konka coffee
KONKA

AMAKURU

UKWEZI

Umukozi waroshye muri Nyabarongo abana yareraga yakatiwe, avuga ko azasengera muri gereza

Umukozi waroshye muri Nyabarongo abana yareraga yakatiwe, avuga ko azasengera muri gereza
26-07-2017 saa 15:46' | By Chief Editor | Yasomwe n'abantu 20056 | Ibitekerezo 30

Umukozi wo mu rugo wari ukurikiranyweho icyaha cyo kugambirira kwica abana babiri b’abakobwa yareraga abaroshye muri Nyabarongo, yakatiwe n’Urukiko igifungo cya burundu kuri uyu wa Gatatu tariki 26 Nyakanga 2017, nyuma yo guhamwa n’icyaha no kugaragaza ko imbabazi yasabye zitari zimufasheho. Uyu mukozi ariko yemera ko atarenganyijwe kuko icyaha yagikoze, ndetse akavuga ko nagera muri gereza azasenga agasaba Imana imbabazi kuri iki cyaha.

Kugicamunsi cyo kuwa Gatatu tariki 28 Kamena 2017, nibwo umukozi wo mu rugo wakoraga mu murenge wa Runda mu karere ka Kamonyi mu Ntara y’Amajyepfo, yafatiwe kuri Nyabarongo arimo kurohamo abana babiri b’abakobwa yareraga, hanyuma kuwa Kane tariki 20 Nyakanga 2017 agezwa imbere y’ubutabera, yiyemerera icyaha anasaba imbabazi, aho yavugaga ko yabiterwaga n’uko shebuja yigeze kujya amuhohotera, ariko ibi urukiko rwabifashe nk’amatakirangoyi.

Uyu mukozi yasomewe mu ruhame ko agomba gufungwa ubuzima bwe bwose

Uyu mukozi witwa Munezero Ernestine, yakoraga imirimo yo mu rugo rwa Ngendahimana Peter mu mudugudu wa Kabasanza, mu kagari ka Gihara, mu murenge wa Runda mu karere ka Kamonyi. Ni umukobwa uri mu kigero cy’imyaka 23 y’amavuko. Aha yakoraga, ninaho iburanisha ryabereye mu ruhame, ahari imbaga nini y’abaturage bari baje kwiyumvira, bakaba bari banagarutse ari benshi cyane kumva imyanzuro y’urukiko yasomye ku gicamunsi cyo kuri uyu wa Gatatu.

Uyu mukozi waburanye adafite abamwunganira mu mategeko, yiyemereye ko yafashe abana babiri b’abakobwa yareraga, umwe w’imyaka ine n’undi w’imyaka itatu, akabavana mu rugo agatega moto bagiyeho bose nawe ari kumwe nabo, akabajyana kuri Nyabarongo, aho yafashwe n’abakozi bakora mu bisheke byo mu gishanga cya Nyabarongo, amaze gushyira abo bana mu kidendezi cyo kuri uwo mugezi. Yiyemerera ko yabikoze agamije kubica, ndetse akanabisabira imbabazi, ariko akanavuga ko yabitewe n’uko shebuja yamuhohoteraga, n’ubwo ibi bitavuzweho rumwe kuko yabuze ibimenyetso cyangwa abatangabuhamya baba bazi iby’iryo hohoterwa avuga ko ryatumye ashaka kwihimura.

Mu gusoma imyanzuro kuri uyu wa Kane, umucamanza yasobanuye ko impamvu nyoroshyacyaha zagombaga gutuma Munezero Ernestine agabanyirizwa igihano zirimo kuba yaremeye icyaha akagisabira imbabazi, ariko ngo izi mbabazi yasabaga bigaragara ko atari azikuye ku mutima. Ibi umucamanza yabishingiye ku kuba mu gihe cy’iburanisha, uyu mukobwa yarabajijwe iby’uko yaroshye abana bakamutakira bamwita "Tantine", aha akaba yarabajijwe niba icyo gihe yaragize inkomanga ku mutima, undi akavuga ko ntazo yagize kuko yari yamaramaje kubica. Ibi ngo bigaragaza ko umugambi wo kubica yari yawuteguye kandi yagombaga kuwushyira mu bikorwa iyo adakomwa mu nkokora.

Aha yari amaze gusomerwa ko azafungwa igihe cyose agihumeka

Nyuma yo gukatirwa n’Urukiko igihano cy’igifungo cya burundu, Munezero Ernestine yavuze ko yumva atarenganye kuko icyaha yagikoze, ariko avuga ko akarengane abonamo ari uko shebuja ashinja kumuhohotera we atigeze ahanwa, nyamara anivugira ko atigeze amurega ndetse ko nta n’ibimenyetso by’uko yamuhohoteye afite. Avuga ko yicuza icyaha yakoze, kuburyo nagera muri gereza azajya ahora asenga agasaba Imana imbabazi.

Nyuma yo gukatirwa, bahise bamushyira mu modoka baramujyana ngo ajye gufungwa

Ernestine Munezero yari amaze imyaka irenga ine akora mu rugo rwa Ngendahimana Peter, ndetse abo bana bose bavutse akora muri urwo rugo nk’uko uwo Ngendahimana Peter yabihamirije ikinyamakuru Ukwezi.com.

Aba bari mu mugongo nibo baroshywe bakarusimbuka


INKURU ZA :
Tanga Igitekerezo
Ibitekerezo 30
Niyonsenga Kuya 7-08-2017

Ndumva Bibae Dangel, Nonese Ko Numv Mutangie Kuzanamo Namoko? Ngo Abahutu, Ngwibiki Byose, Murashak Kudusubiz Mumazi Abir? Muvuge Ibyo Mubon Ivangurmoko Muryihorere Ubu Ni, Ndumunyarwand.

Niyonsenga Kuya 7-08-2017

Ndumva Bibae Dangel, Nonese Ko Numv Mutangie Kuzanamo Namoko? Ngo Abahutu, Ngwibiki Byose, Murashak Kudusubiz Mumazi Abir? Muvuge Ibyo Mubon Ivangurmoko Muryihorere Ubu Ni, Ndumunyarwand.

anamariya Kuya 29-07-2017

Yemwe mwa bantu mwe nta muntu udakosa ariko uriya mukobwa amahano yarayakoze kandi agomba kubihanirwa gusa turacyafite ikibazo cyo kutita ku muntu ngo hakorwe iperereza ryimbitse no kumuha abapyschologues ngo bafashe umuntu nkuyu. Ubu se ko ndeba ari inkumi ikibyiruka, guha umuntu ugihano cyo gufungwa burundu si igisubizo kuri we usibye kuzahinduka akaba mubi nyine cg Imana yakora ibyayo akaba na mwiza. Twese turi abantu

Kalisa Kuya 29-07-2017

Uyu mukobwa yakoze icyaha. Guhanwa nibyo, ariko kuba yaratekereje kwica, hanyuma ntabigereho. Iyo hataboneka abantu ngo barohore abo bana. Ubuzima bwabo bwari burangiye. Naho kubindi byavuzwe. Ntabwo kwitwa umukozi bivuga ko atafite igitsina nkabandi. Igitsina ntikirutana. Byose nibimwe

Kalisa Kuya 29-07-2017

Uyu mukobwa yakoze icyaha. Guhanwa nibyo, ariko kuba yaratekereje kwica, hanyuma ntabigereho. Iyo hataboneka abantu ngo barohore abo bana. Ubuzima bwabo bwari burangiye. Naho kubindi byavuzwe. Ntabwo kwitwa umukozi bivuga ko atafite igitsina nkabandi. Igitsina ntikirutana. Byose nibimwe

-xxxx- Kuya 29-07-2017

Uyu

Alex Kuya 29-07-2017

Uyu mukobwa c ntago yarazi aho barega iyo arega ko ahohoterwa. Cyangwa akajya kuroha uwamuhuhoteye. Ibi bibondo c nibyo byamuhohoteye nakanyagwe ntaho ataniye nababasekuraga. Impinja nka Ziriya koko. Niba anarenganye yamaze nabo Bari barenganye.

