konka coffee
KONKA

AMAKURU

UKWEZI

Polisi y’u Rwanda yize amayeri izajya ikoresha igacakira abakora amakosa mu muhanda

Polisi y’u Rwanda yize amayeri izajya ikoresha igacakira abakora amakosa mu muhanda
27-08-2016 saa 05:18' | By Chief Editor | Yasomwe n'abantu 6849 | Ibitekerezo 6

Ishami rya Polisi y’u Rwanda rishinzwe kubungabunga umutekano wo mu muhanda (Traffic Police) ryatangaje ko ryashyizeho uburyo bushya bwo kwifashisha gucunga umutekano wo mu muhanda, aho buzafasha gukumira impanuka zo mu muhanda no guca burundu amakosa agenda agaragara, akorwa na bamwe mu batwara ibinyabiziga.

Mu gihe byari bimenyerewe ko abapolisi bambaye impuzankano (uniform) yabo batangiraga imodoka cyangwa zigahagarikwa n’abapolisi bari mu modoka zifite amabara n’ibirango bya Polisi, ubu hizwe andi mayeri kuko Ishami rya Polisi y’u Rwanda rishinzwe kubungabunga umutekano wo mu muhanda ryatangiye gukoresha imodoka zidafite ibirango bya Polisi cyangwa amabara aranga Polisi y’u Rwanda.

Umuyobozi w’Ishami rya Polisi y’u Rwanda rishinzwe kubungabunga umutekano wo mu muhanda Commissioner of Police (CP) George Rumanzi yagize ati:” Izi modoka zatangiye gukorera hirya no hino mu gihugu. Zirimo abapolisi bambaye imyenda isanzwe ya gisivili aho zizenguruka mu mihanda hirya no hino mu Mujyi wa Kigali n’ahandi mu Ntara aho bibaye ngombwa. Abapolisi bacu bazirimo baba bafite amakarita abaranga ko ari abapolisi. Mu gihe rero babonye umuntu utwaye ikinyabiziga ari mu makosa runaka, bazajya bamuhagarika bakoresheje amatara ari mu modoka zavuzwe hejuru afite amabara atandukanye”.

JPEG - 301.8 kb

Imodoka zimeze gutya nizo Polisi izajya ikoresha, n’abapolisi bazigendamo babe batambaye imyenda isanzwe ibaranga

CP Rumanzi yakomeje avuga ko abapolisi bazajya basaba umushoferi ibyangombwa byose bijyanye no gutwara ibinyabiziga hanyuma basanga ari mu makosa runaka akabihanirwa nk’uko amategeko abiteganya.

CP Rumanzi yakomeje agira ati: ”Bamwe mu batwara ibinyabiziga bakorera ku jisho aho usanga iyo bageze ku mupolisi uri mu muhanda bagenda neza ariko iyo bamuciyeho bakagendera ku muvuduko ukabije, ku buryo hari igihe nko muri kilometero imwe usanga bakoze impanuka. Abandi nabo usanga bapakira abantu benshi mu modoka (ibyo bita gutendeka) hanyuma bakagenda banyura inzira zitandukanye bakwepa abapolisi kuko baba bazi aho bari cyangwa babonye ibinyabiziga barimo, abandi ugasanga bavugira kuri telefone maze babona umupolisi bakabireka. Hari n’abandi batwara ibinyabiziga bakagenda babwira bagenzi babo ngo abapolisi bari aha n’aha babatungira agatoki”.

Umuyobozi w’Ishami rya Polisi y’u Rwanda rishinzwe kubungabunga umutekano wo mu muhanda yakomeje avuga ko ubu buryo bushya buzareba buri wese ukoresha umuhanda, wica amategeko yawo, haba abanyamaguru, abatwara amagare ariko cyane cyane abatwara imodoka. Ubu buryo bushya bukazafasha mu kongera ingufu mu kurinda umutekano wo mu muhanda hagamijwe gukumira impanuka. CP Rumanzi akaba asaba ubufatanye bwa buri wese mu gukumira impanuka hubahirizwa amategeko y’umuhanda

Mu mezi 14 ashize, ni ukuvuga kuva mu kwezi kwa Nyakanga 2015 kugera muri Kanama 2016, habayeho impanuka z’imodoka zitwara abagenzi 245, aho zaguyemo abantu 91 mu gihe abandi 408 bakomeretse ku buryo bukomeye.


INKURU ZA :
Tanga Igitekerezo
Ibitekerezo 6
Chance Kuya 4-09-2016

Murakoze cyane kubwicyo gikorwa, hacyenewe kwigisha cyane. Kuko iyo urebye inzira z’abanyamaguru ntabwo abashoferi na bamotari babyubahiriza;ahubwo usaga abanyamaguru bategereza ko amamodoka na mapikipiki atabuka ,ariko umuntu uturutse haze y’igihugu uzi amategeko yumuhanda barashaka kumugonga. Hacyenewe inyigisho kumatego yumuhanda.

Chance Kuya 4-09-2016

Murakoze cyane kubwicyo gikorwa, hacyenewe kwigisha cyane. Kuko iyo urebye inzira z’abanyamaguru ntabwo abashoferi na bamotari babyubahiriza;ahubwo usaga abanyamaguru bategereza ko amamodoka na mapikipiki atabuka ,ariko umuntu uturutse haze y’igihugu uzi amategeko yumuhanda barashaka kumugonga. Hacyenewe inyigisho kumatego yumuhanda.

kociloko Kuya 28-08-2016

batangiye kurenganya abantu jyewe barandenganyije kuwagatanu bariyenza babahaye ububasha bukabije kabisa

Gasigwa omar Kuya 27-08-2016

Icyo gitekerezo ni kiza njye nagishimye,ariko guhana ndumva atari byo byashyirwa imbere kurusha kwigisha.
Ikindi mu mihanda nta byapa bikibamo,hamwe byarashinguwe,ahandi imirongo yo mu mihanda yarasibamye,usanga ugiye nko mu gace usanzwe utagendamo cyane waca ku yindi modoka police akagufata ngo mauvais dépassement kandi ubona atari mu ikorosi yewe n’umurongo ubuza guca ku kindi kinyabiziga udahari mbese uhaheruka umuhanda wubakwa.
Kubera police ahazi,ahaba,azi neza Ko uwo murongo wahahoze akakwandikira.

Ibyapa mu mihanda ibishaje bisimbuzwe,ibyavuyeho bisubizweho ubundi amategeko yubahirizwe.

Murakoze

Gasigwa omar Kuya 27-08-2016

Icyo gitekerezo ni kiza njye nagishimye,ariko guhana ndumva atari byo byashyirwa imbere kurusha kwigisha.
Ikindi mu mihanda nta byapa bikibamo,hamwe byarashinguwe,ahandi imirongo yo mu mihanda yarasibamye,usanga ugiye nko mu gace usanzwe utagendamo cyane waca ku yindi modoka police akagufata ngo mauvais dépassement kandi ubona atari mu ikorosi yewe n’umurongo ubuza guca ku kindi kinyabiziga udahari mbese uhaheruka umuhanda wubakwa.
Kubera police ahazi,ahaba,azi neza Ko uwo murongo wahahoze akakwandikira.

Ibyapa mu mihanda ibishaje bisimbuzwe,ibyavuyeho bisubizweho ubundi amategeko yubahirizwe.

Murakoze

John Kuya 27-08-2016

Abantu 91 bapfuye nibo batumye hafatwa izo ngamba!Urwo ni urwitwazo!Umupolisi utambaye umwenda w’akazi ngo kuko afite carte y’akazi gusa!Niba abajura bacura ID,permis,amadolari ndetse n’izindi nyandiko zikozwe mu buhanga buhanitse ibyo byabananiza iki?
Njye mbona ibibazo by’impanuka bikabirizwa kurenza uko biri!Umunsi polisi yacu izashyira imbere kwigisha kurusha guhana impanuka zizagabanuka cyane!

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...