konka coffee
KONKA

AMAKURU

UKWEZI

Ruhango: Abajura bitwaje intwaro bibye akayabo muri Banki ya Kigali banarasa abakozi bayo

Ruhango: Abajura bitwaje intwaro bibye akayabo muri Banki ya Kigali banarasa abakozi  bayo
24-10-2017 saa 20:57' | By Chief Editor | Yasomwe n'abantu 13257 | Ibitekerezo 5

Mu masaha y’umugoroba wo kuri uyu wa Kabiri tariki 24 Ukwakira 2017, abajura bitwaje intwaro bateye Banki ya Kigali, ishami rya Buhanda riherereye mu karere ka Ruhango mu Ntara y’Amajyepfo, biba amafaranga menshi ataramenyekana umubare hanyuma banarasa abakozi ba banki barimo n’umwe wahise ahasiga ubuzima.

Ubu bujura bwabaye ahagana saa kumi n’ebyiri n’igice z’umugoroba nk’uko byemezwa n’abaturage bo muri aka kace, ndetse IP Kayigi Emmanuel; umuvugizi wa Polisi mu Ntara y’Amajyepfo nawe yemeje aya makuru mu kiganiro yagiranye n’ikinyamakuru Ukwezi.com.

IP Kayigi yabwiye Ukwezi.com ko aba bajura barashe abakozi ba Banki ya Kigali, Ishami rya Buhanda, umwe muri bo wari umukobwa watangaga amafaranga (Cashier) akaba yahise ahasiga ubuzima mu gihe abandi batatu bakomeretse ubu bakaba barimo kuvurirwa mu bitaro bya Gitwe.

IP Emmanuel Kayigi avuga ko ibikorwa by’iperereza byatangiye, andi makuru ajyanye n’ubu bujura ndetse n’ingano y’amafaranga yibwe akaza gutangazwa nyuma y’iperereza ry’ibanze ririmo gukorwa n’abapolisi.

Hari umwe mu baturiye ahabereye ubu bujura ariko wabwiye Ikinyamakuru Ukwezi.com ko abo bajura bitwaje intwaro bari batanu, bakaba bari bapanze neza umugambi mubisha wabo kuko kuwa Kabiri iyi banki iba ifite amafaranga menshi iba yakuye kuri Banki ya Kigali mu ishami rya Muhanga, bitewe n’uko kuwa Gatatu harema isoko rya Buhanda bityo bakazana amafaranga atubutse abarema isoko baba bazakenera mu bikorwa by’ubucuruzi bwabo. Ababonye aba bajura, bemeza ko batwaye ibikapu byinshi by’amafaranga bakuye muri iyi banki.

Turacyabakurikiranira byinshi kuri iyi nkuru


INKURU ZA :
Tanga Igitekerezo
Ibitekerezo 5
Mike Kuya 26-10-2017

Twifatanyije mu kababaro n’umuryango, inshuti n’abavandimwe ba nyakwigendera, kandi twihanganishije abakomeretse .Ndizera ndashidikanya ko Polisi izafata abo bagizi ba nabi. Uwabamenya akwiriye kubimenyesha Polisi.

harerimana pacifique Kuya 26-10-2017

imana imwakire mubayo

elie Kuya 25-10-2017

DODOS , wikwitwaza ubushomeri mu rubyiruko kuko amashuri bize ntaho ari ayo kwiba . ikindi kandi abo bibye ntakivugako ari abashomeri? ubundi se abashomeri bagira imbunda. birababaje cyane ahubwo inzego zumutekano zikazwe kuko ndumva bitoroshye. tubabajwe n’ubuzima bw’abantu bwibasiwe n’abo bagizi ba nabi

dodos Kuya 24-10-2017

Hahahahahaha ubushomeri bwishe urubyiruko bigeze naho batangira kwibisha imbubda ahaaaa birakaze da ariko c ubundi bwo bakoriki? ko ntakazi kakibaho hano iwacu gusa kwica nago mbishyigikiye bari kwiba gus

peterovic Kuya 24-10-2017

Imana ikomeze abasigaye kdi rwose abo bagizi banabi bagaragare bahanwe inzego zacu z’umutekano (army and police) turabizeye ibyo bisambo bizafatwa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...