konka coffee
KONKA

AMAKURU

UKWEZI

Umuturage watemye DASSO yarashwe na Polisi ahita apfa

Umuturage watemye DASSO yarashwe na Polisi ahita apfa
20-04-2017 saa 10:05' | By Chief Editor | Yasomwe n'abantu 12450 | Ibitekerezo 42

Mu masaha ya mugitondo cyo kuri uyu wa Kane tariki 20 Mata 2017, umuturage wo mu karere ka Rusizi mu Burengerazuba bw’u Rwanda yarasiwe kuri sitasiyo ya Polisi ya Kamembe ahita apfa. Aha kuri sitasiyo ya Polisi yari yahagejejwe kuri uyu wa Gatatu akurikiranyweho icyaha cyo gutema umukozi w’urwego rwa DASSO akoresheje umuhoro.

Uyu musore w’imyaka 25 y’amavuko witwa Namahoro Jean Bosco yarashwe n’abapolisi ubwo yageragezaga gutoroka mu gihe yari akinguriwe hamwe n’abandi bafungiye kuri sitasiyo ya Polisi ya Kamembe bagiye mu bwiherero. Amakuru y’iraswa ry’uyu musore yanemejwe n’ubuvugizi bwa Polisi y’u Rwanda.

ACP Theos Badege, umuvugizi wa Polisi y’u Rwanda, yatangarije ikinyamakuru Ukwezi.com ko Namahoro Jean Bosco yarashwe n’abapolisi kuko babonaga agiye gutoroka kandi ntakundi bari kubigenza mu gihe yari akurikiranyweho ibyaha bikomeye byo gutema ushinzwe umutekano akoresheje umuhoro.

ACP Theos Badege ati: "Ni umufungwa wagerageje gutoroka hanyuma abapolisi bari bari ku kazi nta bundi buryo bari basigaranye, usibye kumurasa kuko yari atorotse kandi yari yarakoze icyaha kiremereye. Ni umuntu watemye DASSO n’umuhoro mu gahanga. Ari umupolisi wabikoze, yabikoze kuko yari azi uburemere bw’icyaha cy’utorotse, ikindi no kuba yatorotse nawe yari afite inkomanga ku rwego ruremereye rw’igikorwa yakoze. Nta bundi buryo rero umupolisi yari asigaranye nyuma yo gukora icyo amategeko amutegeka byose"

JPEG - 183 kb

Umuvugizi wa Polisi y’u Rwanda, ACP Theos Badege

Uyu muturage wo mu Kagari ka Ruganda, Umurenge wa Kamembe mu karere ka Rusizi, kuri uyu wa Gatatu yatemye umukozi w’urwego rwa DASSO witwa Venuste Ndahagaze ubwo yari mu gikorwa cyo gusenya inzu yubatswe mu buryo butemewe n’amategeko.

JPEG - 108.9 kb

Iyi niyo nzu DASSO yasenyaga umuturage aramutema amukomeretsa cyane mu gahanga

JPEG - 20.1 kb

DASSO watemwe yajyanywe kwa muganga avirirana cyane nyuma yo gutemwa n’uyu muturage warashwe ashaka gutoroka


INKURU ZA :
Tanga Igitekerezo
Ibitekerezo 42
Nyiramahoro Marie Kuya 22-04-2017

Police yacu isigaye isa n’abapolisi bera muli USA. Nibo babona umwirabura bagasohora imbunda. Icyobikoze barakabije. Leta nitabare abanyarwanda. Kandi aliko aba bapolice bakwiye kujyanwa imbere y’ubutabera.

dodos Kuya 22-04-2017

Ariko Policw yacu igira ingusho tu! Burigihe irasa mu kico gusa ntishobora no kurasa amaguru.

dodos Kuya 22-04-2017

Ariko Policw yacu igira ingusho tu! Burigihe irasa mu kico gusa ntishobora no kurasa amaguru.

mugabe Kuya 21-04-2017

Acp badege avuze ibintu bitaribyo ngo kumurasa ntayandi mahitamo, ubwo rero nubutaha umupolice azarasa umuntu ngo ntayandi mahitamo !!!! Ok reka dutegereze iyo mvugo nimbi pe kuko ubahaye Courage !!! amapingu amara iki ? ese yarabajyanye kuri toilettes arumwe ? mubigisheyuko yari kubigenza atamurashe kandi ntatoroke

eric Kuya 21-04-2017

ibi murabivuga mutabonye uyu mu Dasso bataramupfuka byari biteye ubwoba ahubwo sinzi nimpamvu akirimo umwuka. Ahubwo abantu nkabariya bagifite umutima w’ubwicanyi ntibakagombye kubageza kuri Police bagomba kujya babarasira ku karubanda bikabera isomo nabandi babitekerezaga kuko Dasso yarari mu nshingano ze inzu nkiriya ntikwiye mu mujyi wa Kamembe kandi abaturage barabizi ko mbere yo kubaka babanza guhabwa uburenganzira. Police kbsa ikomerezaho si no abagifite umutima w’ubunyamaswa babyuriraho bakajya bamara abantu ngo igihano cy’urupfu cyavuyeho

KAKA Kuya 21-04-2017

Urupfu rwe mwirutindaho nimwikorere!!! Abo yatemye nibo bamufunze, ntimubyumva ko bihoreye koko!!! Yatemye DASSO yitabara kuko yari yamuteye none nabo baritabaye kuko yarabateye. Nabo bamweretse umuhoro wabo uko utema nyine!!!! Ibi rero sinzi impamvu yo kubitindaho keretse abatareba kure, icyo yatemeye dasso ntimwacyumvise? Nonese icyo yarasiwe nicyo mu tumva? Mu icyi gihugu ubona bukeye bukira, isaha yiyongereye kubuzima bwe ashatase yajya ashima Imana nukuri!!!!! Doraho nibereye

Dj Bin Kuya 21-04-2017

Ngewe nemera ko uwatemye DASSO yakoze ikosa ark ntago igihano cyo kwica hano mu RDA tukigira, niba uwomusore yarashatse gucika kuki batamurasha amaguru ngo agwe azakatirwe bisanzwe ko igihano cyo kwica kidahari mu RDA? ibi birababaje rwose.

bagosora tribert Kuya 20-04-2017

Baba bagomba kuraswa yewe bigaca no mu binyamakuru byinshi kugirango nabasigaye batinye naho ubundi abanyarwanda bakunda gutemana Ntawabakira atabarashe Nukuri

Tubi Kuya 20-04-2017

Abapolice bongererwe amahugurwa it is unprofessional kurasa umuntu wamusohoye nta pingu.

Akumiro Kuya 20-04-2017

sosiyete nyarwanda itaye umuco neza birarangiye.
jyewe mbona ibi ari wamugani w’ikinyarwanda "ngo wirukana inyamanswa kera ukayimara ubwoba"
uwo musore mu byukuri nta kosa yari afite:ikosa rifiywe na leta hamwe nuwo mu Dasso watemwe.
Leta:yohereza abadasso gusenya inzu,dasso ni urwego rushinzwe imyubakire?
Dasso :ajya gusenya inzu ari wenyine ,uwayubakaga yayitanzeho umutungo we wamuvunnye,yumvaga bamurebera gusa akayisenya ikarinda irangira?
Abakora commentaires bose :muri uwo musore mwari kubyitwaramo gute?
- kurebera inzu yawe igasenywa?
- kujya kurega Dasso?
- cyangwa gikoresha ingufu ufite?
Police:police yu rwanda kuki umuco wo kwica abanyarwanda yawugize akamenyero?
- ni iterabwoba kubaturage?
- ni ukudaha agaciro ubuzima bw’abanyarwanda?
- cg ni umuco batojwe na sebuja P.k?
- Bakwiye kwisubiraho kuko isura yabo imaze kigera mu ibara ry’umukara!!!!

Mugabe Kuya 20-04-2017

Wowe automatic uri fake cyane ese bararinda kumwirukaho iyo mbunda bafite nibikinisho ahubwo bari batinze kumurasa iyo bamurasa amaze gutema dasso ntibarinde kumujyana kuri station

Santus Kuya 20-04-2017

Nge Numva Uwo Muporisi Nawe Akwiye Gufa.Kuko Yarebye Yumva Ko Aheruka Kurasa Ubwo Yigaga Imbunda Ati Reka Niyibutse Ndaza Kuvugako Yaragiye Gutoroka.Ubwoc Bagenzibe Bari Bafunganye,bakemeza Koko Ko Yaragiye Gutoroka?Uwomu Porisi Nawe Naburanishwe Nibasaga Yaragiye Gutoroka Koko Fazar Niba Ataribyo Afungwe!Amategeko N’amabwiriza Nakurikizwe!Ubwoc Aruwakubise Umuntu Kk Yamwibye Akamwic Nuwo Warashe Mugenziwe Ngo Aratorotse,bataniyehe!Turabemera Ariko Rwoc Mwakoze Ibara!

Santus Kuya 20-04-2017

Nge Numva Uwo Muporisi Nawe Akwiye Gufa.Kuko Yarebye Yumva Ko Aheruka Kurasa Ubwo Yigaga Imbunda Ati Reka Niyibutse Ndaza Kuvugako Yaragiye Gutoroka.Ubwoc Bagenzibe Bari Bafunganye,bakemeza Koko Ko Yaragiye Gutoroka?Uwomu Porisi Nawe Naburanishwe Nibasaga Yaragiye Gutoroka Koko Fazar Niba Ataribyo Afungwe!Amategeko N’amabwiriza Nakurikizwe!Ubwoc Aruwakubise Umuntu Kk Yamwibye Akamwic Nuwo Warashe Mugenziwe Ngo Aratorotse,bataniyehe!Turabemera Ariko Rwoc Mwakoze Ibara!

Ngaboyisonga emery Kuya 20-04-2017

Izo ngegera bajye bazirasa iyo mihoro yabo ziyirambike

Ngaboyisonga emery Kuya 20-04-2017

Izo ngegera bajye bazirasa iyo mihoro yabo ziyirambike

kanamugire Kuya 20-04-2017

nukuri ibtakizwe birabaje cyane !!! kuva kuri dasso wagiye agashaka gusenya kandi mumabuiriza bagira ntibemerewe gusenya ahubwo barasenyesha, ikindi kurasa ntago aricyo cyari kuba bwambere kuko kurasa mucyico biba aruko habuze andi mahitamo,barashaka guhesha igihugu cyacu isura mbi pe !!!

Pascal Kuya 20-04-2017

Police y’U Rwanda imaze kwica abantu benshi pe
Njye nkeka ko ari no kwica nkana barangiza ngo yashatse kwiruka. Ndababaye cyane kandi ndasaba Kagame kuvugurura Police ahereye ku buyobozi bwayo.
How come , gusohora umunyacaha(uwatemye umuntu) utamwambitse amapingu? Ndemeza ko yambaye amapingu mu maboko honyine atarenga umutaru atarafatwa. Police ndayinenze ibibinyibukije Maitre uherutse kuraswa mu mutwe ngo anyuze sens unique. Iby ni ubwicanyi.

Police ndayigaye
Stop plz

kanamugire Kuya 20-04-2017

nukuri ibtakizwe birabaje cyane !!! kuva kuri dasso wagiye agashaka gusenya kandi mumabuiriza bagira ntibemerewe gusenya ahubwo barasenyesha, ikindi kurasa ntago aricyo cyari kuba bwambere kuko kurasa mucyico biba aruko habuze andi mahitamo,barashaka guhesha igihugu cyacu isura mbi pe !!!

Narumumiwee Kuya 20-04-2017

Ikibaye cyose nukurasa bakica ahhhaaa arikose bavandimwe uwo mudaso utinyuka akajya gusenya aba yitwaje iki? arikose ubwo uwo musore we yarikurebera basenya iyonzu yewe nawe ntiwamurenganya namaranga mutima yamurenze (amapingu amaziki? Nibamuziko icyaha afite gikaze nigute ashoka nta pingu)🙊🙊🙊🙊🙊

john Kuya 20-04-2017

njye mbona batakagombye kurindira ko agerageza gutoroka. ukinishije umupanga yakagombye gucishwaho kugira hatazagira nundi uwukinisha

ingaruka z’imipanga turazizi kdi duhagurukire kuyirwanya

kabera Kuya 20-04-2017

afande avuze ibintu bitabaho PS !!!! amapingu amara iki Se ? jya police station’s zose oui basohotse babambika amapingu no kujya kuihagarika bayagukuramo winjiyemo neza ibyo byabaye nagahomamunwa pe !!! uwabikoze nubashinzwe bahanwe

