konka coffee
KONKA

AMAKURU

UKWEZI

Nyamasheke: Umugabo akurikiranyweho kwica umugore we akamuhamba munsi y’urugo

Nyamasheke: Umugabo akurikiranyweho kwica umugore we akamuhamba munsi y’urugo
30-05-2017 saa 08:39' | By Vincent Nsengiyumva | Yasomwe n'abantu 7567 | Ibitekerezo 1

Umugabo witwa Hakizimana Claude wo mu kagari ka Murambi, Umurenge wa Cyato mu karere ka Nyamasheke mu Burengerazuba bw’u Rwanda, arakekwaho kwica umugore we Nyiraneza Clementine, mu ijoro ryo ku Cyumweru agahita amwishyingurira mu nsi y’urugo.

Uyu mugabo Hakizimana Claude w’imyaka 23 akurikiranyweho ko yivuganye umugore we Nyiraneza Clementine bari bafitanye umwana umwe hanyuma agahita amuhamba munsi y’urugo maze agatoroka.

Umuvugizi wa Polisi mu Ntara y’Uburengerazuba, CIP Theobard Kanamugire, yahamirije ikinyamakuru Ukwezi.com aya makuru anavuga ko inzego z’umutekano ziri gushakisha uyu mugabo wahise atoroka.

Yagize ati “Nibyo koko umugabo witwa Hakizimana Claude yishe umugore we Nyiraneza Clementine bari bamaranye imyaka 2 hanyuma ahita amushyingura munsi y’urugo.”

CIP Kanamugire yakomeje avuga ko uyu mugabo akimara kwica umugore we yahise atoroka, inzego z’umutekano zifatanyije n’abaturage bo muri aka gace bakaba barimo kumushakisha.

Ibi bibaye nyuma y’uko mu ijoro rya tariki 12 Gicurasi, mu murenge wa Jomba wo mu karere ka Nyabihu naho ho mu Burengerazuba bw’u Rwanda, umugore w’imyaka 20 y’amavuko witwa Mbarushimana Charlotte yishe umugabo we Twahirwa Theoneste w’imyaka 23 y’amavuko, arangije ahita anacukura mu nzu babagamo amwihambiramo.


INKURU ZA :
Tanga Igitekerezo
Ibitekerezo 1
binel Kuya 31-05-2017

yesu ati muragowe mwebwe musohoreweho n iminsi y imperuka . ibi nakumiro birenze ubwenge bw umuntu. yewe ahaaaaaa

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...