konka coffee
KONKA

AMAKURU

UKWEZI

Nyabihu: Umugore yishe umugabo we ahita anamwishyingurira mu nzu

Nyabihu: Umugore yishe umugabo we ahita anamwishyingurira mu nzu
16-05-2017 saa 10:35' | By Chief Editor | Yasomwe n'abantu 8517 | Ibitekerezo 2

Mu ijoro ryo kuwa Gatanu tariki 12 Gicurasi 2017, mu masaha ya saa saba, umugore w’imyaka 20 y’amavuko witwa Mbarushimana Charlotte yishe umugabo we Twahirwa Theoneste w’imyaka 23 y’amavuko, arangije ahita anacukura mu nzu babagamo amwihambiramo.

Iri shyano ryabereye mu murenge wa Jomba wo mu karere ka Nyabihu mu Burengerazuba bw’u Rwanda, umuvugizi wa Polisi y’u Rwanda muri iyi Ntara, CIP Theobald Kanamugire, akaba yabwiye ikinyamakuru Ukwezi.com ko uyu mugore ari we wahise ajya kwirega nyuma yo gukora aya mahano.

CIP Kanamugire yabwiye ikinyamakuru Ukwezi.com ko Mbarushimana Charlotte yagiye kubwira ababyeyi be ko yiyiciye umugabo akanabasaba ubuhungiro, nyuma abantu barabimenya na Polisi ihita imuta muri yombi ubu akaba afungiwe kuri sitasiyo ya Polisi ya Jomba yo muri aka karere ka Nyabihu.

CIP Kanamugire kandi avuga ko Mbarushimana na Twahirwa Theoneste babanaga nk’umugore n’umugabo ariko mu buryo butemewe n’amategeko kuko batari barasezeranye, icyakora bakaba bari bafitanye umwana umwe. Hari hashize kandi igihe uyu Twahirwa ashatse undi mugore asiga uyu Mbarushimana, iki gihe akaba yaramwishe yagarutse kumureba nk’umugore we wa mbere.

Uyu muvugizi wa Polisi avuga ko kugeza ubu hatazwi icyo Mbarushimana yicishije umugabo we Twahirwa Theoneste, icyakoze hagakekwa ko ari ikintu yamwubikiriye akakimukubita hanyuma agahita acukura akamuhamba mu cyumba cy’inzu babagamo n’ubwo atari yabashije kumutaba wese kuko hari igice cyari kikigaragara hejuru, nyuma umurambo ukaba warashyinguwe neza mu irimbi ryabugenewe ku Cyumweru tariki 14 Gicurasi 2017.


INKURU ZA :
Tanga Igitekerezo
Ibitekerezo 2
Manzi Christian Kuya 27-05-2017

Twongere Amasengesho Kuko Turimuminsi Yanyuma!

binel Kuya 17-05-2017

ariko ncuti z Imana muhaguruke dusenge kuko satani yamaze gukaza umurego mu ngo. ibaze nawe kwica umugabo!! ukamutaba mu nzu!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...