konka coffee
KONKA

AMAKURU

UKWEZI

Umujyi wa Kigali wabaye umuvundo, niba ushaka kuwujyamo ubyitondere - Amafoto

Umujyi wa Kigali wabaye umuvundo, niba ushaka kuwujyamo ubyitondere - Amafoto
16-07-2016 saa 12:45' | By Chief Editor | Yasomwe n'abantu 11087 | Ibitekerezo 4

Mu gihe u Rwanda rumaze kugeramo abakuru b’ibihugu bya Afurika benshi abandi nabo bakaba bari mu nzira baza mu nama y’ubumwe bw’ibihugu bya Afurika, guhera kuri uyu wa Gatanu kugenda mu mujyi wa Kigali byari ikibazo, ariko kuri uyu wa Gatandatu bwo byafashe indi ntera.

Ubwinshi n’umuvundo by’amamodoka abyigana ashaka inzira mu mujyi wa Kigali, byahagaritse ibikorwa byinshi abantu bari bateguye. Abagombaga kujya mu kazi, abari bafite ubukwe n’abandi bagombaga guca mu bice by’umujyi rwagati, bahuritse kubera umubyigano bidashoboka kuvamo byoroshye, aho kugenda metero nkeya n’imodoka bisaba amasaha menshi.

Aho ikinyamakuru Ukwezi.com cyabashije kugera, wasangaga abantu benshi bahisemo guparika amamodoka yabo bakajya muri gahunda zabo n’amaguru, abandi bagaparika bakazicaramo aho kubyigana mu muhanda babona batava aho bari.

Umwe mu bo twaganiriye ageze iruhande rw’inyubako nshya izwi nka CHIC, hafi y’ahahoze hitwa kuri ETO Muhima, yaduhamirije ko kuva kuri gereza ya Kigali izwi nka 1930, mu ntera ibarirwa muri metero nka 500, yari amaze kuhagenda n’imodoka ye igihe kingana n’amasaha abiri n’igice atarabasha kuhikura.

Uyu mubyigano w’imodoka watewe ahanini n’imwe mu mihanda yo mu mujyi wa Kigali yafunzwe mu rwego rwo gushyira kuri gahunda uburyo bwo kwakira abakuru b’ibihugu baje i Kigali mu nama, ibyo bikaba byatumye imihanda mishya yagenwe ihuriramo amamodoka menshi.


INKURU ZA :
Tanga Igitekerezo
Ibitekerezo 4
shema Kuya 16-07-2016

Nihashakwe igisubizo kirambye
Umujyi wa kgl ni muto ibinyabiziga nibyinshi hakwiye kubakwa indi mihanda inyura hejuru niyi isanzwe yose igasanwa hagashyirwamo kaburimbo 6non iki kibazo kizahoraho kdi izi nama nazo ntabwo zikwiye guhagarika ubuzima kuko singombwa ko imihanda ifungwa ngo abayobozi babone aho banyura bose bawukoresha kdi bikagenda neza.

shema Kuya 16-07-2016

Nihashakwe igisubizo kirambye
Umujyi wa kgl ni muto ibinyabiziga nibyinshi hakwiye kubakwa indi mihanda inyura hejuru niyi isanzwe yose igasanwa hagashyirwamo kaburimbo 6non iki kibazo kizahoraho kdi izi nama nazo ntabwo zikwiye guhagarika ubuzima kuko singombwa ko imihanda ifungwa ngo abayobozi babone aho banyura bose bawukoresha kdi bikagenda neza.

ke Kuya 16-07-2016

Tugomba kwihangana tukakira abashyitsi neza nukubyihanira numugisha twabonye tutazongera kubona vuba

ngabo vedaste Kuya 16-07-2016

Mwihangane ibyo byose byakozwe murwego rwo kubahiriza ubwisanzure numutekano wabashyitsi

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA