konka coffee
KONKA

AMAKURU

UKWEZI

AMAFOTO:Perezida Kagame yambitse impeta y’igihango inshuti 9 z’u Rwanda

AMAFOTO:Perezida Kagame yambitse impeta y’igihango inshuti 9 z’u Rwanda
19-11-2017 saa 05:48' | By Akayezu Jean de Dieu | Yasomwe n'abantu 5761 | Ibitekerezo 5

Ku mugoroba wo kuri uyu wa Gatandatu tariki 18 Ugushyingo 2017, Perezida wa Repubulika y’u Rwanda Paul Kagame yambitse impeta y’Igihango bamwe mu bafitanye ubucuti budasanzwe n’u Rwanda ahanini kubw’ibikorwa n’ineza bagiriye u Rwanda ari nabyo barimo kwiturwa kuri uyu munsi. Abambika izi mpeta Perezida Kagame yavuze ko ubu batakiri inshuti ahubwo babaye abanywanyi

Nk’uko biteganywa n’Iteka rya Perezida wa Repubulika rigena imiterere, imitangire n’imenyekanisha ry’Impeta z’Ishimwe. Uretse “Igihango”, izindi mpeta z’ishimwe ni iy’icyubahiro yitwa “Agaciro”, iy’umurimo yitwa “Indashyikirwa”; iy’umuco yitwa “Indangamirwa” hamwe n’iy’ubwitange yitwa "Indengabaganizi".

Abahawe izi mpeta z’igihango ni Hezi Bezalel, Howard Buffett, Gilbert Chagoury, John Dick, Paul Farmer, Alain&Dafroza Gauthier, Linda Melvern ndetse na Joseph Ritchie

Mu ijambo rye Perezida Kagame yavuze ko izi mpeta bahawe zisobanuye byinshi ndetse n’umubano bari bafitanye n’u Rwanda kuri ubu ugiye guhindura isura ukava ku bushuti ukaba ubunywanyi.

Yagize ati “Mu muco Nyarwanda, Igihango cyabaga hagati y’abantu babiri cyangwa se imiryango ibiri, kikabahuza. Igihango ni isezerano rihitwamo ku bushake, rishingiye ku kuri n’ubwitange, ridasaza kandi ridakuka, abafitanye umubano ku buryo busanzwe bitwa ’Inshuti’. Abagiranye Igihango bitwa Abanywanyi kuko baba banywanye. Turanywanye, hari igice cyacu muri mwe, hari n’icyanyu muri twe

Agaruka ku ruhare bagize mu kubaka u Rwanda ari nayo nkomoka yo gushimwa na Leta y’u Rwanda n’abaturage bayo, Perezida Kagame yagize ati “ Kare twumvise bimwe mubyo abahawe Impeta y’Igihango bagezeho ndetse n’uburyo bageze mu Rwanda , nagiraga ngo mbabwireko ahenshi, ibyo bakoze birenze kure ibyo mwumvise, ku ruhare rw’abahawe Impeta y’Igihango kubera umusanzu n’ubwitange byabo, twashoboye gukora byinshi byagaragaraga nk’ibidashoboka”.

Yakomeje agira ati “Mu bihe bikomeye, igihe twasabwaga kwigira ubwacu tukishakamo ibisubizo, u Rwanda ntirwigeze ruba rwonyine. Twagize inshuti ziteguye kudufasha. Natwe twiteguye kubitaba igihe cyose muzadukenera , intego y’izi Mpeta ni uguha agaciro umusanzu w’intagereranywa ku buzima bw’igihugu cyacu. Igikorwa nk’iki gitera urubyiruko imbaraga n’akanyabugabo mu guha ubuzima bwabo icyerekezo gihamye.”

Perezida Kagame kandi yavuze ko Umuhango nk’uyu rero uzajya uba kenshi, kugeza igihe u Rwanda ruzaba rumaze kwitura abagize uruhare mu gutera ingabo mu bitugu igihugu bose. AMAFOTO: Village Urugwiro


INKURU ZA :
Tanga Igitekerezo
Ibitekerezo 5
uwigitije jean de dieu Kuya 20-11-2017

perezida wacu turamwemera areba kure bariya yashimye azi icyo bamariye u Rwanda ahubwo n’abandi duharanire kuba indashyikirwa

Muruta Kuya 19-11-2017

Ko mutatubwiye icyo buri wese wamariye u Rwanda se?

Muze kongera gukora indi nkuru mubigaragaze tubimenye

Muruta Kuya 19-11-2017

Ko mutatubwiye icyo buri wese wamariye u Rwanda se?

Muze kongera gukora indi nkuru mubigaragaze tubimenye

Muruta Kuya 19-11-2017

Ko mutatubwiye icyo buri wese wamariye u Rwanda se?

Muze kongera gukora indi nkuru mubigaragaze tubimenye

Joe Kuya 19-11-2017

Ubusanzwe uwakoze neza agomba guhembwa rero nabo bakoze neza kdi ntabwo turi ingayo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...