konka coffee
KONKA

AMAKURU

UKWEZI

Rubavu: Impanuka ikomeye yaguyemo batatu barimo umuganga n’umuyobozi wa gereza

Rubavu: Impanuka ikomeye yaguyemo batatu barimo umuganga n’umuyobozi wa gereza
6-10-2016 saa 07:49' | By Chief Editor | Yasomwe n'abantu 12414 | Ibitekerezo 7

Mu masaha y’igicuku cyo kuri uyu wa Gatatu tariki 5 Ukwakira 2016, impanuka ikomeye y’imodoka yabereye mu murenge wa Rugerero mu karere ka Rubavu, abantu batatu bakaba bahise bahasiga ubuzima, muri aba hakaba harimo n’umuyobozi wungirije wa gereza ya Rubavu ndetse n’umuganga w’iyi gereza.

Amakuru y’iyi mpanuka yemejwe na CIP Emmanuel Kabanda, umuvugizi w’ishami rya Polisi y’u Rwanda rishinzwe umutekano wo mu muhanda. Yatangarije ikinyamakuru Ukwezi.com ko imodoka y’urwego rw’imfungwa n’abagororwa ifite ibirango GR 952 C yakoreshwaga na gereza ya Rubavu, yagonganye n’ikamyo ifite ibirango RAB 404 N abantu batatu bagahita bahasiga ubuzima.

CIP Emmanuel Kabanda ati: "Ni ejo tariki 5 z’ukwa cumi, mu gihe cya saa tanu n’iminota 15 z’ijoro, mu mudugudu wa Gitebe mu kagari ka Muhira mu murenge wa Rugerero mu karere ka Rubavu. Habereye impanuka ubwo imodoka Toyota Hilux GR 952 C ya gereza ya Rubavu yagonganaga n’ikamyo ya Actros RAB 404 N, zimaze kugongana hitaba Imana abantu batatu bari muri Toyota Hilux, umwe akomereka bikomeye. Abo bapfuye n’uwakomeretse bose bashyikirijwe ibitaro bya Gisenyi. Abari mu ikamyo bo ntawagize ikibazo"

Mu bapfuye, harimo umuyobozi wa gereza ya Rubavu wungirije I.P Jean Pierre Hakizimana, umucungagereza Corporal Nsabimana Aimé ari nawe wari utwaye imodoka, n’undi witwa Ingabire Epaphrodite naho uwakomeretse yitwa Nsekerabanzi Jackson. Iperereza ryatangiye ngo hamenyekane icyateye impanuka.


INKURU ZA :
Tanga Igitekerezo
Ibitekerezo 7
ZOUZOU Kuya 7-10-2016

I.P Jean Pierre Imana imwiyereke iteka kd aruhukire mu mahoro.Sabine na we umufasha asize Nyagasani amukomeze muri ibi bihe bitorohye!

Kagabo mike Kuya 7-10-2016

nagahinda gakomeye imiryango yabo bacunga gereza nibihangane,police y,urwanda ihora idukangurira gukurikiza amabwiriza y,umuhanda igihe waba utwaye imodoka cyangwa se niyobaba bagutwaye uba ufite uburenganzira bwo kubwira ugutwaye akagabanya umuvuduko uba wifashije ndeste una fashije police muri rusange

Kamana patrick Kuya 7-10-2016

Imana ibakire mubayo police y,urwanda nidukurikiranire imenye icyayiteye kuko iyo mpanuka ndumva yari ifite ubukana budasanzwe abantu tugendera mu mamodoka tujye twibuka gugendera kumuvuduko usanzwe tutiruka ,ntakunywa imodoka ngo utware ndeste nandi mategeko y,umuhanda akubahirizwa uko bisabwa.

GATO ZACHARIE Kuya 6-10-2016

IMANA IBAHE IRUHUKO RIDASHIRA

John Kuya 6-10-2016

Ziriya modoka zifite ibirango ndakumirwa izajya igwa hazajya harokoka mbarwa!Uburyo ziba ziruka nk’izayobye wagirango impanuka ziravangura!
Nta banga ririmo abatwara imodoka zifite ibyapa by a leta, ibya Police tutibagiwe name za ambulances ubwazo uretse umuvuduko agenda nabi mu muhanda!

kiki Kuya 6-10-2016

twihanganishije imiryango yaburiye ababo muriyi mpnuka

kiki Kuya 6-10-2016

twihanganishije imiryango yaburiye ababo muriyi mpnuka

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA