konka coffee
KONKA

AMAKURU

UKWEZI

Nyamagabe: Bafatanywe urumogi rwinshi bakuye i Rusizi, Polisi itahura amayeri yabo

Nyamagabe: Bafatanywe urumogi rwinshi bakuye i Rusizi, Polisi itahura amayeri yabo
18-08-2017 saa 08:41' | By Chief Editor | Yasomwe n'abantu 5991 | Ibitekerezo

Kuri uyu wa Kane tariki 16 Kanama 2017, Polisi y’u Rwanda ikorera mu karere ka Nyamagabe yataye muri yombi abagabo babiri bakurikiranyweho ubufatanyacyaha mu gucuruza no gukwirakwiza urumogi, nyuma y’uko bafatanywe urumogi bari bakuye i Rusizi barujyanye mu karere ka Nyamagabe. Polisi itangaza ko iri maso, kuburyo igihe cyose izabera ibamba abashaka kwangiza umuryango nyarwanda bakoresheje ibiyobyabwenge.

IP Emmanuel Kayigi, umuvugizi wa Polisi mu Ntara y’Amajyepfo, yatangarije ikinyamakuru Ukwezi.com ko hafashwe Munyaneza Dominique Savio w’imyaka 25 y’amavuko, akaba ari we nyirimodoka yari ipakiye urumogi rw’ibiro 100 byari bipfunyitse mu mifuka itatu. Uyu yari atwaye imodoka ya Toyota Corolla ifite ibirango RAB 422 F yavaga i Rusizi ijya i Nyamagabe.

Undi wafashwe ni Ntawusigimana Evariste w’imyaka 30 wari ufite moto ifite ibirango RC 804 M wakoranaga n’abacuruzi b’urumogi, abacungira inzego z’umutekano akabashakira inzira. Aba bombi bafashwe bafatiwe mu murenge wa Tare wo muri aka karere ka Nyamagabe, ubu bakaba bafungiwe kuri sitasiyo ya Polisi ya Gasaka mu gihe iperereza rigikomeje.

IP Emmanuel Kayigi, avuga ko n’ubwo abacuruza ibiyobyabwenge bagenda biga amayeri yo kubikora mu buryo bibwira ko butazamenyekana, Polisi nayo ku bufatanye n’abaturage igenda itahura ayo mayeri kuburyo ntaho bazayicikira, bityo agasaba ababikora ko babireka kuko amaherezo bizabagiraho ingaruka zikomeye kuko bazajya bashyikirizwa ubutabera bagahanwa by’intangarugero.

IP Emmanuel Kayigi, umuvugizi wa Polisi mu Ntara y’Amajyepfo


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...