habim Kuya 28-07-2017

Uri rubanza ni urwakibera kuko muguca urubanza ijambo ryose rivugwa tuziko rihabwa agaciro, kuki impamvu zero zitahabwa agaciro ngo shebuja ahatwe ibibazo? kuko singombwa ko uwo mukobwa agira abatanga bugamya. cyane ko tunemera ko umuntu yakora icyaha yarangiza agasibanganya ibinyetso.
ikindi kandi octopus gihano ntago gikwiriye uwo mwana w’umukobwa kuko yagambiriye kwica aranabigarageza ariko mubyukuri ntiyishame. byongeye kandi yasabye imbabazi, izi nimpamvu mbona zarigutuma agabanyirizwa ibihano.
ikindi tuziko iwacu murwanda umuntu udafite ubushobozi leta y’Urwanda yagennye uburyo bene uwo umuntu yunganirwa kuki Kuri uwo mukobwa bitakozwe?
nibarize ikibazo.
mwaba mwarakoze isuzuma ngo murebe bita afite ikibazo mumutwe? kuko haraho mwatanze impamvu yatumye akatirwa igifungo cyaburundu, ngo niko shana bamwise Tantine arako ntiyagira impuhwe, iyi ntago ari impamvu ifatika yatuma ahabwa igihano nkiki, ahubwo nimpamvu yagombaga gutuma asuzumwa hakarebwa ko ataba afite ihungabana aterwa nihohoterwa yavuzeko yakorerwaga na shebuja.

nkaso nsabako rubanza ewe rwasubirwamo kuko atahawe ubutabera bwuzuye, ahubwo bigaragara ko urubanza rwe rwari rwuzuyemo Amarangamutima menshi.
Murakoze.
comment yange ntimuyinige ndabinginze.

NYIRAMARIZA Souzana Kuya 28-07-2017

Ariko buri wese mbere yo kuvuga amagambo abanze atekereze ibyo bibondo biramutse ari ibye, bikicwa bisaba imbabazi z’ibyaha bitakoze, bimutakira ngo tantine tubabarire! ayiweee! uriya iyo abaho muri Genocide yari gukora iki koko? ndumva mwamugiriye impuhwe cyane, nagende amenye ko icyaha cyo kwica ari kibi, ibaze iyo Imana itumva gutabaza kw’abo bana, iwabo baba bameze bate, ko batari kuzabona n’imirambo ko ingona za Nyabarongo zari kubamira bunguri. Muceceke hataka Nyirubukozwemo, ibindi mwivugira ni uko atari mwe byabayeho! Ikindi umuntu w’umukobwa, abana yareze bamwita tantine, iyo afata uburozi akabuha mukeba we aho kwica abaziranenge, hanyuma akagumana n’umugabo nk’uko yabyifuzaga! ni agahomamunwa jyewe ibiriho ubu birandenga pe! isi n’iyo gusabirwa naho ubundi turakomerewe, uriya mugome yari ageze igihe nawe agomba gushinga urwe rugo none ubuzima bwe arabwangije1 niba atarwaye mu mutwe ku mugani wanyu ni umugome wambaye umugoma!

davisscotty Kuya 27-07-2017

arko gute umunt abon ifoto ng’umuntu n’umuhutu?iri njiji

MALARAYIKA Kuya 27-07-2017

Mwokabyaramwe jyewe ndibariza uwowiyita NKOMOKO ushatse kuvugako utarizewese arumwicanyi cyangwa atagira ibitekerezo byakimuntu? nibangahe se batize ariko bakaba bafite ubumuntu nuburere ntimugashyigikire ikibi kubwibitekerezo bibi byanyu mufite ngo mubibibe nomubandi, ese konumvise uvugako nawe wigeze kubaho umuyaya unacuruza agataro kuki ntawe wishe nuko wabuze uwowicase,cyangwa uko umwica ? gusa nawe ushobora cyangwa warabigambiriye birakunanira? jyembona arubumuntu buke gusa ntakindi , ikirenze kuribyo umuntu wahabaye imyaka ine yose niba baramuhohoteraga yewe akaba atarazi naho ubuyobozi buba, kuki atahavuye ngo ajye ahandi ukoyakabonye ahao ko ariko yajyaga nokukabona ahandi. ubugome bwuzuye imitima yabantu gusa.ahubwo musenge mushikamye.

xxxx Kuya 27-07-2017

Uyu mukobwa side imwe numunyabyaha indi ninzirakarengane ikibazo mbaza abacamanza uwagambiriye kwica nuwishe nibamwe mumategeko yurwanda?nonese uwo mukobwa yajyanywe kwamuganga Ko mwemezako Atari ihohoterwa yakorerwaga rero ubwo nuburwayi bwo mumutwe knd abasazi barabavuza ntibabafunga.cg mwafashe ka ruswa sha kuko nkabanyamategeko muburanisha umuntu udafite umwunganizi akarusho muri case yubwicanyi ndetse no kumuntu utarize.bacamanza bacu mwisubirehp

inkomoko Kuya 27-07-2017

Inkomomo......kutiga, kubera nta minerval...wenda ntanababyeyi afite...byose bikarangira agiye gukorera abakire bigaragare ko bamuhohoteraga!! byose nyine birangirira muri gereza..kd nkeka aya ari amaherezo kubana beshi batiga kubera kubura minerval! uyu nikimwe nabazunguzayi, indaya , abiba,nabandi bafatirwa mubikorwa bitemewe byose bashorwamo no kuba barabuze uko bakomeza amashuri yabo ngo bizabafashe mubuzima! Gusa nabwira barumuna bange ko bajya bahanyanyaza ntibacike intege..de ma part; nararuhijwe mukwiga kwange...mba umwogoshi, ncuruza ikarito, nkora mungo zabantu (umuboyi.....) final high school yararangiye, bachelor irarangira....none mukwezi 1 ndarangiza masters (Netherland)! Komera wicika intege wowe wiga bikugoye

ngenzi elie Kuya 27-07-2017

Nyamuneka mugire uriya ugitekereza ibyo amoko ko abanyarwanda babivuyemo.none c umuntu abo na ifoto akayibonamo umuhutu

kafa Kuya 27-07-2017

NONESE KO YEMEYE ICYAHA KUKI ATAGABANYIRIJWE IGIHANO KOKO URUKIKO RWARIHANUKIRIYE PE .NUKO YABAUZE ABAMWUNGANIRA MUMATEKO .

ngabo Kuya 27-07-2017

Abavuga ngo yarenganye nta soni koko?Aba baziranenge yari avukije ubuzima? . Uyu ni umugome mubi ahubwo n’izi ni imbabazi ubundi igihano akwiye cyari ukwicwa ni uko Leta yakuyeho icyo gihano.
Ndakeka atari ubwa mbere yishe , kandi abonye umwanya n’ubundi yakwica yo gatsindwa. Abajyanama b’ihungabana azahurire nabo mu buroko, niba agifite gihana nibura ashake ijuru Imana igira imbabazi.
Abagabo namwe mukuremo isomo. Nta mukeba uba muto. Abo bakozi mwikatishaho, bashobora kubakorera ibara nkiri. Abagore bo bazira byinshi nk’ibi mugashaka abandi ni ibisanzwe, bizi abana bahura no kubura nyina , nyamara mwitonde biragera no ku bibondo byanyu, amazi si ya yandi mwoge magari.Muve mu bugoryi rero bwo kuyoborwa n’imitima yo mu mapantalo nk’abatagira ubwonko.

zuba lawrence Kuya 27-07-2017

sha ingirwabagabo zirongora ababoyi zirahari gusa Imana niyo ihora ihoze ugasanga umugore yirirwa ashyashyana ngo urugo aruteze imbere aho kugirango umugabo amufashe biteze imbere agasigara ahumbahumba mu nnyo yumukozi. Gusa bajye bamenya ko bikururira umujvumo wa shitani bataretse kuwukururira abana babo n’umuryango wose .ngiyo ingaruka yo guheheta abakozi yaragiye kumwicira abana kubera ubujiji yibwiraga ko azahita aba umugore wa boss we bakabyarana abandi surtout que yari yamaze kuba mucyeba wa nyirabuja ubwo yaragiye kwica abo abereye mukase ! mukurikirane neza uwo mugabo niwe nyirabayazana ubwo numugore ntiyaracyigira ijambo umukozi yamusuzuguraga cyane nka mucyeba nyine. Mana uzace urubanza abagabo baryamana nabakozi uzabagire ibivume imbere yawe bajye bagerwaho ningaruka bonyine abana ntibakabe victim yimivumo ba se babakururira

SIBYO Kuya 27-07-2017

AHA UBUCAMANZA BURIHANUKIRIYE KABISA , UYU MUKOBWA YARACYENEYE UMUJYANAMA (PSCHOLOGUE ) MBERE YA BYOSE , UBUNDI HAKABAHO UMWUNGANIRA MU MATEGEKO , IGIFUNGO CYA BURUNDU KURI WE SI WO MWANYA MWIZA WO KWIKOSORA KUKO N’UBUNDI UBUZIMA YARI ARIHO BWARUTAGA UBWO MURI GEREZA , MU RWEGO RWO GUCYEMURA IKIBAZO NEZA NUMVAGA BARI KUMUKATIRA IMYAKA MICYE UBUNDI NA SHEBUJA AGATUMIZWA NAWE AGAHABWA UMWANYA WO KUGARUKA MURI SOCIETE KUKO NIYO YABA 10 ANS YAZAVAMO YARIHANNYE .. ARIKO KABISA AHA ARARENGANYE CYANE KANDI KUMUBIKA MURI GEREZA UBUZIMA BWE BWOSE KURI WE ARACYABONA KO ISI ARI INGOME KURUTA UKO YARI KWUMVA KO AKENEYA UBUNDI BUFASHA

marise Kuya 27-07-2017

yewe mukobwa ihangane isi nizunguruka genda wicuze ibyo wakoze allah ninyirimuhwe ninyiribambe gusa nakiriya kigabo allah azagifata miri nibakoko arigisambanyi ihanga ubukore

Ella Kuya 27-07-2017

Oya nafungwe nta gukina wica. Buriya afite uwo abicaho ni umwicanyi. Gusa arababaje!

Muchina Kuya 26-07-2017

Yewe nange ibi simbyemeranyaho nabo abakozi bomurugo bakunda kurengana bagombaga kumushskira umwunganira nawe nyine yarahemutse wasanga uriya sebuja yarabuhohoteraga umuntu wanze nogusaba imbabazi. Ubwoc iyo abobasebuja bibyirengagiza bakamubabarira nabo ko imana yabarindiye abana? Gukena nibibi abakene bakunda kurenga ubwoc iyo abandi iyobishe kobatinza urubanza

Muchina Kuya 26-07-2017

Yewe nange ibi simbyemeranyaho nabo abakozi bomurugo bakunda kurengana bagombaga kumushskira umwunganira nawe nyine yarahemutse wasanga uriya sebuja yarabuhohoteraga umuntu wanze nogusaba imbabazi. Ubwoc iyo abobasebuja bibyirengagiza bakamubabarira nabo ko imana yabarindiye abana? Gukena nibibi abakene bakunda kurenga ubwoc iyo abandi iyobishe kobatinza urubanza

byukusenge anje Kuya 26-07-2017

mbega wee! ubwose kuki batumvishe icyo kibazo cya sebujawe buriya uwo mukobwa nibamupfukiranye koko? mbega gusa bazamubabarire byibura bamufunge nkimyaka nki 5 yonyine ark ntibamufunge kugeza ubuzima bwe bwose

byukusenge anje Kuya 26-07-2017

mbega wee! ubwose kuki batumvishe icyo kibazo cya sebujawe buriya uwo mukobwa nibamupfukiranye koko? mbega gusa bazamubabarire byibura bamufunge nkimyaka nki 5 yonyine ark ntibamufunge kugeza ubuzima bwe bwose

Tutisenge Kuya 26-07-2017

Ark Mana warogowe. Abahutu mwe n’ukwica gusa muzi ntakindi
Birababaje kandi muzabibazwa

bartazar Kuya 26-07-2017

NARAGENZE NDABONA MBABAJWE NO KUBA BARAMUTAKIYE NGO TANTINE NTABYUMVE MANA UBARIRE ABAKENE!

Danny Hategeka Kuya 26-07-2017

ahhhh birakabije

Danny Hategeka Kuya 26-07-2017

ahhhh birakabije

Julio Kuya 26-07-2017

Mbega umugome wambaye umugome? Ko numva avuga ko azasaba Imana imbabazi se atabanje kuzisaba abo yakoshereje?

Manzina Kuya 26-07-2017

Nta bucamanza mbonye aha, uyu mukobwa yari afite uburenganzira bwo kugira umwunganira mumategeko. Ibi ntibivuze ko atakoze icyaha, ariko na nyirurugo wamuhohoteraga ashobora kuba atari shyashya. Abakene tuzahora dutaka, abo dutakira aribo badufunga.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...