konka coffee
KONKA

AMAKURU

UKWEZI

Muhanga: Umugabo yishe umugore we nawe ariyahura bapfa ubukwe bw’umukobwa wabo

Muhanga: Umugabo yishe umugore we nawe ariyahura bapfa ubukwe bw’umukobwa wabo
19-10-2016 saa 07:04' | By Chief Editor | Yasomwe n'abantu 15407 | Ibitekerezo 18

Ku mugoroba wo kuri uyu wa Kabiri tariki 18 Ukwakira 2016, umugabo wo mu karere ka Muhanga yishe umugore we amutemaguye, nyuma yo kumwica nawe ariyahura arapfa. Bapfaga kutumvikana ku bijyanye n’ubukwe bw’umukobwa uwo mugore yabyaye ku wundi mugabo.

Ibi byabereye mu kagari ka Kigarama mu murenge wa Cyeza mu karere ka Muhanga, ahagana ku isaha ya saa kumi n’ebyiri n’igice z’umugoroba. Aya makuru kandi yemejwe na CIP André Hakizimana, umuvugizi wa Polisi y’u Rwanda mu Ntara y’Amajyepfo, mu kiganiro yagiranye n’ikinyamakuru Ukwezi.com.

CIP André Hakizimana yabwiye ikinyamakuru Ukwezi.com ko uyu mugabo witwaga Selemani Habimana, yabanaga n’umugore we Uwimana Christine ariko batarasezeranye imbere y’amategeko, bakaba bari bamaze imyaka 13 yose babana ndetse bafitanye umwana umwe.

CIP André Hakizimana, avuga ko Selemani Habimana ari umusaza w’imyaka 67 y’amavuko, naho Christine bashakanye nawe akaba ari umugore ukuze watandukanye n’undi mugabo bafitanye abana bakuru. Umukobwa mukuru wa Uwimana Christine witeguraga gushyingirwa, yasabye nyina ko imihango y’ubukwe bwe yazabera iwabo mu rugo rwa Se undi arabyemera, gusa Selemani ntiyabikozwaga kuko yavugaga ko ari we umaze imyaka 13 arera abo bana, bityo imihango y’ubukwe bw’uwo mukobwa ikaba igomba kubera aho asanzwe arererwa.

Uwimana Christine ibyo yabirenzeho ajya mu rugo rw’umugabo batandukanye aho yari amaze ukwezi bari mu by’imihango y’ubukwe bw’uwo mukobwa, ibi bikaba ari byo byarakaje cyane Selemani Habimana agapanga uko yamwivugana.

CIP André Hakizimana akomeza avuga ko kuri uyu wa Kabiri, Selemani Habimana yagiye gutegera mu nzira uyu mugore we akamutemagura, hanyuma akajyanwa ku kigo nderabuzima cya Rutobwe ari intere ndetse agahita ashiramo umwuka.

Selemani Habimana nawe nyuma bagiye kumushaka ngo atabwe muri yombi aryozwe ibyo yakoze, basanga yahise yiyahura nawe arapfa, imirambo yabo yombi ikaba yajyanywe mu bitaro bya Kabgayi.


INKURU ZA :
Tanga Igitekerezo
Ibitekerezo 18
marry Kuya 21-10-2016

ahaaa!birababaje Nina yarakiriye Ababa iyo bamureka akanacyuza ukwe selemani ihangane nubwo wacumuye.

uwase Kuya 21-10-2016

Yewe mu ngo haba byinshi tukamenya bike. selemani yakoze igikorwa kiga yitse ariko na christine ntiyari shyashya, bombi bapfuye gipagani. ikizwi kdi ni uko selimani yareze abakobwa ba christine akabarihira amashuli christine akamenesha abana ba selimani bakanacikiriza amashuuli. ikizwi kandi kindi ni uko izo nzu nyamukobwa yagiye gukorera mo ubukwe bayiherukaga nyina atarashakana na selimani, ibyo ni ubukunguzi bari baramuriye baramuhenuye babonyeko amaze gukena banga .............

shumbusho Kuya 21-10-2016

Gusa uko byagenda kose tutitaye kumakosa yabaye ibyo selemani yakoze ntibikwiye

Niyonkuru Kuya 21-10-2016

Nyabuneka ntimukihute kuvuga cg guca urubanza kubyo mutazi neza nabo mutazi neza. Murakomeretsa ababuze umubyeyi, umuvandimwe, inshuti...Ubukwe bwabereye ku ivuko, munzu abana be bavukiyemo, bagakuriramo ariko nta mugabo uhari. Christine yari yarapfakaye abana be ari ibitambambuga. Yarabareze barakura wenyine. Selemani yababonye bafite hejuru y’imyaka 20. Uretse ko niyo aba yarabanye na Christine abana bakiri impinja numva atariyo mpamvu yo kumena amaraso. Kuvuga ko ariwe wareze abo bana nyuma nyina akajyana ubukwe kwa se ubabyara sibyo rwose. Christine, ruhukira mu mahoro. Muryango wa Christne mwihangane, mukomere twifatanyije namwe mu gahinda ko kubura uwanyu mu buryo nk’ubu. Selemani ndakugaye cyane.