Fidele Kuya 20-04-2017

Birakwiyeko abapolisi bacu bongererwa ubushobozi bwo gukemura ikibazo cyabatoroka bakurikiranyweho ibyaha, badakoresheje amasasu yica, kuko ntabwo uwishe aba ahawe ubutabera,kandi hari uburyo bwinshi bwakoresha mugukumira gutoka, harimo no gukoresha amapingu kumuntu ukurikiranyweho ibyaha bikomeye, kuko ubuzima burahenze kandi u Rwanda rwapfushije abana barwo benshi, bikwiriye kutwigisha guha agaciro ubuzima bw abanyarwanda.Ikindi hakwiriye kwirindwa amakimbirane mubaturage ninzego z umutekano, kuko ntibyumvikana ukuntu umu DASSO yarari gusenya inzu naho yari yubatswe muburyo butemewe n amategeko ntabwo ariwe wagombaga kuyisenya, hari inzego bikwiye kunyuramo, ndetse byaba ngombwa igasenywa nanyirayo, yakwanga akabihanirwa kuko ntawe unanira amategeko.police dukunda cyane muri abana b igihugu, abanyabyaha ni abavandimwe banyu kandi baragororwa bakagirira akamaro igihugu, mukoreshe uburwo butabatwara ubuzima mugihe mubarinze bategereje ubutabera. Murakoze turabakunda, kandi twubaha inshingano mufite zogusigasira umutekano w abanyarwanda.

Nini Kuya 20-04-2017

Nubwo ukuri kuzi Imana. Ariko Umuntu nkuho atarashwe DASSO bazimara. ahubwo bagashyizeho nitegeko rikomeye rirengera ururwego kukobakora imirimoikomeye kdi ntabikoresho bafite. ikindi police yacu yakoze kinyamwuga. Thx

Aka Agasaro Kuya 20-04-2017

Automatic ubwo urumva ibyo uvuga!Umwicanyi utemana amwirutseho se nawe akamugarika!Ntanimpamvu yo kumwirukaho rwose,Kuko aba afite imbunda ntampamvu yo kugirango amureke atoroke agende noneho amare abantu..Kdi isasu ntirireba aho rikubita ntamaso rigira,So tuge twubaha abashinzwe umutekano kuko niko kazi kabo nkuko undi wese abyuka ajya kukazi.Congs kuba atamucitse kabisa

jean hagenimana Kuya 20-04-2017

Ntago twakwishimira ko uwakoze icyaha yaraswe ndetse akanapfa ! Ariko nanone niba yari yakoze icyaha gikomeye kuriya cyo gutema umuntu noneho umuntu wari uri mu gikorwa cyo yari yatumwemo na leta nta gitangaje kuba yaraswa . yahungaga ubutabera ikigaragara nta yandi magitamo umupolice yari afite . ahubwo icyo navuga n’uko abantu baba bakwiye gufatira urugero kuri uyu niba wakoze icyaha uba ugomba kwemera n’ibihano aho gutoroka ubutabera.

KABILA Kuya 20-04-2017

njye mbona ibyo kurasa,uriya musore aramakosa akomeye police yakoze.kandi imaze kubigira akamenyero kurasa abantu ikavuga ko batorokaga.inama nagira police,nuko yajya ibarasa mwibanga.kubishyira kukarubanda byangiza isura ya police.

Assumpta Kuya 20-04-2017

Kuba yaratamemye umuntu wo mu rwego rwa Dasso ubwabyo ni icyaha gikomeye. Kongeraho gushaka gutoroka ku bwanjye bimugira ruharwa ahubwo. Ubwo se yari gusubira muri sosiyete nyarwanda akamara iki??? Uwo mu polisi yakoze icyagombagwa gukorwa muri ako kanya .

Assumpta Kuya 20-04-2017

Kuba yaratamemye umuntu wo mu rwego rwa Dasso ubwabyo ni icyaha gikomeye. Kongeraho gushaka gutoroka ku bwanjye bimugira ruharwa ahubwo. Ubwo se yari gusubira muri sosiyete nyarwanda akamara iki??? Uwo mu polisi yakoze icyagombagwa gukorwa muri ako kanya .

