konka coffee
KONKA

AMAKURU

UKWEZI

Undi muturage w’i Kigali yishwe n’ingona yamuririye kuri Nyabarongo

Undi muturage w’i Kigali yishwe n’ingona yamuririye kuri Nyabarongo
12-08-2017 saa 10:21' | By Chief Editor | Yasomwe n'abantu 12472 | Ibitekerezo 5

Mu masaha ya mugitondo cyo kuri uyu wa Gatandatu tariki 12 Kanama 2017, umuturage wo mu karere ka Nyarugenge mu mujyi wa Kigali yishwe ariwe n’ingona ubwo yari agiye kuvoma mu gishanga cya Nyabarongo, ibi bikaba bibaye nyuma y’iminsi micye undi nawe yishwe n’ingona muri aka gace, ibintu ubuyobozi buvuga ko bwahagurukiye ngo bifatirwe ingamba zihamye.

Uwariwe n’ingona ni umugabo witwa TUGIRIMANA Jean Pierre, ingona ikaba yamujyanye yagiye gushaka amazi muri Nyabarongo. Uyu muturage yari atuye mu kagari ka KAVUMU mu mudugudu wa AYABATANGA.wo mu murenge wa Mageragere mu karere ka Nyarugenge mu mujyi wa Kigali.

Ntirushwa Christophe, umunyamabanga Nshingwabikorwa w’Umurenge wa Mageragere, yemeje iby’aya makuru mu kiganiro yagiranye n’Ikinyamakuru Ukwezi.com. Yadutangarije ko uyu muturage yariwe n’ingona mu masaha ya saa kumi n’ebyiri za mu gitondo, bakaba bababajwe n’urupfu rwe ariko bakaba barimo gushaka ingamba ziyamye.

Yagize ati: "Ingamba ni ukubegereza amazi meza, twarabitangiye turimo kubaha amazi n’ubu hari ivomero rizarangira vuba, hari n’andi mavomero arimo yubakwa ndetse hari na gahunda ya WASAC igamije kubaha amazi ahagije kuburyo batazongera kuribwa n’ingona bagiye gushaka amazi muri Nyabarongo."

Tariki 23 Nyakanga 2017, nibwo umubyeyi witwaga Nyirampakaniye Sperata w’imyaka 54 wari utuye mu Murenge wa Mageragere mu Karere ka Nyarugenge, nawe yishwe n’ingona ari mu masaha ya mu gitondo, ubwo nawe yari agiye gushaka amazi muri iki gishanga cy’uruzi rwa Nyabarongo.

N’ubwo ubuyobozi bukomeza kwegereza aba baturage amazi meza, hari bamwe mu baturage bataragerwaho n’amazi banga kujya ahamaze kugera amavomero bagahitamo kujya kuri Nyabarongo baba babona ari hafi yabo, bakirengagiza ko bashobora kuhahurira n’ibyago byo kuribwa n’ingona. Ubuyobizi ariko buvuga ko bufite gahunda yo kugeza amazi ku baturage bose baturiye Nyabarongo kuburyo buri wese azajya avoma hafi kandi akavoma amazi meza atangombye kujya kuri Nyabarongo.


INKURU ZA :
Tanga Igitekerezo
Ibitekerezo 5
Gady Habimana Kuya 17-08-2017

Iyo ngona irikurya abaturage,abashizwe umutekano babivuga hiki?iyo ngona iruta umuturage?bayishe ?ntikomeze kurya abanyarwanda.

Mudaheranwa Kuya 15-08-2017

Iryo kwirakwizwa ryamazi niryihutishwe kdi bihanangirizwe ninzego zibishinzwe bareke gukomeza kwiyahura kuko rwose birababaje kdi ababuze ababo bakomeze bihangane

ariyeri Kuya 14-08-2017

bihangane,retanirebeukoizongonabazikuramo

nsinzimanafrank Kuya 14-08-2017

barebeukuntubakuramoizongona

kaka Kuya 12-08-2017

birababaje!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...