sezerano Kuya 20-10-2016

uriya mugore yatimye selemane atekereza birenze igipimo bituma hazamo ubwicanyi gusa yatekereje hafi nitwihangane

N C Kuya 20-10-2016

Mugerageze mutange comentaire mutagira uwo mubabaza.kko murimo kudusonga.Ese abobana Selemani yareze bakanga ko ibirori byabo bibera iwe yababonye badakuze?nta 1 yakiriye ari munsi ya22ans.ni umugome araduhekuye adutwaye umubyeyi twakundaga. Christine RIP .gusa ni ibimenyetso byimperuka.NB: NTABWO YASANZE UWO UWO MUGABO ASIZE UNDI.YARI YARAPFUYE KERA.Mwitondere ibyo mwandika rero birimo kudukomeretsa.

claude Kuya 20-10-2016

izi ni ingaruka zicyaha kuko ingaruka zicyaha ni urupfu, gusa turihanganisha umuryango basize

karama cyeza Kuya 19-10-2016

Uziko seleman ejo nari namubonye mu gitondo kumbi yarimo apanga kwica umugore weeeeeee,mbega isi gusa lMANA nitabare ingo zubatse kuko satani yarahagurutse

ukuri Kuya 19-10-2016

Selemani ni umugabo we wa mbere, kandi ubukwe bwarabaye le 15/11/2016. Bapfuye inkwano zuwo mukobwa wabo bashyingiye.

DIDI Kuya 19-10-2016

Uwo mugore yari yarasenyeye mugenzi we, njye ndabazi .yaraje amusohora mu rugo rwe arutahamo n’abana be , yaje buraya, ubuyobozi bwaramusohoraga bwagenda akagaruka yabaye akiziritse ku muhoro .undi ajya kwangara no guca incuro yari abanye neza n’umugabo we amutesha abana b’ibitambambuga. Shitani nayo ntikina. Musenge isi igeze aharenga.

Lulu Kuya 19-10-2016

Uwo mugabo nkeka atarubwambere yishe
Umuntu.niba umudame yarakoze ukora wenda akagendera kumaranga mutima yumukobwa we ntabwo yari kumwica.kuko urabona asa nkuwabiteguye?none ko umwana yarafite se ahandi mwagirango abigenze gute?hajemo ubwumvikane buke.gusa ibisubizo nticyari ukumutemagura nishoka.ngewe narinziko Christine yari umuganga murutobwe.imana imuhe iruhuko ridashira

Lulu Kuya 19-10-2016

Uwo mugabo nkeka atarubwambere yishe
Umuntu.niba umudame yarakoze ukora wenda akagendera kumaranga mutima yumukobwa we ntabwo yari kumwica.kuko urabona asa nkuwabiteguye?none ko umwana yarafite se ahandi mwagirango abigenze gute?hajemo ubwumvikane buke.gusa ibisubizo nticyari ukumutemagura nishoka.ngewe narinziko Christine yari umuganga murutobwe.imana imuhe iruhuko ridashira

dida Kuya 19-10-2016

uwo mugore niwe wabaye gashoza ntambara ariko uwo mugabo nawe yabaye ikigwari iyo abirukana bose

Tsobe Kuya 19-10-2016

Selemani yari afite ukuri ariko ntiyagombaga kwica ! Ntacyo yungutse rwose usibye kujya mu muriro utazima.

joma Kuya 19-10-2016

Uyu mugore ni inkunguzi! Ndetse n’umukobwa we ni uko! Gusubira ku mugabo we wa mbere batanye akamara ukwezi!!!!!

kaka Kuya 19-10-2016

Ntabwo arigikorwa kigayitse,ahubwo abagore bikingihe nibobazana ibara,none wasobanuraute ukuntu umugore yakwanga umugabo akazagushyingirizayoumwana we?

kaka Kuya 19-10-2016

Ntabwo arigikorwa kigayitse,ahubwo abagore bikingihe nibobazana ibara,none wasobanuraute ukuntu umugore yakwanga umugabo akazagushyingirizayoumwana we?

vicku Kuya 19-10-2016

niba selemani yarareze abo bana ubukwe rwose niho bwari kubera ntibwari Kubera kwa se, gusa selemani yakoze igikirwa cyigayitse cyo gukora ubwicanyi ubwose yungutse iki koko?

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA