konka coffee
KONKA

AMAKURU

UKWEZI

Niyonkuru na Habumukiza bishwe n’impanuka, bagenzi babo batatu barakomereka

 Niyonkuru na Habumukiza bishwe n’impanuka, bagenzi babo batatu barakomereka
18-08-2016 saa 10:01' | By Chief Editor | Yasomwe n'abantu 6204 | Ibitekerezo

Ibitaro bya Bushenge byajyanywemo imirambo n’abakomeretse. Photo: Internet

Mu gicuku cyo kuri uyu wa Gatatu tariki 17 Kanama 2016, impanuka y’imodoka y’ikamyo yabereye mu karere ka Nyamasheke yaguyemo abantu babiri naho abandi batatu barakomereka, Polisi ishinzwe umutekano wo mu muhanda ikaba ivuga ko icyateye iyi mpanuka kitaramenyekana.

Amakuru y’iyi mpanuka yemejwe n’umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, wabwiye Ikinyamakuru Ukwezi.com ko iyi mpanuka yabaye ahagana saa tanu z’ijoro, ikabera mu mudugudu wa Kadashya, mu kagari ka Kanazi, mu murenge wa Ruharambuga wo mu karere ka Nyamasheke mu Ntara y’Uburengerazuba.

CIP Kabanda avuga ko ikamyo yo mu bwoko bwa FUSO ifite ibirango RAC 318 S yavaga i Rusizi yerekeza i Kigali itwawe na Ntihunga Jean Bosco, yakase ikorosi uyu wari uyitwaye rikamunanira ikagonga umukingo, abantu babiri bagapfa naho batatu bagakomereka.

Iyi modoka yari itwaye abantu bane na shoferi wa gatanu, abapfuye bakaba ari Habumukiza Gamarière na Niyonkuru Mechack, naho batatu bakomeretse bakaba ari Irankunda Japhet na Habimana Emile ndetse na shoferi Ntihunga Jean Bosco, bose bakaba bajyanywe ku bitaro bya Bushenge. Imodoka yakoze iyi mpanuka nayo Polisi ivuga ko yangiritse cyane.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...