konka coffee
KONKA

AMAKURU

UKWEZI

Musanze: Umugabo yafatanywe gerenade n’icyuma cya gisirikare byari mu buriri bwe

Musanze: Umugabo yafatanywe gerenade n’icyuma cya gisirikare byari mu buriri bwe
21-09-2016 saa 11:52' | By Chief Editor | Yasomwe n'abantu 5620 | Ibitekerezo 7

Polisi y’u Rwanda ikorera mu karere ka Musanze yataye muri yombi umugabo witwa Nzabonimana Jean Bosco imukurikiranyeho icyaha cyo gutunga intwaro mu buryo butemewe n’amategeko. Ni nyuma yo kumufatana gerenade n’icyuma cya gisirikare kizwi ku izina rya Bayonet.

Uyu mugabo usanzwe utuye mu murenge wa Muhoza mu karere ka Musanze, yatawe muri yombi ubu akaba afungiwe kuri sitasiyo ya Polisi ya Muhoza. Yafashwe nyuma y’uko umugore we atanze amakuru ko umugabo we afite gerenade n’icyuma cya gisirikare, avuga ko yabisanze munsi ya matora bararagaho.

Nzabonimana Jean Bosco wahoze ari umusirikare mu ngabo z’u Rwanda, ngo yari amaze igihe afitanye ibibazo n’umugore we ndetse ubuyobozi bw’umurenge wa Muhoza bushimangira ko ku Cyumweru uyu mugore yari yahunze umugabo we nyuma yo kubwirwa ko ari bumwice. Ibi byemezwa na Sebashotsi Jean Paul, umunyamabanga Nshingwabikorwa w’umurenge wa Muhoza.

Ingingo ya 671 mu gitabo cy’amategeko ahana ibyaha mu Rwanda, ivuga ko umuntu wese utunga intwaro, uyitiza, uyitanga, uhindura ibimenyetso byayo mu buryo ubwo ari bwo bwose, ahanishwa igifungo kuva ku mezi atandatu (6) kugeza ku mwaka umwe (1) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni eshatu (3.000.000) cyangwa kimwe gusa muri ibyo bihano.


INKURU ZA :
Tanga Igitekerezo
Ibitekerezo 7
mugisha Kuya 23-09-2016

Bategetsi namwe bayobozi,mwitondere abagore! Ese koko yashatse kwica umugore we abura ukundi yabikora atamuteye grenade? Nonese bajyaga bapfa ko ayitunze?
Hali undi mugore washatse gusenyera mugenzi we,amufungishiliza n’umugabo amusanze mu bureau,_ maze yiciraho imyenda avuza induru ngo amufashe ku ngufu! .’umugabo ahita afungwa! be carefull!

uwitonze Kuya 23-09-2016

ahubwo niba yari afitanye amakimbirane n umugore we,nafungurwa azamwivugana tu..bazabyitondere igifungo cy umwaka si kera ni avamo azamurangiza birababaje

munana Kuya 22-09-2016

Ese koko munsi ya matola hahishwa grenade!!!???!!!!Umugore asigaye ashwana n’umugabo we akamuteza inshoreke koko! Yahishaga se icyuma cg grenade munsi ya matola niho kure umudamu atabona!? Twarabamenye! Amayeri.com!!

Mike Kuya 22-09-2016

Icyo yateganyaga kubikoresha kiburijwemo kuko byanze bikunze kirahari.Reka ibindi tubiharire inzego zibishinzwe

Rwihandagaza Kuya 22-09-2016

Icyo nizera neza ni Polisi yacu izi gukora iperereza neza, kandi ntabwo wabawafatanywe intwaro muburiri bwawe ndetse umugore wawe arinawe watanze amakuru ngo hanyuma utangire guhimba ibindi nkibyo byo kuvuga ngo abo umutekano bashobora kuzana udutwaro. Uyu wayifatanywe abihanirwe namategeko.

ruti Kuya 22-09-2016

umva mbese,ngo umugore ni kabutindi? ?none se yarikubna ibintu bishobora kumugirira nabi agaceceka?ark mwagiye mureka guca imanza mutazi! iyo ni aduyi ahubwo bayikanire uruyikwiye

gahizi Kuya 21-09-2016

Ibi se si byabindi bose bahimba himba! Aya amayeri arashaje kbsa! Bamwe ( mvuze bamwe si bose) mu bashinzwe umutekano, iyo muziranye ,ukamusabako agukiza umuntu mutavuga rumwe,azana tuliya dutwaro bagendana akadupfurika hafi ya wa muntu kugirango abyite ko amufatanye igihanga!!!!!! Iyi nta nkuru ilimo.Uyu mugore ni kabutindi.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA