konka coffee
KONKA

AMAKURU

UKWEZI

Umuzunguzayi wiciwe Nyabugogo yahagurukije abayobozi, abazunguzayi basuka amarira

Umuzunguzayi wiciwe Nyabugogo yahagurukije abayobozi, abazunguzayi basuka amarira
10-05-2016 saa 14:37' | By Chief Editor | Yasomwe n'abantu 6901 | Ibitekerezo 10

Nyuma y’uko umugore w’umuzunguzayi witwaga Uwamahoro Theodosie yiciwe muri gare ya Nyabugogo kuwa Gatandatu tariki 7 Gicurasi 2016 yishwe n’umwe mu bashinzwe isuku mu karere ka Nyarugenge ari nabo barwanyaga abazunguzayi n’abacuruza ku gataro, iki kibazo cyahagurukije inzego z’ubuyobozi bukuru bw’igihugu.

Mu itangazo ryashyizwe ahagaragara n’ubuyobozi bw’akarere ka Nyarugenge mu gitondo cyo kuri uyu wa Kabiri tariki 10 Gicurasi 2016, batangaje ko nyuma yo kubona ko ubucuruzi butemewe bukorwa mu kajagari bumaze gufata intera muri aka Karere cyane cyane muri Nyabugogo ari nabyo byabaye intandaro y’urupfu rw’uwo muzunguzayi, ubuyobozi bwabihagurukiye bukiyemeza gushaka umuti uhamye.

Umuyobozi w’akarere ka Nyarugenge, ni umwe mu baganiriye n’abazunguzayi

Guhera ku isaha ya saa cyenda zo kuri uyu Kabiri, ubuyobozi bw’Akarere ka Nyarugenge bufatanyije na Minisiteri y’uburinganire n’iterambere ry’umuryango (MIGEPROF) ndetse n’Inama y’igihugu y’abagore, bakoranye inama n’abakora ubucuruzi bwo mu muhanda butemewe (abazunguzayi) kugirango barebere hamwe icyakorwa kugira ngo bave mu muhanda, bacuruze mu buryo bwemewe, biteze imbere banateze imbere igihugu cyabo. Iyi nama yabereye Nyabugogo aho bakunda kwita kuri Marato

Abazunguzayi bitabiriye inama ari benshi, bigaragaza ko kubakura mu muhanda badashakiwe aho bajya byagorana

Uretse aba bayobozi, hari n’izindi nzego zirimo ubuyobozi bwa Polisi n’igisirikare muri Nyarugenge, iyi nama bakaba bayigiranye n’abazunguzayi bo mu mirenge ya Muhima, Gitega na Kimisagara kugirango barebere hamwe icyakorwa kugira ngo bave mu muhanda.

Mbere yo gukora inama, abazunguzayi b’imirenge ya Kimisagara, Muhima na Gitega babanje gucinya akadiho

REBA VIDEO HANO ABAZUNGUZAYI BACINYA AKADIHO:

Muri ibi biganiro, abazunguzayi bari baje bishimye cyane bagaragaza ko bafite icyizere cyo kubona igisubizo muri iyi nama. Bahawe umwanya ngo babaze ibibazo, abenshi muri bo bakaba babazaga bagaragaza amarira n’agahinda. Bavuze uburyo bamwe mu babyeyi bakora ubu bucuruzi bafatwa bagafungwa bakagaruka abana babo baravuye mu ishuri, barabaye ibirara naho ab’abakobwa barabaye indaya, bagaragaza uburyo bagenerwa inkunga zikaribwa na bamwe mu bayobozi bakabarengeye, muri rusange berekanye ko babaho mu buzima bubi kandi bakaba bagerageza kwibumbira mu makoperative, bakamburwa na bamwe mu bayobozi b’inzego z’ibanze. Bamwe muri aba, byabarengaga bagasuka amarira kubera ikiniga.

Uyu ni Judith Kazayire; umuyobozi w’umujyi wa Kigali wungirije ushinzwe imibereho myiza y’abaturage

Nyuma y’iyi nama, abayobozi bose bari barangajwe imbere na Minisitiri Dr Diane Gashumba, banzuye ko aba bazunguzayi bagiye kwiyandikisha mu mirenge yabo, hanyuma ubuyobozi bw’akarere ka Nyarugenge, Minisiteri n’izindi nzego, bakazahura bakabereka icyo bakora n’uburyo baziteza imbere. Gusa muri rusange, abaganiriye n’ikinyamakuru Ukwezi.com bashimangiye ko batanyuzwe, kuko batizeye neza ko ibyo bijejwe bizashyirwa mu bikorwa.

