konka coffee
KONKA

AMAKURU

UKWEZI

Umupolisi w’u Rwanda wari mu butumwa yarirashe ahita apfa

Umupolisi w’u Rwanda wari mu butumwa yarirashe ahita apfa
8-08-2017 saa 17:32' | By Chief Editor | Yasomwe n'abantu 16433 | Ibitekerezo

ACP Theos Badege, umuvugizi mukuru wa Polisi y’u Rwanda

SP Musabe Emmanuel, umupolisi w’umwofisiye wari mu butumwa bwo kubungabunga amahoro muri Centre Afrique, yarirashe ahita apfa kuwa Kane tariki 3 Kanama 2017, nyuma y’uko yari avuye gutora Perezida wa Repubulika, dore ko amatora ku banyarwanda baba mu mahanga yabaye kuri iyo tariki.

Mu kiganiro yagiranye n’ikinyamakuru Ukwezi.com, umufasha wa nyakwigendera Musabe Emmanuel yadutangarije ko amakuru y’urupfu rw’umugabo we nawe atayasobanukiwe neza kuko ari ukubyumva gutyo gusa. Yadutangarije ko icyo yabwiwe ari uko umugabo we yirashe avuye gutora Perezida wa Repubulika, kuwa Kane tariki 3 Kanama 2017, nyuma andi makuru yahawe akaba ajyanye n’uko hari iperereza ririmo gukorwa n’Umuryango w’Abibumbye ku bijyanye n’urwo rupfu n’icyaba cyaratumye yiyahura.

ACP Theos Badege, Umuvugizi Mukuru wa Polisi y’u Rwanda, nawe yemeje iby’aya makuru agira ati: "Polisi y’u Rwanda ibabajwe no gutangaza urupfu rw’umupolisi wayo, wari mu bagize umutwe w’abapolisi boherejwe mu butumwa bw’amahoro bwa Loni mu gihugu cya Centrafrika (MINUSCA) . Uwitabye Imana ni Superintendent Emmanuel Musabe bikekwa ko yirashe agapfa ku gica munsi cyo ku wa 3 Kanama 2017. Polisi y’u Rwanda, MINUSCA n’izindi nzego bireba muri Centrafrika batangije iperereza rigamije kugaragaza ukuri ku byabaye, imvano y’ibi byago ndetse no gufata ingamba zikwiye kuri iki kibazo."

Polisi y’u Rwanda ikomeza isobanura ko umuryango wa nyakwigendera wahise umenyeshwa iby’urupfu rwe. Hari andi makuru kandi agera ku Kinyamakuru Ukwezi.com avuga ko umurambo we uzagezwa mu Rwanda muri iki cyumweru.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...