konka coffee
KONKA

AMAKURU

UKWEZI

Mu buryo bw’amayobera, umugore watwikishije inshuti ye aside yatorotse gereza ya 1930

Mu buryo bw’amayobera, umugore watwikishije inshuti ye aside yatorotse gereza ya 1930
11-06-2016 saa 08:30' | By Chief Editor | Yasomwe n'abantu 19114 | Ibitekerezo 33

Umugore witwa Dusabimana Eugenie wari ukurikiranyweho icyaha cyo gutwika umukobwa wari inshuti ye magara akoresheje aside, mu buryo bw’amayobera yatorotse gereza ya Kigali bakunda kwita 1930, kandi akaba atari ubwa mbere atorotse kuko n’aho yafungiwe bwa mbere yari yatoboye inzu agatoroka.

Tariki 12 Mutarama uyu mwaka, nibwo umugore witwa Dusabimana Eugenie yatwitse umukobwa wari inshuti ye magara witwa Ntakirutimana Violette, akaba yaramutwitse akoresheje aside akangirika bikomeye.

Mu kiganiro yagiranye n’ikinyamakuru Ukwezi.com mu minsi ishize, Ntakirutimana Violette yasobanuye ko uyu Dusabimana Eugenie yari asanzwe ari inshuti ye magara ndetse akaba yaratunguwe no kubona amukorera ubwo bugome.

Akimara gutwikwa, Ntakirutimama Violette ni uku yari ameze

Ntakirutimana Violette ati: "Nabaga mu Gatsata ku mukecuru w’inshuti y’iwacu, Dusabimana arampamagara ambwira ko aje kunsura, hanyuma ageze mu Gatsata yanga kugera mu rugo arambwira ngo nimusange ku irembo ambwire, mpageze arambwira ngo arashaka ko muha ku mafoto dufitanye, nsubira mu rugo kuyazana ngarutse ahita amenaho aside."

Aha kuri iyi foto, ubanza wambaye wambaye umukara n’umweru niwe Eugenie naho Ntakirutima Violette ni uyu wambaye ipantalo y’ubururu. Iyi ni ifoto yabo ya kera

Ntakirutimana Violette avuga ko ubwo ibi byamubagaho, yahise ajyanwa kwa muganga kugirango akurikiranwe n’abaganga, naho Dusabimana Eugenie we agahita atoroka. Tariki 21 Mutarama Dusabimana Eugenie yatawe muri yombi na Polisi arafungwa ariko aza gutobora aho yari afungiye aratoroka, nyuma yongera gutabwa muri yombi tariki 5 Gicurasi 2016 aje mu Rwanda yiyoberanyije kuko yari yarahungiye muri Uganda.

Nyuma yo kongera gufatwa, yahise afungirwa muri gereza ya Kigali izwi nka 1930, ariko kuwa Kabiri w’iki cyumweru nabwo akaba yaratorotse mu buryo kugeza ubu budasobanutse. Sengabo Hillary, umuvugizi w’amagereza mu Rwanda, yabwiye Ukwezi.com ko uyu Dusabimana Eugenie yatorotse kuwa Kabiri, bakaba bakeka ko yaba yaruriye.

Nyamara andi makuru agera ku kinyamakuru Ukwezi.com, agaragaza ko itoroka ry’uyu mugore ririmo urujijo. Umukobwa ukora akazi k’ubuzunguzayi mu gace ka Nyabugogo witwa Mutoni, niwe wafatishije Dusabimana Eugenie ubwo yazaga i Kigali nyuma yo gutorokera muri Uganda.

Uyu mukobwa yagiye gusura undi muntu kuri gereza ya Kigali izwi nka 1930 kuri uyu wa Gatanu, maze abwirwa n’abanyururu ko kamubayeho, kuko umugore yafatishije yatorotse kandi akagenda avuze ko azamwica. Aha hakibazwa uburyo yatorotse yabanje kubyigamba, kandi kuva kuwa Kabiri ubuyobozi bw’iyi gereza bukaba butari bwigeze butangaza ko yatorotse.

