konka coffee
KONKA

AMAKURU

UKWEZI

Umukozi wo mu rugo afunzwe azira kwica nyirabuja, avuga ko yabitumwe na shebuja

Umukozi wo mu rugo afunzwe azira kwica nyirabuja, avuga ko yabitumwe na shebuja
4-10-2016 saa 14:42' | By Chief Editor | Yasomwe n'abantu 22390 | Ibitekerezo 18

Umusore wakoraga akazi ko mu rugo mu murenge wa Kabarore mu karere ka Gatsibo, yatawe muri yombi na Polisi y’u Rwanda akurikiranyweho icyaha cyo kwica nyirabuja witwaga Uwihoreye Gaudence w’imyaka 29 y’amavuko. Nyuma yo kumwica amunize aremera icyaha, akavuga ko umugabo wa nyakwigendera ari we wamuhaye ikiraka cyo kwica umugore we.

IP Emmanuel Kayigi, umuvugizi wa Polisi y’u Rwanda mu Ntara y’Uburasirazuba, yatangarije ikinyamakuru Ukwezi.com ko kuri uyu wa Mbere tariki 3 Ukwakira 2016 mu masaha ya mugitondo, ari bwo uyu mukozi wo mu rugo yishe nyirabuja amunize agahita atoroka, umurambo wa nyakwigendera ukaba warasanzwe mu bwogero.

Kuri uyu wa Kabiri tariki 4 Ukwakira 2016, nibwo uyu musore yafatiwe mu karere ka Nyagatare, afatanwa amafaranga y’u Rwanda 150.000 ndetse n’imyenda yari iya shebuja. Umuvugizi wa Polisi avuga ko uyu mukozi yemera icyaha, akavuga ko yari yabitumwe na shebuja wamusabye ko yamwicira umugore akamuha amafaranga y’u Rwanda 100.000, hanyuma agatwara imyenda y’umugabo kugirango ajijishe batazakeka umugabo.

Ubwo Uwihoreye Gaudence yicwaga, umugabo we yari yagiye mu mirima yabo gukurikirana ibikorwa byabo by’ubuhinzi. IP Emmanuel Kayigi akaba avuga ko n’ubwo ibitangazwa n’uyu mukozi bidakwiye kwirengagizwa, ariko ngo haracyari kare kwemeza niba ibyo avuga ari ukuri, kuko bakeka ko yaba abeshyera uwo mugabo ari uburyo bwo kuyobya uburari.

Polisi yatangiye iperereza ndetse hari n’undi wari umupangayi muri uru rugo uyu musore ashinja ko bafatanyije kwica uwo mugore, ibyo byose bikaba byatangiye gukurikiranwa ngo hamenyekane ukuri kwabyo.


INKURU ZA :
Tanga Igitekerezo
Ibitekerezo 18
JOAR Kuya 31-10-2016

Polisi ibanze isuzume ko mbere yo kumwica atabanje kumusambanya

Mike Kuya 6-10-2016

Kwihanira ntibyemewe mu Rwanda.Uko bigaragara, ahubwo igikenewe n’ukumenya icyo ari cyo n’uburyo bwo kumufasha.

meshizo Kuya 5-10-2016

nukwihangana

NDEREYIMANA ALBERT Kuya 5-10-2016

Ahaaa!!ISI IGEZE AHARINDIMUKA PE! Birashoboka ko uwo mugabo yaba abifitemo uruhare. polisi ishishoze neza kuko ingo ziki gihe ni amayobera

NDEREYIMANA ALBERT Kuya 5-10-2016

Ahaaa!!ISI IGEZE AHARINDIMUKA PE! Birashoboka ko uwo mugabo yaba abifitemo uruhare. polisi ishishoze neza kuko ingo ziki gihe ni amayobera

Elise de Dieu Kuya 5-10-2016

ba kazarusenya ni benshi, uyu mukozi anize nyirabuja none arashaka no gufungisha shebuja amugerekaho icyaha nk’iki!!! namwe mukajyaho mugaca imanza nkaho haricyo mubiziho!!!!! mbere yo kuvuga mujye mubanza mutekereze icyo mugiye kuvuga nicyo mugiye kwandika.

Joyeuse Kuya 5-10-2016

Ariko nyumvira kweli!! Ahaaa isi igeze habi. Bibaye ari umugabo wamwicishije byaba biteye agahinda. Kwiyicira umugore ukiri muto gutyo ukanihindurira abana impfubyi! Yoooo. Ariko rero n’aba mwita abakozi bo mu ngo njye bangeze ahantu. Mureke duhaguruke nk’abitsamuye twige kwikorera nk’uko abanyaburayi babigenza ducike kuri aba bantu sinon bazanatumara.

HAGENIMANA DESIR Kuya 5-10-2016

Buriya uwo mukozi kuva yemera icyaha ni ukumugabanyiriza igihano icyabimuteye ni shebuja ahubwo uwo shebuja ariwe mukurikirana uwo mukozi we mumuhane kuva arikwemera icyaha

david Kuya 5-10-2016

fofo nibuziko ikikibazokiriho wagerageje ukabibwira ubuyobozi hakirikare bukakugirinama gusa birababaje.

Abayisenga Bety Kuya 4-10-2016

Birakabije Barebeneza Konabandibabyihishinyuma

jojo Kuya 4-10-2016

abo bicanyi bakanirwe urubakwiye pe!!!!!

Zairwa Kuya 4-10-2016

Yegoko kunigana se biracyabaho ra,narinziko byashiranye no muri 1994
Iyo nkora maraso koko

Zairwa Kuya 4-10-2016

Yegoko kunigana se biracyabaho ra,narinziko byashiranye no muri 1994
Iyo nkora maraso koko

Janne Kuya 4-10-2016

Abagabo bubu nibikoko bakunda ibintu kd ntacyo bibamarira uretse gushora mundaya bakica abagore babo

fofo Kuya 4-10-2016

Wasanga nyamara uwo mugabo hari icyo abiziho.Ababishinzwe batohoze neza barebe uburyo yari abanye n,umugabo we.Umugabo iyo abona mubanye nabi ahitamo kukwikiza kugirango mutazagabana imitungo.Nanjye uwo mfite ahora akubita agatoki ku kandi ahubwo munsengere.

Clement Kuya 4-10-2016

Yegoko mana ishobora byose!!!! aka si akumiro koko?! Abagabo bageze n’aho noneho bayobya uburari bigeze aho!!!! ibi niba ari ukuri byaba biteye inkeke n’agahinda. Imana yakire ubugingo bw’iyo nzirakarengane.

Clement Kuya 4-10-2016

Yegoko mana ishobora byose!!!! aka si akumiro koko?! Abagabo bageze n’aho noneho bayobya uburari bigeze aho!!!! ibi niba ari ukuri byaba biteye inkeke n’agahinda. Imana yakire ubugingo bw’iyo nzirakarengane.

fifi Kuya 4-10-2016

Birababaje cyane biteye agahinda ububwicanyi koburikwiyongera.gusa mudukurikiranine mutugezaho amakuru tumenye ibyo uwomukozi avuga niba arukuri cg niba ariwe wamwishe akaba abidhyiramo nabandi.murakoze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA