konka coffee
KONKA

AMAKURU

UKWEZI

Muri gereza ya Kimironko hari imyigaragambyo ikaze, amabuye aravuza ubuhuha

Muri gereza ya Kimironko hari imyigaragambyo ikaze, amabuye aravuza ubuhuha
3-04-2017 saa 09:55' | By Chief Editor | Yasomwe n'abantu 25782 | Ibitekerezo 5

Guhera mu masaha ya saa tatu za mugitondo cyo kuri uyu wa Mbere tariki 3 Mata 2017, abagororwa bafungiwe muri gereza ya Kimironko mu karere ka Gasabo mu mujyi wa Kigali, bazindutse bigaragambya batera amabuye abayobozi b’iyi gereza kimwe n’abaturage bari hafi y’iyi gereza n’abacaga iruhande rwayo, bakigaragambya bavuga ko ubuyobozi bw’iyi gereza bubeshya ko bafashijwe kandi bitandukanye n’ukuri

Amakuru yizewe agera ku kinyamakuru Ukwezi.com, ashimangira ko aba bagororwa bafashe icyemezo cyo kwigaragambya nyuma y’uko iyi gereza ifashwe n’inkongi y’umuriro mu cyumweru gishize, hanyuma bakaza kumva amakuru ko ubuyobozi bwa gereza bwatangaje ko amahema 3 gusa ari yo yahiye kandi ngo harahiye menshi, ikindi ngo ubuyobozi bukaba bwaratangaje ko abagororwa bose barara mu mahema kuko bahawe imfashanyo kandi benshi barara hanze.

Umwe mu batangabuhamya tutashatse gutangaza amazina, yatangarije Ikinyamakuru Ukwezi.com ko ibiro by’abayobozi b’iyi gereza byibasiwe cyane n’aba bagororwa babiteyeho amabuye menshi, andi bakayatera hanze kuburyo abaturage bacaga hafi aho yanabakomerekeje. Ibi binemezwa kandi n’abaturage baturiye iyi gereza baganiriye n’ikinyamakuru Ukwezi.com.

CIP Sengabo Hillary, umuvugizi w’amagereza mu Rwanda, na we yemereye ikinyamakuru Ukwezi.com ko iyi myigaragambyo irimo kuba ariko agaragaza ko barimo gushaka uko bayihosha. Yagize ati: "Turimo kubihosha ntabwo biri ku rwego rwo hejuru. Impamvu bigaragambya ntabwo ari ukuvuga ngo ni ibintu twatangaje, ahubwo buriya abagororwa haba harimo abantu bafite imyitwarire idahwitse (indiscipline) bahera ku bintu nk’ibyo byabaye ubundi kamere bari basanganywe zikabyuka. Kuko nta n’ubwo ari bose barimo kwigaragambya, ni igice gitoya cya bamwe usanga n’ubundi baba basanzwe bafite imyitwarire mibi. Kuwa Gatandatu twatanze ibikoresho, twatanze amahema, twatanze uburingiti, dutanga amasahane, ubwo urumva mu by’ukuri iyo ntabwo yakabaye ari impamvu yatuma bigaragambya, ahubwo ni aba indiscipline baba barimo basanzwemo... Icyo turi bukore, ni uko abo bigaragambya tubatega amatwi tukumva ikibazo bafite ariko tunababuze kuba bagira ibyo bonona."


Tanga Igitekerezo
Ibitekerezo 5
gusubiza ndumunyarwanda Kuya 15-04-2017

wowe wiyise ndumunyarwanda reka nkubwire none nibo ejo niwowe icyindi reka nkubaze, urireba ukabona uruta abandi reba benewanyu bari kwangara amahanga abandi bakagwayo urumva ubarusha ubutoni! ntiharimwose abakurusha ubuhanganjyera!! umva vuguziga nimwene runwangari kandi ngo utazi rubanda nimwene bucyana ayandi.

jek Kuya 6-04-2017

sigaho gutukana kuko nawe wajyayo!!!umugabo bwa aseka imbohe

Soso solange Kuya 4-04-2017

Umva shuti gutukana siwo muti kd ntampamvu yokubajyana mwishyamba kko atarinyamaswa nabantu nkabandi buriya bafite icyabibateye ubuyobozi bubegere babikemure ubundi suzongere gutukana gutyo kd abariyo Bose siko bakoze ibyaha bikomeye kd harimo nabazira ubusa ubimenye bakiburana wibatuka rero numuco mubi kd nawe ushobora gufungwa ukabasanga

ndumunyarwanda Kuya 4-04-2017

ibibintu biteyagahinda kenshicyane kumvako byabereye mulikigihugu, inzegozacu zarizizewe namahangayose noneziradusebeje pe, this is a high failure. Izamarere rwoseturabingize basazabacu nimusubirane umwimererewanyu wintajenjeka zintarumikwa nogukunda igihugu murekekuregeza dorebasigaye barabaciyamazi, mureke kumvirabazungu ngomurabashimisha bitwaza ibyuburenganzira bwamuntu, nihahandi ntibanyurwa barashaka kubamburigihugu bagisubize inkoramaraso. izimbwazimaze guhagimisoro yacu none ngwimyigaragambyo, uyunumwijuto wuzuyivogonyo, nibakubite kasiya bazikosore dore zimazekurengwa wasangalinabo bamazimisi batwika gereza. Kiliyakigo gishinzwimfungwa kirananiwepe, nibagihe minadef nibobagishobora, agahinda kajyakanyica iyombonye abasurveillants baherekejimfungwa kwamuganga cg munkiko ukabonabasinze cg bicaranyimbunda barikuisinziraho, niyubasuye usanga barabayincuti na complicité hagatiyabo basangiramanyanga, niyowamuha ruswa yigihumbi yagukorericyushaka, nimuikubitagashyi ngabozacu. hagataho kimironko twarayetwicaye kuberubwoba, nimugirevuba mudukurireho izongegera muzijyane butamwa muzikure mubantu, kandibibintu bibahisomo gereza mujyemuzishyira kureyama quartiers atuwe nabantu, mubikore nkakuliya kwiwawa cg mubajyane mubirunga cg hagati muli nyungwe

fkaaa Kuya 3-04-2017

rega naho turihangana pee kko abayobozi nokunesya ibibazo dufite biratumaze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA