konka coffee
KONKA

AMAKURU

UKWEZI

AMAFOTO: Ishusho y’uruzinduko rwa Perezida Kagame muri Djibouti ahari ababyinnyi bamunyuze

AMAFOTO: Ishusho y’uruzinduko rwa Perezida Kagame muri Djibouti ahari ababyinnyi bamunyuze
19-04-2017 saa 10:29' | By Chief Editor | Yasomwe n'abantu 9332 | Ibitekerezo 1

Kuri uyu wa Kabiri tariki 18 Mata 2017, Perezida Kagame na Madamu Jeannette Kagame bageze muri Djibouti, mu ruzinduko rw’iminsi ibiri rugamije kurushaho kunoza umubano w’ibihugu byombi bisanzwe bifitanye ubucuti bugaragara. Muri uru ruzinduko, ibuhugu byombi byongeye gusinyana amasezerano y’ubufatanye ndetse Perezida Kagame yanyuzwe n’umuco wo muri iki gihugu anashimishwa n’ababyinnyi baho.

Ku munsi we wa mbere w’uru ruzinduko, Perezida Kagame yakiriwe mu biro bya Perezida Ismael Omar Guelleh uyobora Djibouti, bagirana ibiganiro ku bijyanye n’ubufatanye n’ubuhahirane bw’ibihugu byombi. Perezida Kagame yavuze ko ibihugu byombi bifitanye umubano mwiza, kandi ko ubufatanye bwabyo buzakomeza guteza imbere ibihugu ubwabyo, akarere n’umugabane wa Afurika. Nyuma abakuru b’ibihugu byombi bagiranye ikiganiro n’abanyamakuru aho basobanuye byinshi ku bufatanye bw’ibihugu byombi.

Perezida Kagame na Madamu Jeannette Kagame bakiranywe urugwiro muri Djibouti

Mu masaha y’umugoroba, Perezida Kagame na Madamu Jeannette Kagame bakiriwe aho bafatiye ifunguro hamwe n’umuryango wa Perezida Ismael Omar Guelleh wa Djibouti ndetse n’abagize Guverinoma y’iki gihugu. Muri ibi birori, Perezida Kagame mu ijambo rye nibwo yagaragaje ko yakunze iki gihugu, umuco wacyo n’ababyinnyi babataramiye.

Perezida Kagame ati: "Njyewe na Madamu tubashimiye urugwiro mwatwakiranye muri iki gihugu cyanyu cyiza... Hari ibintu byinshi birimo kuba biganisha ku mpinduka iboneye umugabane wacu, ndabashimira uruhare rwanyu. Umubano w’ibihugu byacu byombi ntuzatanga umusaruro gusa ku bihugu byacu, ahubwo no mu karere ndetse n’umugabane wacu... Mu gusoza, ndagirango nshimire ababyinnyi banyu b’igitangaza, ni ikimenyetso cy’umuco mwiza dusangiye nk’akarere..."

Perezida Kagame yakomeje uruzinduko rwe muri Djibouti kuri uyu Gatatu tariki 19 Mata 2017 ari nawo munsi we wa nyuma w’uruzinduko rwe muri iki gihugu, akaba mu masaha ya mugitondo yagejeje ijambo ku bagize Inteko Ishinga Amategeko, abagaragariza ishusho y’ubufatanye bw’ibihugu byombi.

U Rwanda na Djibouti bisanzwe ari ibihugu bifitanye umubano mwiza kuko byagiye bigabirana impano z’ubutaka. Ku ruhande rw’u Rwanda, mu mwaka ushize rwahaye Djibouti ubutaka bungana na hegitari 10 mu gice cyagenewe inganda (Special Economic Zone), ndetse amasezerano yo gutanga ubwo butaka yashyizweho umukono muri Village Urugwiro, hagati y’ikigo gishizwe iterambere mu Rwanda (RDB) n’Ikigo gishizwe ibyambu muri Djibouti, tariki 5 Werurwe 2016. Mbere y’imyaka ibiri, mu mwaka wa 2013, Djibouti nayo yari yahaye u Rwanda hegitari 20 z’ubutaka ku cyambu cya Djibouti.

SOMA INKURU BIJYANYE HANO: Ibintu 10 bitangaje kuri Djibouti, igihugu Perezida Kagame na Madamu bagiriyemo uruzinduko

Perezida Kagame yakiriwe mu biro bya Perezida wa Djibouti, nyuma bombi bagirana ikiganiro n’abanyamakuru

Ibihugu byombi byasinyanye amasezerano y’ubufatanye

Mu birori binogeye ijisho Perezida Kagame na Madamu bakiriwemo, umukuru w’igihugu cy’u Rwanda yanyuzwe n’ababyinnyi baho b’igitangaza


INKURU ZA :
Tanga Igitekerezo
Ibitekerezo 1
Bukuru Prosper Kuya 21-04-2017

Mu Rwanda nki igihugu cya Africa aho rugeze harashimishije nubwo hakiho ibibazo bitandukanye,ibyo byatewe no kubahiriza amategeko agenga igihugu kimwe namabwiriza agenga umulimo,ibyo byombi iyo bibuze mugihugu,igihugu kiba gifuye,ntacyakorwa namba.Usanga ahandi muli Africa ibyo byombi byarapfuye kera,kandi ubwo nibwo buyobozi buhamye,nibyo ni Iburaya na America bakoresha,ntakindi baturusha usibye kubahisha amategeko namabwiriza munzego zose.mu Rwanda rero ibyo birahari cyane ni nka 90%,ugereranije nibindi bihugu bya Africa duturanye.Ikindi u Rwanda rurwanya ni ruswa,indwara imunga ubutegetsi bugashira burundu,icyo u Rwanda rurakirwanya ruvuyinyuma,tworuha amanuta menshi cyane,cyane.Murakozr

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...