konka coffee
KONKA

AMAKURU

UKWEZI

Ibisheke byarikoze i Nyamasheke, umugabo yica umugore we amuteraguye ibyuma

Ibisheke byarikoze i Nyamasheke, umugabo yica umugore we amuteraguye ibyuma
3-05-2017 saa 17:49' | By Vincent Nsengiyumva | Yasomwe n'abantu 7220 | Ibitekerezo

Ntagozera Stanislas w’imyaka 46 afungiwe kuri Sitasiyo ya Polisi ya Shangi mu Karere ka Nyamasheke mu Burengerazuba bw’u Rwanda aho akurikiranyweho icyaha cyo kwica umugore we witwa Mukangango Sophie w’imyaka 55 y’amavuko amuteraguye ibyuma. Intandaro ya byose, ni ibisheke uyu mugabo yari avuye kwiba.

Umuvugizi wa Polisi mu Ntara y’Uburengerazuba, CIP Theobald Kanamugire yabwiye ikinyamakuru Ukwezi.com ko uyu mugabo Ntagozera yishe umugore we saa saba mu ijoro ryo kuri uyu wa Kabiri tariki ya 2 rishyira kuwa Gatatu tariki 3 Gicurasi 2017. Ibi ngo byabaye ubwo uyu mugabo yatahanaga ibisheke yibye maze umugore we Mukangango atangiye kumubaza aho abikuye umugabo ahita amwica amuteraguye ibyuma.

Yagize ati “Ayo makuru niyo koko, umugabo witwa Ntagozera Stanislas wo mu Murenge wa Bushenge mu karere ka Nyamasheke yishe umugore we mu ijoro ryo kuwa Kabiri mu masaha ya saa saba amuteraguye ibyuma ubwo umugore yamubazaga aho akuye ibisheke yari acyuye muri iryo joro abyibye.”

Yakomeje avuga ko uyu mugabo yishe umugore we nyuma yo gukeka ko azamutangaho amakuru y’uko yibye ibisheke. Uyu mugabo yatawe muri yombi, afungiye kuri sitasiyo ya Polisi ya Shangi mu murenge wa Bushenge mu gihe iperereza rigikomeje ku cyaha aregwa.

Ntagozera Stanislas w’imyaka 46 na nyakwigendera Mukangango Sophie w’imyaka 55 bari bafitanye abana 3.

Ntagozera Stanislas aramutse ahamwe n’iki cyaha yahanishwa igifungo cya burundu nk’uko biteganywa n’ingingo ya 142 yo mu gitabo cy’amategeko ahana ibyaha mu Rwanda.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...