konka coffee
KONKA

AMAKURU

UKWEZI

AMAFOTO: Kagame yaraye abyinana intsinzi n’abamushyigikiye, byari ibirori bidasanzwe

AMAFOTO: Kagame yaraye abyinana intsinzi n’abamushyigikiye, byari ibirori bidasanzwe
5-08-2017 saa 02:29' | By Vincent Nsengiyumva | Yasomwe n'abantu 20727 | Ibitekerezo 6

Mu masaha ya saba z’ijoro ryo kuri uyu wa Gatanu tariki 4 rishyira kuwa Gatandatu tariki 5 Kanama 2017, nibwo Perezida Paul Kagame yageze ku nyubako y’umuryango RPF iri mu murenge wa Rusororo mu mujyi wa Kigali mu gufatanya n’imbaga y’Abanyarwanda bari baje mu birori byo kwishimira intsinzi ye. Ibyishimo byari byose ku bihumbi byaje kwifatanya nawe mu kwishimira intsinzi idasanzwe yegukanye nk’uko bigaragazwa n’imibare y’agateganyo

Ubwo Komisiyo y’igihugu y’Amatora yamaraga gutangaza by’agateganyo 74 % by’amajwi y’abahataniraga umwanya w’umukuru w’igihugu amaze kubarurwa, ibyishimo byasaze abari bateraniye ku cyicaro cya FPR Inkotanyi bamaze kubona ko Paul Kagame bari bashyigikiye yegukanye intsinzi ku kigero kidasanzwe, aho yagize 98,66% mu gihe Mpayimana Phillipe na Dr Frank Habineza bari bahanganye babonye ibice, nk’uko iyo 74% by’amajwi yari amaze kubarurwa yabigaragazaga.

Akigera imbere y’imbaga yari yishimiye intsinzi ya FPR Inkotanyi, Perezida Kagame yabanje gushimira byimazeyo abantu bose bamufashije mu gikorwa cyo kwamamaza no mu gikorwa cy’amatora yamaze kurangira yegukanye intsinzi ku majwi yo hejuru.

Yagize ati “FPR Inkotanyi yamaze gutsinda amatora. Ndashimira cyane abayobozi, abayoboke, intore z’umuryango wa FPR Inkotanyi ndabashimiye cyane cyane. Intsinzi ni iyanyu, ni amateka asanzwe ya FPR Inkotanyi ihangana n’ibibazo ariko tukaba dukomeza gutera imbere[…] Nashimiye abayobozi, nashimiye abayoboke ndetse n’abandi banyarwanda bose twafatanyije. Hari imitwe yindi ya politike 8 twamamaje hamwe ndabashimiye, ndetse n’abandi bo mu mitwe 2 ya Politike bagiye muri aya matora nabo ndabashimiye ko bagerageje.”

Umukuru w’igihugu kandi yanashimiye umuryango we wamubaye hafi mu bikorwa byo kwiyamamaza kuva mu ntangiriro zabyo kugeza ku munsi wa nyuma bakiri kumwe, aho yanibukije imbaga yari imukurikiye ko umuryango we nawo ari Inkotanyi. Yagize ati “Ntabwo nakibagirwa gushimira umuryango wanjye nawo ni Inkotanyi, ni abana b’inkotanyi muri iyo nzira barimo. Nabo bakoze akazi gakomeye.”

Perezida Kagame yanashimiye cyane abikorera ku giti cyabo avuga ko batanze umusanzu ukomeye mu bikorwa byo kwiyamamaza ndetse n’iby’amatora ku buryo batumye bigenda neza cyane. Ati “Ndashimira abikorera batanze umusanzu munini watumye amatora ashoboka akagenda neza. Ntabwo twigeze tubura amikoro kubera bo.”

Yunzemo ati: “Ndagira ngo nshimire cyane abasore n’inkumi bateguye ibikorwa byose kuva aho byatangiriye kugeza n’uyu munsi. Babiteguye neza, ibintu byose babishyira ku murongo abantu baranyurwa. Ku mitegurire ntacyo umuntu yabanenga mwakoze akazi gakomeye.”

