuhane .bumuhe iogihano cyaburundu kuko nawe yarumuntu nkabandi .

iganze Kuya 22-08-2017

Ngo yarwanye n’igisambo? Cyangwa yishe umuntu? Mwa bantu mwe nuhura n’umuntu uko azaba ameze kose ujye utekereza ko hari umubyeyi wamutwite amezi 9 akamugira ku bise akamubyara, akamwonsa ngo abashe gukura nk’uko nawe nyoko yabigukoreye cyangwa uko abana bawe bafashwe bikakunezeza, wirinde kumureba nk’igiterashozi, umurebe nk’umuntu ukwiye kwubahwa. Ashobora kuba adasa neza, ariko ntiyahamagaye. Ibyo bishobora no kuba ku mwana wawe, ku muvandimwe wawe. Gupfobya umuntu ni ukwipfobya ubwawe kuko aba ari umuntu waremwe n’Imana nkawe mu ishusho yayo.Hari uko ari uyu munsi ejo ushobora kuba uko ameze nawe akamera uko umeze ubu. Iby’isi ni gatebe gatoki.

Hirwa Raoul Kuya 22-08-2017

Ngo ntabwo yamwishe? ngo yamukomerekeje bimuviramo gupfa? niba iyo ngirwa musirikare yaramukomerekeje ubwo hari uwamwishe wundi nawe nimumukurikirane abe ariwe icyaha cyo kwica gihama afungwe burundu nkuko amategeko abiteganya.mujye mureka amanyanga mutwaza ubusesenguzi nkaho abo mubibwira ari injiji.

Iradukunda Kuya 22-08-2017

Ngo yamukubitaga yitabara? Umuntu w’umugabo kandi w’umusirikare yari ariho yitabara kuri uriya mwana? None ngo ntiyamwishe ahubwo yaramukomerekeje bimuviramo gupfa. Ariko ingingo z’amategeko uko zisobanurwa biaratangaje. None se ubwo uwo mwana yishwe na nde? ko abacamanza basa naho Uwo musirikare atamwishe? Umuryango w’uyu mwana wari ukwiye kujurira rwose maze ugashaka umwunganizi usobanukiwe cyane n’amategeko akavuguruza iyo ngingo yashingiweho maze Uwo wishe uwo mwana agahanwa by’intangarugero. Mbese agahanirwa kwica aho guhanirwa gukomeretsa.

MALARAYIKA Kuya 22-08-2017

@MANZINA icyowifuza niki? jyewe narayobewe ubwo ikimenyane uvuga aho nikihe ? cyangwa wagirango bamwice nkuko yishe icyo ugomba kumenya ntabwo ubutabera bwu RWANDA bushingiye kukwica ahubwo burakosora bugahana ntabwo rero aruguhora ijsho kurindi . amaraso yamenetse muri 1994 arahagije harageze ngo umuntu ahanwe aboneko ibyoyakoze arikosa hatavuye amaraso . Ahubwo mwanze kunyurwa gusa ngomwere ko urwanda rushoboye muhorana amatiku mumitima yanyu.harageze ngo muhindeke namwe.mwanga mwakunda muzemera.

Nshimiyimana Alexis Kuya 21-08-2017

Ubwo nibwo Butabera dukeneye mu gihugu cyacu!Natwe abaturage twari duhanze amaso ibyuwo mufande wacu wica inzirakarengane.

Remezo B Kuya 21-08-2017

Usesenguye amategeko wasanga harimo kubogama(ingingo zakurikijwe), noneho urebe uko uyu muganga angana uarebe uko uriya mwana yanganaga kandi yari n’umuturanyi, ubu se uyu Dr wica aho gukiza ntibibabaje? ubugome ko bwiyongera dukore iki koko?

Simple Kuya 21-08-2017

Ubutabera bwubahirijwe pe! God bless Rwanda

Emmanuel Kuya 21-08-2017

ubutabera bwurwanda bravo burakora neza cyane ntibuzihanganira nagato abica abandi babireba kandi babishaka uriya mwana yari ejo heza higihugu numuryango we imana imwakire mubayo

Niyibigira Marcel Kuya 21-08-2017

Turashimira cyane byimazeyo Urukiko Rwagisirikare igihano rwahanishije Dr Aimable Mupenzi.

Manzina Kuya 21-08-2017

Icyo si igihano harimo ikimenyane n’akarengane

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...