Hakizumuremyi Kuya 20-04-2017

kugerageza gucika Polisi kandi ukurikiranyweho icyaha cyo gutema umuntu, byongeye ushizwe umutekano. jye ndabona nta kindi uyu mupolisi wari ubajyanye ku bwiherero yari gukora uretse kumurasa, kuko yakoze kiriya cyaha cyo gutema umuyobozi w’urwego rwa DASSO . ndumva nta kindi uyu mupolisi yari gukora, Gusa abantu dukwiye kumenya ko Polisi mu gucunga umutekano w’abantu n’ibintu nta kujenjeka iri maso. Ubwo rero abanyabyaha bari muri gereza bakwiye gutegereza bagaca mu nzira zemewe bagategereza kuburana aho gushaka gutoroka. Gusa nihanganishije umuryango wa nyakwigendera munyacyaha.

Claudine Kuya 20-04-2017

Ibyo bakoze nibyo abanyarwanda bagize kwica ikintu gisanzwe ahubwo baturasire n’abajura ruharwa badatuma dusinzira

Mutoni Kuya 20-04-2017

Ariko jyewe ndumva uyu Mugabo agomba kuba yashatse gutoroka kuko najye nigeze gufungirwa kuri iyo station ya police ariko bafashe neza bakurikiza bubahiriza bwamuntu pee.

Umutoni Kuya 20-04-2017

Ariko jyewe ndumva uyu Mugabo agomba kuba yashatse gutoroka kuko najye nigeze gufungirwa kuri iyo station ya police ariko bafashe neza bakurikiza bubahiriza bwamuntu pee.

rutareka Kuya 20-04-2017

wowe iyo uvuga ngo ntibagahubuke nibyo utekereza ariko ahubwo wakabaye uvuga ngo uwakoze icyaha ajye akemera ,niba gihanirwa yemere no kugihanirwa ubu se iyo amucika haba hibazwa ibiki ? ese afite imbunda ngo imufashe iki ? kuki twese se tutazigira ,mujye mugabanya gufana cyane no gushukana ,murakoze

kagabo Kuya 20-04-2017

Ndashima polisi y’urwanda cyane uwo mupolisi wakoze icyo gikorwa ,n’abandi barebereho ntamuntu ukwiye gutema undi kuriya noneho urwego rushinzwe umutekano.

Frederic Kuya 20-04-2017

kumurasa niwo muti rwose, uwicisha inkota nawe niyo agomba kuzira, kutamurasa byaba ari ugushyigikira ikibi, Eliya yishe abahanuzi ba Baar kuko yari umukozi w’Imana, abagizi ba nabi bagomba gukurwa muri societe.

touch Kuya 20-04-2017

Utemye umuntu ntabumuntu nawe abagifite ahubwo umuntu ukoze icyaha nkicyo nawe akwiye gupfa!

touch Kuya 20-04-2017

Utemye umuntu ntabumuntu nawe abagifite ahubwo umuntu ukoze icyaha nkicyo nawe akwiye gupfa!

gakwaya Kuya 20-04-2017

ibyo birarenze pe kuko kumurasa aho ahita apfa ntago aricyo gisubizo, police ikorera rusizi ntago arabanyamwuga kbsa

Emmy Kuya 20-04-2017

Jyewe ndumva umuti atari ukurasa mukico niba yaratorotse kumurasa akaguru ntiyabasha kwiruka aho kumwica kbsa

Nicole Kuya 20-04-2017

Reka bamurase we automatic we se ko yatemye uwo yatemye we se sumuntu ???? byiza cyane utemye wese bage banamurasa iyo ngeso igomba gucika yo gutema .

Jesus Kuya 20-04-2017

Kuki Afande Avuga Ngo Nta Bundi Buryo,kuki Nta Perereza Rikorwa Kugirango Ukuri Kugaragare,ibyo Police Ya Rusizi Yamubwiye Ubwo Sibyo Yahise Afata Nkukuri?Bagabanye Kurasa Mu Kico Nlko Mbyumva,

Automatic Kuya 20-04-2017

Nonese abo ba police umuti nukurasa gusa ntago bazi kwiruka inyuma yumuntu uri gutoroka kereka nimba kuriyo station hakorera uwo mu police gusa kuburyo atari kumwiruka inyuma ngo asige abo bandi bafunze...ibyo nubuswa cyane mukazi harimo nubunebwe umuti sukurasa...se nkubwo iyo arasa rigafata undi muntu nkumwana cg undi mubyeyi....bamwe muba police ntibagahubuke mugufata ibyemezo.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...