konka coffee
KONKA

AMAKURU

UKWEZI

Rwamagana: Umugabo yishwe n’abamukubise bamushinja kwiba inkoko

Rwamagana: Umugabo yishwe n’abamukubise bamushinja kwiba inkoko
28-03-2017 saa 05:36' | By Chief Editor | Yasomwe n'abantu 4826 | Ibitekerezo 1

Mu mpera z’icyumweru gishize, uwitwa Nyamuyumbu Jean Damascene yishwe akubiswe n’abantu bagishakishwa bamukekagaho kwiba inkoko z’uwitwa Umubyeyi Mary utuye mu kagari ka Bicumbi, mu murenge wa Mwurire mu karere ka Rwamagana.

Nyuma y’iminsi ibiri ibi bibaye, Umuyobozi wa Polisi y’u Rwanda mu karere ka Rwamagana, SP Edouard Kiiza yakanguriye abaturage kwirinda kwiha ububasha bwo guhana uwo bafashe akora icyaha; ahubwo bakabimenyesha cyangwa bakamushyikiriza Polisi batamuhutaje. Ibi yabitangarije mu nama yagiranye n’abaturage bo mu murenge wa Musha aho yari afatanyije n’Umuyobozi w’aka akarere wungirije ushinzwe imibereho myiza y’abaturage, Umutoni Jeanne.

Mu ntangiriro z’uku kwezi kwa Werurwe, hari undi mugabo wakubiswe bimuviramo urupfu witwa Bikorimana Jean, wari utuye mu murenge wa Mbazi mu karere ka Nyamagabe, akaba yarakubiswe n’abaturage bari barangajwe imbere n’abantu 4, bamuzizaga kwiba inkwavu eshanu.

Ibi kandi nabyo byabaye nyuma y’uko mu ijoro ryo kuwa Gatandatu tariki 4 Werurwe rishyira ku Cyumweru tariki 5 Werurwe 2017, umukuru w’umudugudu wa Karuhura mu kagari ka Gakoni mu murenge wa Kiramuruzi mu karere ka Gatsibo, yishe umuturage wari uraye irondo mu mudugudu we amushinja kumwiba igitoki cyari kibonywe ku gasozi n’abari baraye irondo barimo n’uyu wishwe. Uyu mukuru w’umudugudu yahise atabwa muri yombi.

Mbere yaho gato nabwo, no mu karere ka Rwamagana hari umukozi ushinzwe ibijyanye n’imisoro na we wishe umuntu amuziza igitoki, na we akaba yarabyukijwe n’abantu bamubwira ko bamwibye agahita atangira gukubita umuntu wakekwaga kugeza amwishe, uyu muyobozi na we ubu akaba afunzwe.

Ingingo ya 151 yo mu gitabo cy’amategeko ahana ibyaha mu Rwanda ivuga ko gukubita cyangwa gukomeretsa umuntu ku bushake bigatera urupfu, uwakoze icyaha ahanishwa igifungo kuva ku myaka icumi (10) kugeza ku myaka cumi n’itanu (15). Naho iyo uwakoze urwo rugomo yabigambiriye cyangwa yabanje gutega igico, ahanishwa igifungo cya burundu.


INKURU ZA :
Tanga Igitekerezo
Ibitekerezo 1
lg Kuya 28-03-2017

I RIO UBWO A BASHYIREHO IMYAKA 15 KUMUNTU WISHE, UMUNTU UBWO YAHEREYE, KUKI!!!AMATEGEKO AMWE AKOZE NABI NIYO YONGERA, IBYAHA, URUGERO ABAVANDIMWE 2 BAVANZE UMUTUNGO CY UMUGABO NUMUGORE ASHOBORA KUGENDERA, KURIBYO, AKEMERA GUFUNGWA 15 YATAHA IMITUNGO IKABA IYE !!! UWISHE UMUNTU ABISHAKA, KUKI ADAKATIRWA BURUNDU, BWUMWIHARIKO AHUBWO, ABANTU BAKABITINYA, UBUNDI KO BAKWIYE NABO KWICWA,

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...