Uyu ni Ntakirutimana Violette, iyi ikaba ari ifoto yafashwe mbere y’uko atwikwa

Twabibutsa ko uyu mukobwa watwitswe, yaje kumenya ko umugore wamutwitse yamuzizaga ko ari we waba yarabwiye umugabo we ko asigaye akora uburaya, kandi ngo atari we wamureze.

Violette ati: "Yari umugore afite umugabo basezeranye, umugabo we yabaga i Nyacyonga yaramusize yaramubwiye ngo afite akazi i Kigali, akajya akora uburaya maze nyuma umugabo aza kubimenya, abimenye barashwana bavugana nabi, uwo mugore we kubera ko twari inshuti yahise wenda yiyumvisha ko ari njye wabibwiye umugabo we. Uretse ko ntakintu yigeze ambaza cyangwa ngo agire icyo abimbwiraho, nyuma bamufunze nibwo yabisobanuye, yaravuze ngo namuteranyije n’umugabo we, kandi umugabo we bamubaza akavuga ko yabibwiwe n’abamotari n’abashoferi".

Uku niko Violette Ntakirutimana asigaye ameze, n’ubu akaba akomeje kwivuza n’ubwo yangiritse cyane mu isura

IKITONDERWA: GUSANGIZA ABANTU BENSHI IYI NKURU NI UGUFASHA ABASHINZWE UMUTEKANO NGO YONGERE AFATWE ARYOZWE IBYO YAKOZE


INKURU ZA :
Tanga Igitekerezo
Ibitekerezo 33
hakim Kuya 6-03-2017

Ibyo ntibibaho ya cika gute c ? noneho ubishatse wese ya cika 1930 ntabwo twabyemera bongere utekano aho kbs. bitabaye bafungura nabandi bakavugako batorotse

emmanuel Kuya 10-07-2016

Iyo ni yaruswa tu.uvuga NGO nindaya zige zicana nyabuna ntawaremewe kwicwa jyaugabanya ubukana mumvugo.ESE ubundi Uzi ko nusambanye numuntu umwe(1) nawe yitwa indaya imbere yi ’Imana ngaho igenzure rero utaba uvuga nabi bagenzi base.

iradukunda sandra Kuya 30-06-2016

ndumiwe kbs but nibishoboka
namayobera

iradukunda sandra Kuya 30-06-2016

ndumiwe kbs but nibishoboka
namayobera

Lambert NDATIMANA Kuya 15-06-2016

birabaje kubona Ubuntu atorokereza arumwicanyi kabuhariwe abashizwe umutekano bagerageza gukurina ibyuwo mugome

Nshimiyimana jean Baptiste Kuya 14-06-2016

Baratubeshya ntabwo yakwivanamo hariya

Nshimiyimana jean Baptiste Kuya 14-06-2016

Baratubeshya ntabwo yakwivanamo hariya

Dative Kuya 14-06-2016

Barabeshya nta mugore watoroka hariya wapi bamushake nako abo bacungagereza babe bacumbikiwe nabo

bb Kuya 13-06-2016

Andika Igitekerezo cyawe hano uwo mugore ashakishwepe.

Peter Kuya 13-06-2016

ntakuntu umugore yatoroka nabasore bijya bibananira,bamubaze abo bacungagereza

hatsindintwali Kuya 13-06-2016

ndumva uyumuntu watwitswe yafashwa agasubirana isuraye akavunzwa hanze

Munyaneza Albert Kuya 12-06-2016

Kuvugango Yatorotse 1930 Ntibibaho Abo Bacungagereza Babibazwe ,uziko Harimo Nabapara Komando Byananiye Nkanswe Uwo Mugore Bitubeshya

Gasana Kuya 12-06-2016

Ni ryari mu rwanda hatabaye guhishira ukuri,cid itegeka bantu yafashe cg yahohoteye ibyo bavuga ,none se umukobwa yakurira gereza 1930,ate nanjye byarananiniye mfite brevet militaire Bem ,

Gasana Kuya 12-06-2016

Ni ryari mu rwanda hatabaye guhishira ukuri,cid itegeka bantu yafashe cg yahohoteye ibyo bavuga ,none se umukobwa yakurira gereza 1930,ate nanjye byarananiniye mfite brevet militaire Bem ,

kuribwa Kuya 12-06-2016

Dore ruswa nigitsina yatanze kubacunga gereza nagafranga mwijya kure .

