konka coffee
KONKA

AMAKURU

UKWEZI

Nyamasheke: Imodoka ya UNHCR yakoze impanuka, Polisi isangamo urumogi

Nyamasheke: Imodoka ya UNHCR yakoze impanuka, Polisi isangamo urumogi
17-08-2016 saa 04:53' | By Chief Editor | Yasomwe n'abantu 5699 | Ibitekerezo 3

Imodoka y’Ishami ry’Umuryango w’Abibumbye ryita ku mpunzi (UNHCR) yo mu bwoko bwa Toyota Land Cruiser yakoze impanuka kubera umuvuduko urenze utegetswe yasanzwemo ibiro 86 by’urumogi.

Umuvugizi wa Polisi y’u Rwanda mu Ntara y’Uburengerazuba, Chief Inspector of Police (CIP) Theobard Kanamugire yavuze ko iyo mpanuka yabereye mu kagari ka Kanazi, ho mu murenge wa Ruharambuga mu karere ka Nyamasheke kuri uyu wa Kabiri tariki 16 Kanama ahagana saa tanu n’igice z’ijoro.
 
Yagize ati:"Uwari utwaye iyo modoka yayitwaraga ku muvuduko urenze uwagenwe. Ni yo mpamvu yayirengeje umuhanda. Abari ku irondo bihutiye kugera aho iyo mpanuka yabereye kugira ngo bakore ubutabazi bw’ibanze kuko bari hafi yaho."
 
Yakomeje agira ati:"Bahageze, basanze urwo rumogi muri iyo modoka ifite nomero ziyiranga IT 904 RD ariko ntibagira umuntu bayisangamo. Polisi y’u Rwanda muri aka karere yahise ihagera maze ijyana urwo rumogi kuri Sitasiyo ya Ruharambuga." 
 
CIP Kanamugire yongeyeho ko Polisi ikomeje gushaka uwari utwaye iyo modoka kandi ko iperereza rikomeje kugira ngo harebwe niba hari undi ufite uruhare mu itundwa ry’urwo rumogi kugirango na we afatwe.
 
Yihanangirije abantu bifashisha imodoka z’Imiryango itegamiye kuri Leta mu gukora ibyaha nko gutwara ibiyobyabwenge na magendu, kandi yongeraho ko imikoranire myiza n’abaturage ndetse n’izindi nzego ituma ababikora bafatwa.
 
Yagize kandi ati:"Turagira inama Imiryango itegamiye kuri Leta guha akazi abashoferi b’inyangamugayo batakoresha imodoka zayo mu bikorwa binyuranije n’amategeko. Turashima kandi abaturage kubera uruhare rwabo mu kubumbatira umutekano binyuze mu gutanga amakuru atuma abakoze cyangwa abafite imigambi yo gukora ibyaha bafatwa."
 
CIP Kanamugire yasabye abaturage kwirinda ibiyobyabwenge kandi bakaba abafatanyabikorwa mu kubirwanya batanga amakuru y’ababinywa, ababitunda, n’ababicuruza.
 
Yagize na none ati:"Polisi y’u Rwanda izi amayeri y’ababyishoramo . Izi kandi inzira ababitunda banyuramo. Ababikora baragirwa inama yo kubireka kuko nta cyiza cyabyo."
 
Yibukije ko urumogi n’ibindi biyobyabwenge bitera abantu gukora ibyaha nko gukubita no gukomeretsa, gufata ku ngufu, no gusambanya abana, kandi ko bitera uburwayi butandukanye ababinywa.


INKURU ZA :
Tanga Igitekerezo
Ibitekerezo 3
Ibrahim Kuya 19-08-2016

Mr Sebbu birashoboka ko yaba ari iya ARC nizo zambara plaque IT gusa ikaba yanditseho ko ari impano ya UNHCR ku ruhande! gusa bo barakorana bya hafi.

Ibrahim Kuya 19-08-2016

Mr Sebbu birashoboka ko yaba ari iya ARC nizo zambara plaque IT gusa ikaba yanditseho ko ari impano ya UNHCR ku ruhande! gusa bo barakorana bya hafi.

Sebbu Kuya 17-08-2016

Ntabwo imodoka za UNHCR zambara plaque ya IT , ahubwo ubwo n’iy’abafatanyabikorwa bayo, uwanditse iyi nkuru akanafotora imodoka arebe neza anabaze muri UNHCR baramusobanurira!! Imodoka za UN agencies hose mu Rwanda zambara plate numbers zitangirwa na UN .

Murakoze

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...