konka coffee
KONKA

AMAKURU

UKWEZI

Rusizi: Hafi y’ahaherutse kurasirwa abantu batatu, harasiwe abandi bamwe barapfa

Rusizi: Hafi y’ahaherutse kurasirwa abantu batatu, harasiwe abandi bamwe barapfa
20-06-2017 saa 19:34' | By Chief Editor | Yasomwe n'abantu 11032 | Ibitekerezo 8

Mu masaha y’umugoroba wo kuri uyu wa Kabiri tariki 20 Kamena 2017, abantu bataramenyekana umubare barasiwe mu mudugudu wa Gihigano mu kagari ka Ryankana ho mu murenge wa Bugarama mu karere ka Rusizi, kugeza ubu abatuye muri ako gace bakaba bavuga ko hari abamaze gupfa n’ubwo bataramenyekana umubare.

Umuvugizi wa Polisi y’u Rwanda mu Ntara y’Uburengerazuba CIP Theobald Kanamugire, yatangarije ikinyamakuru Ukwezi.com ko nawe arimo gukurikirana iby’aya makuru, ibyo aza kudutangariza tukaza kubibagezaho mu gihe cya vuba.

Amakuru ya bamwe mu baturage, avuga ko n’ubwo abantu barashwe ari benshi, abahise bitaba Imana ari babiri, ababarashe nabo kugeza ubu bakaba bataramenyekana.

Aha hantu humvikanye urusaku rw’amasasu, ni hafi y’ahaherutse kurasirwa abandi bantu batatu, babiri bagahita bapfa umwe agakomereka. Icyo gihe hari mu masaha y’urukerera rwo ku Cyumweru tariki 12 Werurwe 2017, ubwo abantu bitwaje intwaro binjiraga mu karere ka Rusizi bakagera mu murenge wa Bugarama mu kagari ka Ryankana mu mudugudu wa Kabuga, bakica abantu babiri babarashe hanyuma bagakomeretsa umuntu umwe.

Icyo gihe, Lt Col René Ngendahimana, umuvugizi w’igisirikare cy’ingabo z’u Rwanda, yavuze ko abo bantu bari bitwaje intwaro bahise bambuka bakajya mu gihugu cy’u Burundi, cyane ko n’ubusanzwe aho byabereye ari hafi y’umupaka w’u Rwanda n’u Burundi.


INKURU ZA :
Tanga Igitekerezo
Ibitekerezo 8
karemera Kuya 21-06-2017

RDF ihora iregeye ahantu hose , iri maso uwutekereza guhungabanya umutekano w’igihugu nta mahirwe afite rwose ,

kalisa Kuya 21-06-2017

ibi ni abashaka kudobya umutekano w’igihugu ariko RDF ntiyabaha agahenge babimenya ko hari kandi ishoboye ikaba iri maso amasaha yose

Muhire Kuya 21-06-2017

Nyamara ikibazo kirakomeye.Uburundi burimo kudushotora kandi nyakubahwa arabutinya. Iyaba ari Congo tuba duhise twambuka.

Muhire Kuya 21-06-2017

Nyamara ikibazo kirakomeye.Uburundi burimo kudushotora kandi nyakubahwa arabutinya. Iyaba ari Congo tuba duhise twambuka.

Ndayishimiye j.paul Kuya 21-06-2017

Birababaje guhora twumva ngo abantu bishwe nihafatwe ingamba pe

mukaruberwa jeannette Kuya 20-06-2017

Igitekerezo natanga nuko abobanu barashe bagomba gukurikiranwa bagafatwa naho aba bo banye shuri bafatiwe muri Lodge bafungwe

tuyishime adeline Kuya 20-06-2017

muraho,birababaj pee gs abashizwe umutekano nibaze kugirango hataguma kumeneka amaraso nsabira abatabarutse kuruhukira mumahorokdi nababuze abababo bakomeze kwihangana.

harindintwari andrew Kuya 20-06-2017

ibi birarambiranye kwicwa kw’abantu buri gihe nk’abaturage turambiwe agasuzuguro no kuvogerwa n’inkoramaraso,hakwiye kugira igikorwa ubu bwicanyi bugakumirwa,byanyura munzira y’ibiganiro cg indi kuko abanyarwanda ntitukiri abo gupfa nk’imbwa cg ikindi kintu kitagira agaciro.aho barengera ko hazwi ni iki gituma batabazwa ibyabo bacumbikiye n’ibyo bakorera inzirakarengane z’abanyarwanda batazi icyo bazira

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...