Dr Diane Gashumba; Minisitiri w’uburinganire n’iterambere ry’umuryango

Gusa kimwe mu byo aba bazunguzayi bishimiye, harimo kuba Lt Col Frank Mutembe ukuriye ingabo mu karere ka Nyarugenge, yabijeje ko nta muntu uzongera guhutazwa ngo bigere aho yakwicwa bitewe n’uko acururiza mu muhanda. Yababwiye kandi ko abakozi b’akarere bajyaga babirukankana batazongera na rimwe kubikora, kuko byagaragaye ko babikora nabi babahutaza kugera n’ubwo babica.


INKURU ZA :
Tanga Igitekerezo
Ibitekerezo 10
DELA Kuya 7-10-2017

ARIKO SE IBI NI IBIKI NIMUBAREKE BACURUZE

DELA Kuya 7-10-2017

ARIKO SE IBI NI IBIKI NIMUBAREKE BACURUZE

ndayambaje vedaste Kuya 11-05-2016

imana nihagarike amaraso yinzirakarengane ko muminsi mbona bitagikwiye koko igihugu gifitamahoro nku rwanda umuntagapfa kubera ko yacuruje birababaje pe !..

nsacmahoro bonel Kuya 11-05-2016

abobazunguzayi babahe ahobakorera bakurakavuyo mumuhanda

Felix Sibomana Kuya 10-05-2016

Aha Ark Mana Koko Umuntu Arapfuye Birarangiye Pee Sha,gusa Batubabarire Bazazane Bariya Bicanyi Urubanza Rwabo Ruzabere Kukarubanda Ahobakoreye Icyaha Gusa Twizereko Bitazarangirira Muribyabindi Twamenyereye Ngo Ubwotwabimenye Tugiye Kubikemura Oya Ark Se Mbibarize Buriya Nkabariya Bagore Babyinaga Kd Mugenzi Wabo Yapfuye Buriya Bonibazima Ahaa Abagorewe Sha Gusa Uyumuyobozi Atangiranye Umwaku Kbs

Felix Sibomana Kuya 10-05-2016

Aha Ark Mana Koko Umuntu Arapfuye Birarangiye Pee Sha,gusa Batubabarire Bazazane Bariya Bicanyi Urubanza Rwabo Ruzabere Kukarubanda Ahobakoreye Icyaha Gusa Twizereko Bitazarangirira Muribyabindi Twamenyereye Ngo Ubwotwabimenye Tugiye Kubikemura Oya Ark Se Mbibarize Buriya Nkabariya Bagore Babyinaga Kd Mugenzi Wabo Yapfuye Buriya Bonibazima Ahaa Abagorewe Sha Gusa Uyumuyobozi Atangiranye Umwaku Kbs

manzi Kuya 10-05-2016

ahahhaha arko politiki ninziza kweri
umuntu arapfuye ngo namuntu uzongera kubakoraho...
muzaba mumbwira hazagire uwibesha se yibonere ibi mubaho

xxxxx Kuya 10-05-2016

Nibyo rwose nibakijyire umuti kuko ntagihugu nakimwe waburamu abazunguzayi. .ikwezi.com dukenewe uwumwanzuro muze kuwuduha kuko ndabona namafoto gusa umwanzuro ntawo. Kdi umuryango wanyakwijyendera ugume wihangane

albert simbankabo Kuya 10-05-2016

Ubuyozi nibufashe abobantu bakora ubwobucurizi kubona ahobakorera kuko usanga biteza akajagali kdi nabo baba bashaka imibereho nababisuzumana ubushishozi kuko bimaze igihe

-xxxx- Kuya 10-05-2016

Ubuyobozi bwigihugu bukwiye kumva ibyo abo badamu bakora bukabiha agaciro kuko nizibika zari amagi kandi barerera nigihugu cyacu ,ntitukabateshe agaciro kuko ibyo bazunguza bitunze imiryango yabo.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...