konka coffee
KONKA

AMAKURU

UKWEZI

Umukozi wiyemerera ko yafashwe aroha abana yareraga muri Nyabarongo yaburanishijwe

Umukozi wiyemerera ko yafashwe aroha abana yareraga muri Nyabarongo yaburanishijwe
21-07-2017 saa 15:49' | By Chief Editor | Yasomwe n'abantu 20936 | Ibitekerezo 19

Nyuma y’aho ku gicamunsi cyo kuwa Gatatu tariki 28 Kamena 2017, umukozi wo mu rugo wakoraga mu murenge wa Runda mu karere ka Kamonyi mu Ntara y’Amajyepfo, yafatiwe kuri Nyabarongo arimo kurohamo abana babiri b’abakobwa yareraga, kuri uyu wa Kane tariki 20 Nyakanga 2017 yagejejwe imbere y’ubutabera, yiyemerera icyaha anasaba imbabazi.

Uyu mukozi witwa Munezero Ernestine, yakoraga imirimo yo mu rugo rwa Ngendahimana Peter mu mudugudu wa Kabasanza, mu kagari ka Gihara, mu murenge wa Runda mu karere ka Kamonyi. Ni umukobwa uri mu kigero cy’imyaka 23 y’amavuko. Aha yakoraga, ninaho iburanisha ryabereye mu ruhame, ahari imbaga nini y’abaturage.

Uyu mukozi waburanye adafite abamwunganira mu mategeko, yiyemereye ko yafashe abana babiri b’abakobwa yareraga, umwe w’imyaka ine n’undi w’imyaka itatu, akabavana mu rugo agatega moto bagiyeho ari batatu, akabajyana kuri Nyabarongo, aho yafashwe n’abakozi bakora mu bisheke byo mu gishanga cya Nyabarongo, amaze gushyira abo bana mu kidendezi cyo kuri uwo mugezi. Yiyemerera ko yabikoze agamije kubica, ndetse akanabisabira imbabazi, ariko akanavuga ko yabitewe n’uko shebuja yamuhohoteraga, n’ubwo ibi bitavuzweho rumwe kuko yabuze ibimenyetso cyangwa abatangabuhamya baba bazi iby’iryo hohoterwa avuga ko ryatumye ashaka kwihimura.

Aha Munezero Ernestine yari imbere y’inteko y’abacamanza

Ubushinjacyaha bwasabiye uyu Ernestine Munezero ko yakatirwa n’urukiko igifungo cya burundu, umucamanza yanzura ko urubanza ruzasomwa tariki 26 Nyakanga 2017, ari nabwo hazamenyekana imyanzuro y’ubucamanza ku cyaha uyu mukozi akurikiranyweho.

Ernestine Munezero yari amaze imyaka irenga ine akora mu rugo rwa Ngendahimana Peter, ndetse abo bana bose bavutse akora muri urwo rugo nk’uko uwo Ngendahimana Peter yabihamirije ikinyamakuru Ukwezi.com. Avuga ko nta kibazo bazi bari bafitanye, ibyo yisobanura avuga nabyo ngo ni amatakirangoyi, bagakeka ko ari umuntu waba waramushutse ngo ahemukire kwa shebuja.

Aba bari mu mugongo nibo baroshywe bakarusimbuka


INKURU ZA :
Tanga Igitekerezo
Ibitekerezo 19
kaah Kuya 25-07-2017

Arko sinibaz impamvu ikibazo nkiki kidakurikiranwa mu mizi,mu gihe harumukozi wagaragaye ko yakubiswe bikamuviramo ubusembwa beumubiri rero banjye bita no kumenya ikibibatera kuko uriya mwana wumukobwa nikimenyetso cyambere abacamanza baheraho

B. Romeo Kuya 24-07-2017

Wowe witwa queen igitekerezo utanze urumva haraho utaniye niryo shyano ry’unukozi? None se niba abo bana baragize imana ikabarinda uwo murozi byari ku bwimpuhwe ze?

x Kuya 24-07-2017

PLEASE, nta nzobere tugira muri Psychology?????????????????
Kuki uyu Umuntu mbere na mbere adasuzumwa????????
(Ibaze nkubu dusanze agiye muri Gereza aho kujyanwa kwa Muganga!!!!!!!!)

Sheh Rufarang Kuya 23-07-2017

Nuko imana ibona ibizaguruka ikabyima Amababa juewe ndinkumucamanza na mujyana Ahoyarajye Abobana Akicwa urwo yariyifurije Abobana

kiki Kuya 22-07-2017

Yeweeee a katirwe igihano cya burundu rwose aragastindwara n’Imana

kiki Kuya 22-07-2017

Yeweeee a katirwe igihano cya burundu rwose aragastindwara n’Imana

charmante Kuya 22-07-2017

ndabona harabashaka kurengera uyumukobwa iyo ubangamiwe urarega kandi mwenuyu Mwicanyi ntiyananiwe kurega niba harikibazo yarafite.akwiye gufungirwa ahatabona umuntu numwe

Dalila Kuya 22-07-2017

Nukuri uriya mukobwa bamukatire urumukwiriye kuko yarajyiye guhemukira inzira karengane

Black Kuya 22-07-2017

Ngo yagerageje vukoricyaha ? Cyangwa yaragikoz , uyu numwicanyi yarahekuye ababyeyi nibamukanire urumukwiye

chantal Kuya 22-07-2017

uyu mukobwa nahanwe byintangarugero ark mukurikirane no kuriryo hohoterwa avuga kuri shebuja wasanga nawe yari yaramujujubije!!!!!

DDD Kuya 22-07-2017

Abari kuvuga ko yahohoterwaga sinemeranya nabo kuko iyo biba bityo ntiyari kuhamara imyaka ine,ari gushaka impamvu pe ,abo uwa wafashe nk’abana bawe barangiza bakaguhemukira se bo baba babitewe niki? Imana ige iturindira abana naho ubundi shitani iri gukorera muri aba bantu cyane cyane abakobwa.

tarisise Kuya 22-07-2017

Ariko namwe ntimugakabye , cg ngo mushake gufatirana umuntu nonese uwa gerageje gukora icyaha nuwagikoze bahanwa kimwe (ngo igifungo cyaburundu!!!!)

M. Queen Kuya 22-07-2017

Mana warakize gukiza aba bana

alias Kuya 22-07-2017

kandi c komuhana abantu bafashe kungufu igihano cyindengakamere ayamakobwa nubwo atishe turiya twana murabona atariyabishe kbsa nizereko atazajya munsi yimyaka makumyabiri

kafa Kuya 21-07-2017

uwo mukobwa numugome pe bazamuhane.

rwanda Kuya 21-07-2017

uyu N’umwuka w’interahamwe n’impuzamugabi, ahubwo babuz’ayo bacira n’ayo bamira kuko Leta iri maso

kay Kuya 21-07-2017

nkurwo ruba rukwiye gupfa kuko nubundi ruzahitana nabo muri gereza dore uko kireba wa giterahamwe we

gaju Kuya 21-07-2017

n’ubundi Arareba nka Sekibi pe. akanirwe urumukwiriye. ubwo yaramaze guhaha

Gentos Kuya 21-07-2017

ariko iki ni ikibazo gikomeye.
gusa nubwo adafite ibimenyetso ntibyumvikana ko yapfa kubigira gutyo gusa.
niba ntakibazo cyo mumutwe asanganywe birashoboka ko ba nyiri urugo batari bamubaniye,
nyamara abakozi bo mungo nabo barahohoterwa nuko baceceka ngo batabura umugati w’ejo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...