konka coffee
KONKA

AMAKURU

UKWEZI

Shyorongi: Abashinwa barashinjwa guteza impanuka nyinshi zirimo n’iyahitanye abantu

Shyorongi: Abashinwa barashinjwa guteza impanuka nyinshi zirimo n’iyahitanye abantu
12-05-2017 saa 08:21' | By Chief Editor | Yasomwe n'abantu 10733 | Ibitekerezo 4

Abashinwa bakora umuhanda uherereye i Shyorongi mu karere ka Rulindo barashinjwa kugira uruhare mu mpanuka zikomeje kubera muri aka gace ndetse zikaba zirimo n’iyahitanye abantu ikanakomeretsa abatari bacye mu gitondo cyo kuri uyu wa Kane tariki 11 Gicurasi 2017. Uburyo aba bashinwa bakora uwo muhanda abaturage bemeza ko bituma imodoka zihagera zikanyerera. Ibi kandi n’ubuyobozi bw’akarere burabishimangira.

Aha ni ahitwa ku Kinini mu murenge wa Rusiga mu karere ka Rulindo, aho abaturage bavuga ko abashinwa bakora umuhanda bawusukamo godoro inyerera kuburyo bahakora nk’abashyira sima mu nzu abantu babamo, bikaba ari yo ntandaro y’impanuka zikomeje kuhabera kuko ngo kuva kuwa Gatandatu hamaze kubera impanuka esheshatu zirimo izahitanye n’abantu.

Kuri uyu wa Kane mu masaha ya mugitondo, aha ku Kinini habereye impanuka ebyiri mu gihe gikurikiranye. Imodoka ya mbere yarahageze irenga umuhanda hanyuma nyuma y’iminota micye indi iraza nayo iranyerera igonga abantu bari bashungereye bareba iby’iyi mpanuka maze babiri bahita bapfa naho batanu barakomereka bikomeye.

Umuvugizi w’ishami rya Polisi y’u Rwanda rishinzwe umutekano wo mu muhanda, CIP Emmanuel Kabanda, yemereye ikinyamakuru Ukwezi.com iby’iyi mpanuka ariko avuga ko atahamya iby’uko uwo muhanda unyerera kuko nta bushakashatsi Polisi irabikorera.

Nyamara umuyobozi w’akarere ka Rulindo, Emmanuel Kayiranga, yabwiye TV1 ko iyi mpanuka ibaye iya gatandatu ibaye mu minsi itanu gusa kandi bakaba basanga biterwa n’uko uyu muhanda umeze. Yagize ati: "Nawe nk’uko wabibonye umuhanda uranyerera, ariko ni ibice bimwe na bimwe CHICO (Kompanyi y’Abashinwa) yatangiye gusana. Twatangiye kubona ikibazo kuwa Gatandatu ariko ntitumenye impamvu yabyo, tukumva ko ari ukubera wenda imvura, tuza kureba tugenzuye neza, kuko imodoka zagwaga ahantu hamwe hafite icyo kibazo, dusanga koko ari umuhanda unyerera, tubimenyesha RTDA (ikigo gishinzwe gutwara abantu n’ibintu) kugirango ibwire CHICO ibe yakosora ibi bintu guhera ejo nibwo batangiye kubikosora ariko nanone nyine nk’uko wabibonye iyo mpanuka yabaye yatwaye ubuzima bw’abantu, tukaba twizeye ko wenda bikosoka. Ariko muri rusange hamaze kubera impanuka ubwo esheshatu kuva kuwa Gatandatu."

Abaturage baturiye aka gace kimwe n’amakompanyi atwara abantu mu muhanda Kigali - Musanze, dore ko hari n’itwara abantu ya kompanyi ya Virunga iherutse kuhagwa, bavuga ko niba uyu muhanda abashinwa bakomeje kuwukora uko barimo kuwukora byazashyira mu kaga ubuzima bw’abantu benshi.


INKURU ZA :
Tanga Igitekerezo
Ibitekerezo 4
rucagu Kuya 23-05-2017

yoooooo mbabariye abo bashinwa disi buriya se bazishyurwa?nibishyurwa bazahita bayasubiza mu rukiko ngo batabafunga .yoooooooooo tekinike

Manirarora Evode Kuya 13-05-2017

Abashinwa barakidukoze twabuze abacu aribo babiteye

Natacha Kuya 12-05-2017

Abashinwa ni abatindi babi. Nta mpuhwe na nkeya bagira. Wasanga baranyereje umuhanda babishaka.

lg Kuya 12-05-2017

NIBASANGA AHUBWO IZO MPANUKA ZATEWE, NABO BASHINWA, BABATEGEKE. KWISHYURA IBYANGIRITSE NDETSE NABO BANTU BABIKORA NGO BARI GUSONDEKA UMUHANDA UTANGIRA, KWANGIRIKA URIGUKORWA WUMVA BABA BAWUKOZE BATE!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...