konka coffee
KONKA

AMAKURU

UKWEZI

Rubaya: Umunyarwanda yari agiye gutwikwa n’abagande izuba riva ubuyobozi buratakamba

Rubaya: Umunyarwanda yari agiye gutwikwa n’abagande izuba riva ubuyobozi buratakamba
24-04-2017 saa 12:30' | By Chief Editor | Yasomwe n'abantu 22270 | Ibitekerezo 3

Umunyarwanda witwa Bekunda Anastase wo mu kagari ka Gihanga mu murenge wa Rubaya mu karere ka Gicumbi mu Ntara y’Amajyaruguru, kuri iki Cyumweru yari agiye gutwikwa izuba riva ndetse yari yamaze no gushyirwa mu byatsi n’inkwi yagombaga gutwikishwa na lisansi yamaze kugurwa, abagande bari bagiye kumutwika bakaba baramudohoreye umuryango we ucibwa amafaranga menshi ariko nabyo babyemeye nyuma yo gutakamba k’ubuyobozi n’abaturage.

Kuri iki Cyumweru tariki 23 Mata 2017, nibwo uyu mugabo witwa Bekunda Anastase yafatiwe ku butaka bwa Uganda arimo kwahira ubwatsi bw’amatungo, hafi neza y’umupaka w’u Rwanda muri uyu murenge wa Rubaya. Nta kuzuyaza bahise bafata icyemezo cyo kumutwika agakongoka kugeza apfuye nk’uko biri mu myanzuro bamaze igihe bafashe ku bantu biba ibintu bitandukanye muri iki gihugu cyabo.

Nyuma yo kugura litiro eshanu za lisansi no gushyira Anastase mu byatsi n’inkwi bari bagiye kumutwikisha, ubuyobozi bw’umurenge wa Rubaya n’abaturage baratakambye maze uyu mugabo aza kurekurwa, ariko habanje gutangwa ihazabu y’amafaranga atari macye.

Uyu mugabo yari agiye gutwikwa agakongoka azira kwiba ubwatsi

Nkunzurwanda John, umunyamabanga Nshingwabikorwa w’umurenge wa Rubaya, yatangarije ikinyamakuru Ukwezi.com ko uyu muturage yari yafashwe ari kumwe n’abandi babiri barimo kwahira ubwatsi ku butaka bwa Uganda, ariko abo bandi bo bakaba baracitse uyu akaba ari we ufatwa. Avuga ko hatanzwe amafaranga y’u Rwanda 150.000 kugirango bamurekure, nabwo babanje gutakamba.

Nkunzurwanda John ashimangira ko abaturage b’u Rwanda bagiye baburirwa kenshi kwirinda kujya kwahira ku butaka bwa Uganda, kandi muri iyi minsi ubuyobozi bukaba burimo gukora ubukangurambaga basaba abaturage gutera ubwatsi bwabo kandi bagakomeza kwirinda kwanduranya muri Uganda. Avuga ko kandi bakomeje kuvugana n’abaturanyi bo muri Uganda, ku bijyanye n’ubufatanye buzabafasha gukemura neza ibyo bibazo.

Ubuyobozi bw’inzego z’ibanze muri Uganda, baherutse gufata icyemezo ko umuntu uzajya afatwa yahira ubwatsi cyangwa yiba ikindi kintu ku butaka bwabo, azajya acibwa amashiringi ya Uganda angana n’amafaranga y’u Rwanda 120.000 kandi ubyanze bakamwica bamutwitse.


INKURU ZA :
Tanga Igitekerezo
Ibitekerezo 3
nsengimana Emanwel Kuya 27-04-2017

abakozi bomungo bajye biyubaha .

jojo Kuya 25-04-2017

ariko rero abobantu nabagome rwose sinzi niba badafite ubuyobozi bubabuza ibyo bikorwa bibi ubuse icyaha cyo kwiba ubwatsi wenda ko bamufunga bakaza kukugombora bitwaje wenda amafaranga ubwo urumva icyo cyaha cyingana no gupfa nabi bebe akokageni?bajye babafunga ariko batabishe

Runwa Kuya 24-04-2017

Abagande bari serious.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...