konka coffee
KONKA

AMAKURU

UKWEZI

Abafaransa bahungishije interahamwe muri Congo ngo bazazigarure kwica abatutsi barokotse

Abafaransa bahungishije interahamwe muri Congo ngo bazazigarure kwica abatutsi barokotse
12-04-2017 saa 21:48' | By Vincent Nsengiyumva | Yasomwe n'abantu 3305 | Ibitekerezo 1

Minisitiri w’Intebe, Anastase Murekezi, yagarutse ku ruhare rw’u Bufaransa mu itegurwa n’ishyirwa mu bikorwa rya Jenoside yakorewe Abatutsi, aho yanavuze ko ingabo z’u Bufaransa zahungishije interahamwe mu mashyamba ya Repubulika Iharanira Demokarasi ya Congo kugirango bazazigarure kongera kwica abatutsi barokotse.

Minisitiri w’Intebe ibi yabigarutseho mu gikorwa cyo kwibuka abazize Jenoside yakorewe Abatutsi basaga 50,000 bashyinguye mu Rwibutso rwa Jenoside rwa Murambi, ruri mu Karere ka Nyamagabe mu ntara y’Amajyepfo.

Minisitiri Murekezi yavuze ko Abafaransa bakoze ibikorwa byinshi bitandukanye byo gushyigikira ubwicanyi bwakorewe abatutsi mu 1994. Yanavuze ko mu gihe interahamwe zamaraga gutsindwa n’ingabo za RPF, Abafaransa bazihungishije mu mashyamba ya Congo kugira ngo bazazigarure kwica n’abarokotse.

Yagize ati “ Abafaransa bari kuri bariyeri zashunguraga abanyarwanda zihereye ku irangamuntu yanditsemo ikiswe amoko, bakomeje gutanga intwaro, gutanga inama kuri Leta byagaragariraga buri wese ko irimo gukora Jenoside.”

Yakomeje agira ati “Abafaransa baje hano muri Zone Turquoise, kugirango bakingre ikibaba interahamwe, abanyapolitike b’abicanyi bari bamaze gutsindwa n’ingabo za FPR Inkotanyi barimo babahungisha baberekeza mu mashyamba ya Congo kugirango bazabagarure bakomeze gukora Jenoside mu Rwanda.”

Minisitiri Murekezi kandi yavuze ko kuba Jenoside yarateguwe ndetse n’abagize uruhare mu ishyirwa mu bikorwa ryayo byose bifitiwe gihamya kandi ko ababigizemo uruhare bagomba kubibazwa.

Yagize ati “Ibyo Abanyarwanda barokotse Jenoside babonye, ibyo abanyarwanda b’inyangamugayo bavuga, ibyo abakoze jenoside biyemereye mu nkiko Gacaca no mu zindi nkiko, ibyanditswe kuri Jenoside yakorewe abatutsi mu Rwanda, ibigaragara mu mafilime atandukanye yakozwe kuri Jenoside yakorewe Abatutsi, byose ni gihamya ko jenoside yakozwe mu Rwanda yateguwe kandi ababigizemo uruhare bose bagomba kubibazwa, n’abatarafatwa bazafatwa.”

Minisitiri w’Intebe kandi yanavuze ko amateka y’u Rwanda akeneye kumenyekanishwa kugirango abagipfobya jenoside bakumirwe, aboneraho gusaba CNLG (Komisiyo y’Igihugu yo kurwanya Jenoside) gufatikanya na RDB muri gahunda ya Tembera u Rwanda, maze hakongerwamo no gusura inzibutso za Jenoside kugirango abantu barusheho kumenya amateka ya jenoside yakorewe Abatutsi.

JPEG - 126.9 kb

Minisitiri w’Intebe n’abandi bayobozi mu nzego zitandukanye bunamira imibiri ishyinguye mu rwibutso rwa Murambi
Minisitiri w’Intebe, Murekezi, yashyize indabo ahashyinguye imibiri y’abazize Jenocide Minisitiri Nyirasafari Esperence nawe yunamiye abashyinguye mu rwibutso rwa Murambi Senateri Richard Sezibera nawe yitabiriye uyu muhango Imwe mu myambaro abashyinguye kuri uru rwibutso bishwe bambaye Abana b’ibisekeramwanzi bishwe urwagashinyaguro i Murambi Abantu bo hirya no hino mu Karere ka Nyaruguru bitabiriye uyu muhango Urwibutso rwa Murambi rushyinguyemo imibiri isaga ibihumbi 50 y’abatutsi baguye ku gasozi ka Murambi Amwe mu mafoto agaragaza amateka maremare yaranze Murambi mu gihe cya Jenocide yakorewe Abatutsi


INKURU ZA :
Tanga Igitekerezo
Ibitekerezo 1
OL Kuya 13-04-2017

PM,simpamya ko ibyo uvuga ari ukuri kuko muri zone turiqoise hari hahungiye abantu banyuranye,kd abantu bose bagiye muri congo si abicanyi,kd twibukeko buriwese ahunza amagara ye muburyo bushoboka.Niba ibyo uvuga ari ukuri wagakwiriye kumenyako Bantu ibihumbi amagana bahungiye muri Congo, ahubwo iyo turqoise itahaba baba barashize!Gusa inkoramaraso Nazi zaboneyeho Nazo zihungana nabo

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...