konka coffee
KONKA

AMAKURU

UKWEZI

Ngoma: Gitifu n’abo bafatanyije gukubita umuturage bakamugira intere batawe muri yombi

Ngoma: Gitifu n’abo bafatanyije gukubita umuturage bakamugira intere batawe muri yombi
4-07-2017 saa 16:17' | By Akayezu Jean de Dieu | Yasomwe n'abantu 6396 | Ibitekerezo 6

Polisi y’igihugu ikorera mu karere ka Ngoma yataye muri yombi Tetero Olivier wari Umunyamabanga Nshingwabikorwa w’akagari ka Cyeru mu Murenge wa Gashanda mu karere ka Ngoma, nyuma yo gutegeka Inkeragutabara n’abakora irondo gukubita umuturage witwa Uwamahirwe Celestin bakamugira intere. Uyu mugabo bamuzizaga ko ngo adatanga amafaranga y’umutekano.

Nyuma y’uko ubuyobozi bw’Akarere ka Ngoma bumenye amakuru y’ihohoterwa ry’uyu muturage bwahise bujya gukorana inama n’abaturage bo muri aka kagari maze bafatira hamwe umwanzuro wo guhana ababigizemo uruhare bose by’umwihariko uyu Gitifu watanze urugero rubi.

Mu kiganiro yagiranye n’Ikinyamakuru Ukwezi.com, Umuvugizi wa Polisi y’u Rwanda mu Ntara y’Uburasirazuba, IP Jean Bosco Dusabe yahamije amakuru ajyanye n’ifatwa ry’uyu muyobozi ndetse n’abari baraye irondo uwo munsi bakubita uyu muturage avuga ko bari mu maboko ya Polisi.

IP Dusabe yagize ati “ Nibyo koko uwo Gitifu witwa Tetero Olivier ari mu maboko ya Polisi kugeza ubu we n’abo bafatanyije gukubita uriya muturage barimo gukorerwa dosiye n’ubugenezacyaha mu gihe bazaba bahamwe n’ibyaha bashinjwa birumvikana ko bazahanwa by’intangarugero kugirango n’abandi bayobozi bakinisha guhohotera abo bayobora barebereho.”

IP Dusabe yakomeje avuga ko buri muyobozi ndetse n’Abanyarwanda muri rusange bagakwiye kumenya ko amategeko abereyeho guhana bityo ko nta mpamvu nimwe yagakwiye gutuma umuntu yihanira kabone n’ubwo yaba ari umuyobozi .


INKURU ZA :
Tanga Igitekerezo
Ibitekerezo 6
david Kuya 22-07-2017

Abo batipe bari bagiye bamabure baribagiye kwica besha mubane

david Kuya 22-07-2017

Abo batipe bari bagiye bamabure baribagiye kwica besha mubane

david Kuya 22-07-2017

Abo batipe bari bagiye bamabure baribagiye kwica besha mubane

Twajamahoro jbaptiste Kuya 5-07-2017

police y’u Rwanda nikomereze aho abakoze ibyaha bagombe babihanirwe police oyeeeeeeeeeeeeeeee!!!!!!!!!!!

kamana Kuya 4-07-2017

Uyu muyobozi wakoze amahano akanirwe urumukwiye

kukumba Kuya 4-07-2017

abo bashenzi babatware mugacucu bage.kubabahanganye nimpungure boga ceza

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...