konka coffee
KONKA

AMAKURU

UKWEZI

Muhanga: Umukobwa yishwe atewe icyuma n’umurambo we uratwikwa

Muhanga: Umukobwa yishwe atewe icyuma n’umurambo we uratwikwa
12-06-2017 saa 12:37' | By Chief Editor | Yasomwe n'abantu 12728 | Ibitekerezo 8

Umukobwa uri mu kigero cy’imyaka hagati ya 18 na 20 yasanzwe yapfiriye mu mudugudu wa Kamazu, akagari ka Nganzo, umurenge wa Muhanga mu karere ka Muhanga mu ntara y’amajyepfo, hafi y’ikigo cy’amashuri yisumbuye cya College ACEJ Karama, akaba yari yishwe n’abantu bataramenyekana ndetse umurambo we utwikishwa lisansi.

Umuvugizi wa Polisi y’u Rwanda mu Ntara y’Amajyepfo, CIP Emile Byuma Ntaganda, yatangarije ikinyamakuru Ukwezi.com ko uyu mukobwa utaramenyekana amazina n’indi myirondoro ye, bigaragara ko yatewe icyuma mu mutwe hanyuma abamwishe bakaza no kumutwika bakoresheje lisansi (essence). Yishwe mu ijoro ryo kuwa Gatandatu rishyira kuri iki Cyumweru tariki 11 Kamena 2017.

Uyu muvugizi wa Polisi avuga ko hafi y’aho uwo mukobwa yiciwe, bahasanze agacupa kari kakuwemo lisansi, bigaragara ko ari yo yifashishijwe mu gutwikishwa uwo murambo. Asobanura ko bitoroshye kumenya imyirondoro y’uwishwe kuko isura ye n’ibice byo hejuru ku mubiri we bitagaragara, kuburyo n’ubwo iperereza ryatangiye bigoye gushakisha uwishe umuntu mu gihe n’uwishwe ubwe ataramenyekana cyangwa ngo hamenyekane aho yari asanzwe aba.

JPEG - 142.9 kb

Aha ni mu kigo cy’amashuri cya College ACEJ/Karama, uwo mukobwa yiciwe hafi y’iki kigo neza

CIP Emile Byuma Ntaganda asaba buri wese kuzajya agenda abwiye abo babana aho agiye n’igihe ashobora kugarukira, kugirango bijye bifasha na Polisi mu gukora iperereza ku byaha nk’ibyo kuko byumvikana ko n’umuryango w’uyu wishwe ushobora kuba utazi n’aho aherereye.


INKURU ZA :
Tanga Igitekerezo
Ibitekerezo 8
gacinya Kuya 13-06-2017

Ariko izipfu zidasobanutse zahato nahato nikuki inzego z’umutekano zidahamagarwa n’innteko Ngo basonanure izi pfu kbs,ibibirakabije,minister w’ubutabera nabonye Ari iburayi yibyinira,none abanyarda bapfa amarabira bizahagarara ryari kko?abadepite bacu bakora bate?cg bakoreshwa na telecommande?hahahah

nshimiyimana Kuya 13-06-2017

birababaje nukuri

NYIRANSABIMANA PAULINE Kuya 13-06-2017

HAGARAGAZWE NIMERO ZA TELEFONE UMUNTU YAKWIFASHISHA ARANGISHA UWO MWANA W’UMUKOBWA KUKO HARUWO TWABUZE TUMENYE NAHO TWABARIZA

NYIRANSABIMANA PAULINE Kuya 13-06-2017

HAGARAGAZWE NIMERO ZA TELEFONE UMUNTU YAKWIFASHISHA ARANGISHA UWO MWANA W’UMUKOBWA KUKO HARUWO TWABUZE TUMENYE NAHO TWABARIZA

Iribagiza Delphine Kuya 13-06-2017

igitekerezo police ikomeze iperereza kuko turugariwe babicishe no Ku maradio wenda bamenya umuryango wuwo mukobwa kandi Imana imwakire mubayo

Ndayisaba Jmv Kuya 12-06-2017

Mana we dutabare!! abicanyi kweri.

jean rayvanny Kuya 12-06-2017

imana imwakire mubayo gusa polisi iko meze ikore perereze cyane

Kubwimana (Kayonza) Kuya 12-06-2017

Abanyarwanda dukeneye kumenya izi pfu za hato na hato hirya no hino mu gihugu. Bayobozi rero mwajyaga mutubwira ko umutekano ari sawa, Ubanza mwaribagiwe kutubwira ko igihugu cyatewe n’umwanzi ngo dutabare, Bitabaye ibyo nizeye ntashidikanya ko mufite ibisobanuro byo kuduha (abanyarrwanda).

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...