mukamana olive Kuya 12-06-2016

mbere yokujya muribyo byose mwadufasha tukamenya niba we numuryangowe barindiwe umutekano? kuko nfite ubwoba ko umunsi umwe muzadutangariza ko imirambo yabo mwayisanze muri ruhurura

ndayisaba cyprien Kuya 12-06-2016

ariko ubundi ntaho umuntu yarega aba bashingwagereza kuko turi gutahira kuvuza induru

Mucyo Julien Kuya 12-06-2016

Rwose nubundi leta Yacu isanzwe ifasha abantu bafite ibibazo bikomeye ariko badafite ubushobozi. Twasabaga ko uyu mudamu watwitswe yafashwa akajaya kuvuzwa hanze isura ye igasubirana. Ubuyobozi Turabusaba rwose. Nanjye nzasanga 200,000 nibwo bushobozi ndabona.

Mucyo Julien Kuya 12-06-2016

Rwose nubundi leta Yacu isanzwe ifasha abantu bafite ibibazo bikomeye ariko badafite ubushobozi. Twasabaga ko uyu mudamu watwitswe yafashwa akajaya kuvuzwa hanze isura ye igasubirana. Ubuyobozi Turabusaba rwose. Nanjye nzasanga 200,000 nibwo bushobozi ndabona.

sefuntambiye Kuya 12-06-2016

ndumiwepe!!! bakore iperereza abiziranyeho nabacunga gereza

tekla Kuya 12-06-2016

izi ni indaya zicanye zose ziba zizi ko zikora neza ni ingaruka nyine

mwanankundi Kuya 11-06-2016

ariko ubundi 1930 uko yubatse murakuzi? kuvuga ngo umuntu yayitorotse ni nkokuvuga ngo umuntu yambutse nyabarongo namaguru

Gogo Kuya 11-06-2016

Mbega umugome! None ngo yaratorotse? Nka bangahe bandi se babasha gutoroka 1930? Gusa Imana irinde aba bamushinje ubugome bwe

bbbb Kuya 11-06-2016

harya corruption ugomba kuribwa kugirango icike gusa murabitweretse

theogene Kuya 11-06-2016

ahaa nurujijo yine

Charles Kuya 11-06-2016

Game!!!!
Ngo yaratoboye!!!!
Umukobwa yatoboye gereza????
Oya mwe kujya mudufata nkaho tudatekereza!!!!
Ubwo se uwo mukobwa yatoboye gereza gute????
Ahubwo uwo wamenweho aside yitonde asenge cyane kuko wasanga hari ikindi kibyihishe inyuma!!!!

Aho yarafungiwe baduhe ibisobanuro kuko bitabaye ibyo yaba ari filimi twandikiwe

Charles Kuya 11-06-2016

Game!!!!
Ngo yaratoboye!!!!
Umukobwa yatoboye gereza????
Oya mwe kujya mudufata nkaho tudatekereza!!!!
Ubwo se uwo mukobwa yatoboye gereza gute????
Ahubwo uwo wamenweho aside yitonde asenge cyane kuko wasanga hari ikindi kibyihishe inyuma!!!!

Aho yarafungiwe baduhe ibisobanuro kuko bitabaye ibyo yaba ari filimi twandikiwe

Jackson Kuya 11-06-2016

ubwose niba umukobwa abasha gucika ntibivuga ko abagabo bashize? hari amayobera!

j pierre bariyanga Kuya 11-06-2016

abashinzwe iyogereza bakurikiranwe kukontibyumvikana uburyoki uwomwicanyi yaba yabacitse kbs

rebecca Kuya 11-06-2016

1930 hagororerwa ababurundu aba30 aba25 nabandi benshi ko bataratoroka nukuvuga ko baba badakeneye kwidegembya?

june Kuya 11-06-2016

Ibyo byintwa KATA.bajye babeshya abana yatorotse gutese?

Matsiko Kuya 11-06-2016

ndumva ari dange

gg Kuya 11-06-2016

hhhhhhhh ahubwo abashinzwe umutekano badufashe batubwire aho ari kuko ndumva bahaturusha ariko cash we! ahaaaaa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...