konka coffee
KONKA

AMAKURU

UKWEZI

Umuhanda Kigali - Gicumbi wibasiwe n’umwuzure, imodoka imwe yo yahezemo

Umuhanda Kigali - Gicumbi wibasiwe n’umwuzure, imodoka imwe yo yahezemo
10-10-2017 saa 19:11' | By Chief Editor | Yasomwe n'abantu 15728 | Ibitekerezo 2

Kubera umwuzure watewe n’imvura nyinshi yaguye mu bice by’amajyaruguru kuri uyu wa Kabiri tariki 10 Ukwakira 2017, mu masaha y’umugoroba imodoka ntizabashaga kuva i Kigali zijya mu karere ka Gicumbi no mu bindi bice bituranye nako, ndetse imodoka imwe yagerageje kwambuka ahibasiwe n’umwuzure yahezemo. Gusa byaje gukemuka imodoka zongera kugenda n’ubwo byabanje kugorana

Aya makuru bikimara kuba yemejwe na CIP Emmanuel Kabanda, umuvugizi w’Ishami rya Polisi rishinzwe umutekano wo mu muhanda, mu kiganiro yagiranye n’ikinyamakuru Ukwezi.com. Yavuze ko umwuzure wari watumye amazi aba menshi ku kiraro gitandukanya Rulindo na Gicumbi, aho benshi bamenyereye nko ku Gaseke.

CIP Emmanuel Kabanda kandi yavuze ko hari imodoka imwe yibasiwe n’uwo mwuzure, nyuma yo guheramo abagenzi bose bakaba babashije kuyivamo ntawe ugize ikibazo, hakaba hari hategerejwe ko amazi yabanza kugabanuka iyo modoka ikabona gukurwamo.

CIP Kabanda yavugaga ko nta modoka yakwambuka icyo kiraro, iva i Kigali ijya i Gicumbi cyangwa iziva mu bice bya Gicumbi zerekeza mu mujyi wa Kigali, ariko amakuru yaje kugera ku Kinyamakuru Ukwezi.com ni uko amazi yaje kugabanuka umuhanda ukabona kongera kuba nyabagendwa.


INKURU ZA :
Tanga Igitekerezo
Ibitekerezo 2
iramukunda Kuya 11-10-2017

Ntimwamenye ko amazi yatwaye umwana wa 12ans n’inka ,intama n’ihene bikaba byabuze irengero kugeza ubu?

Muhanda Kuya 10-10-2017

Buriya Hakwiye gukorwa neza U muhanda Rukomo-Rutare-Rwesero-cyamutara ukajya witabazwa mu bihe nkibi.

Ubu nahitwa Kajevuba (ikiraro gihuza Gasabo na Rurindo ni uguheka abantu ku mugongo)

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...