Umukuru w’igihugu kandi yanashimiye akazi gakomeye abahanzi n’abanyamakuru bakoze kuko ngo nabo bagendanye na FPR Inkotanyi yiyamamaza kuva ku ntangiriro kugeza ku musozo w’ibikorwa.

Yagize ati “Ntabwo nakibagirwa gushimira abahanzi batubaye hafi, ahari hakonje bakatumara imbeho, ahari hashyushye bakarushaho kuhashyushya cyane. Ndashimira kandi abanyamakuru baba abandika n’abafotora bakoze akazi gakomeye ku buryo ibyabaga byose byahitaga bigera ku isi hose.”

Umukuru w’igihugu kandi yanagarutse ku banyamahanga bagiye bavuga byinshi nyuma y’uko abanyarwanda bisabiye ko referandum yahindurwa bakamutangaho umukandida, avuga ko biboneye ukuri n’amatora ataraba kuko abanyarwanda berekanye ko aribo babyisabiye mu gihe cy’ibikorwa byo kwiyamamaza.

DORE UKO BYARI BYIFASHE MU MAFOTO:

PHOTO; KIGALI TODAY


INKURU ZA :
Tanga Igitekerezo
Ibitekerezo 6
FRANK Kuya 8-08-2017

imyaka irindwi dukomezimihigo dutuje dutekanye,hamwe numugabo, turikumwe hakiyamungu,

-xxxx- Kuya 8-08-2017

NUWACYU

momo Kuya 6-08-2017

MUZEHE wacu turagukunda twahisemo neza abo bitanezeza baziyahure ntawundi twakunganya nawe muri iyi si Nyagasani akomeze kukuturindira ukomeze uteze imbere abanyarwanda mubumwe no mubwisanzure

Magorwa Kuya 5-08-2017

Congs Muzehe wacu, abanyarwanda turagukunda tutitaye ku nkuru ziri gutambuka hirya no hino muri za Television nko kuri Chaine imwe yacitse ururondogoro mu makuru yayo kuva ejo kugeza uyu munsi aho ma makuru bavuga ngo " Le Tout Puissant Paul Kagame ngo l’homme qui dirige le Pays a la main de fer n’andi mateshwa menshi. Niba ari igitugu twebwe abanyarwanda tukaba aricyo tubona kitunogeye ikindi bashaka ni iki? Ese twicwa urw’agashinyaguro tukaribwa n’imbwa ku mihanda bari hehe? Jyewe ndatanga urugero rumwe nsubiza bariya babebero ( Mabebero ): Mu isi ya Ruhago Neymar ni umwe rukumbi ntawundi, Messi ni umwe ntawundi Messi utari uwo tuzi, CR7 Ronaldo utari gifaru nawe ni umwe, niba rero ejohashize PSG yaratanze akabakaba 250 USD Millions igura Neymar n’uko izi ko ariwe wenyine ntawundi Neymar wujuje ibyo bifuza n’ibyo bagamije, ariya mafaranga yaguzwe Neymar mwari muzi ko ayingayinga ayubatse KIGALI CONVENTION CENTER kubera iki rero? Natwe rero abanyarwanda tuzi neza agaciro ka H.E Paul Kagame niyo mpamvu twamuhundagajeho amajwi kuko he is unique et nous et nous seuls rwandais en savons la juste valeur, naho abavuga igitugu n’akazi kabo bazasakuza baruhe twebwe dusonga imbere maze barangiza ngo "Le Rwanda est un Miracle économique", Un Exemple a suivre none se iyo Miracle nyine yazanywe na nde si uguhitamo kwiza kw’abanyarwanda!!! Yewe ubuze icyo atuka inka ati Dore ibicebe byayo!!! FPR oyeee, muzehe oye wabaya wafe ao wajinyonge!

Nahimana Pierre Kuya 5-08-2017

@ Fidele, wihangane nunanirwa kwahangana wiyahure. Nta kundi, pole sana

Fidele Kuya 5-08-2017

Kwikirigita ugaseka

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...