konka coffee
KONKA

AMAKURU

UKWEZI

Polisi y’u Rwanda yatanze ibisobanuro ku irasana ry’abapolisi ryabereye i Musanze

Polisi y’u Rwanda yatanze ibisobanuro ku irasana ry’abapolisi ryabereye i Musanze
5-05-2016 saa 07:47' | By Chief Editor | Yasomwe n'abantu 4586 | Ibitekerezo 3

Umupolisi wo mu murenge wa Busogo mu karere ka Musanze mu Ntara y’Amajyaruguru, yarashe komanda we aramwica nawe baramurasa arapfa, impamvu yaba yabaye intandaro yo kurasana ikaba itaramenyekana, gusa mbere byabanje kuvugwa ko uwarashe ari nawe waje guhindukira akirasa ariko Polisi ibi yabinyomoje..

Umuyobozi w’akarere ka Musanze; Musabyimana Jean Claude yemeje iby’aya makuru bikimara kuba, atangariza Ikinyamakuru Ukwezi.com ko icyo yabashije kumenya ari uko umupolisi wo mu murenge wa Busogo yarashe komanda (commander) wa sitasiyo ya Polisi, hanyuma amaze kumwica nawe ahita yirasa arapfa, ariko ibyo kwirasa byo Polisi yamaze kubihakana ivuga ko yarashwe n’abandi bapolisi bagenzi be.

Ku gicamunsi cyo kuri uyu wa Kane kandi, nibwo Polisi y’u Rwanda yifuje gutanga ibisobanuro ku iraswa ry’uyu mupolisi ryabaye mu ma saa moya n’igice za mugitondo mu murenge wa Busogo wo mu karere ka Musanze.

Nk’uko bigaragara mu itangazo ryashyizwe hanze n’umuvugizi wa Polisi y’u Rwanda, ACP Celestin TWAHIRWA, rivuga ko Assistant Inspector of Police (AIP) Richard Kabandize, wakoreraga kuri sitasiyo ya Polisi ya Busogo yarashe Chief Inspector of Police (CIP) Jean Bosco Mugabo wari umuyobozi y’iyo sitasiyo agahita apfa.

Uyu muvugizi akomeza avuga ko AIP Kabandize amaze kwica umuyobozi we, yinjiye mu nzu ya sitasiyo maze yikingiranamo kandi akomeza kurasa ari nabwo yakomeretsaga Sergeant (Sgt) Bigirabagabo Gilbert.

Muri uko kurasa kwe, ngo abandi bapolisi batabaye maze mu gihe yarasaga nawe baramurasa ahasiga ubuzima, nyuma y’ibyo Polisi y’u Rwanda ikaba yashyizeho itsinda ry’abapolisi rikora iperereza ngo hamenyekane ukuri ku byabaye.


INKURU ZA :
Tanga Igitekerezo
Ibitekerezo 3
gogo Kuya 7-05-2016

cg yaragiye gutoroka kd yambaye amapingu!!!

Karuranga Kuya 7-05-2016

Imana ikomeze abasigaye

Hakorwe iperereza ryimbitse kugirango bitazasubira

jeyjey Kuya 6-05-2016

Barebeneza wasanga ariryaterabwoba
Imyemerere ishingiye ku madini.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...