konka coffee
KONKA

AMAKURU

UKWEZI

Abafite ubumuga bagize icyo basaba Perezida Kagame ugiye kuyobora Manda y’imyaka irindwi

Abafite ubumuga bagize icyo basaba Perezida Kagame ugiye kuyobora Manda y’imyaka irindwi
18-08-2017 saa 13:06' | | Yasomwe n'abantu 1237 | Ibitekerezo

Abafite ubumuga bwo kutabona barasaba ko muri manda y’imyaka 7 perezida Kagame yongeye gutorerwa kuyobora u Rwanda yasiga nibura bubakiwe ishuli ry’ihariye ry’imyuga rizajya ribohereza kwikura mu bibazo by’ingutu bahura nabyo.

Ibi ubuyobozi bw’ubumwe nyarwanda bw’abatabona [RUB] bwabisabye kuri uyu wa 17 kanama 2017, ubwo bwagiranaga ikiganiro n’itangazamakuru, kigamije kugaragaza imbogamizi abatabona bahura nazo mu gihe bahuriye ku isoko ry’umurimo n’abadafite ubumuga na bumwe.

N’ubwo kugeza ubu amashuli yigisha amasomo yihariye ku bafite ubumuga bwo kutabona mu Rwanda ari make cyane ugereranyije n’umubare ungana na 57213 ubarurwa mu gihugu hose, bahuje izi mbogamizi na politique ya leta yo guteza imbere amashuli yigisha ubumenyi ngiro [TVET], mu rwego rwo guhangana n’umubare munini w’abashomeri mu gihugu.

Iyi ni ingingo ubumwe nyarwanda bw’abatabona butindaho bugaragaza ko nta shuli na rimwe riri mu gihugu ryihariye rishobora kwigisha abatabona amasomo y’ubumenyi ngiro kandi nyamara biri muri politike ngari y’igihugu nk’ingamba yo guhangana n’umubare w’abashomeri wiyongera.

Dr.Mukarwego Betty, ni umwalimu muri kaminuza y’u Rwanda ishami ryigisha uburezi, anahagarariye abagore muri komite nyobozi y’ubumwe nyarwanda bw’abatabona (RUB) yagararije abanyamakuru ko icyo biteze kuri manda y’imyaka 7 Prezida Paul Kagame yongeye gutorerwa ari uko nibura haba hubatswe ishuli ry’imyuga ryihariye ku batabona mu rwego rwo guhangana n’ikibazo cy’abashomeli bagaragara mu mbaga y’abanyarwanda bafite ubu bumuga bwo kutabona.

Perezida w’ubumwe nyarwanda bw’abatabona Dr. Suubi Patrick, unigisha muri kaminuza y’u Rwanda ,asanga hakiri imyumvire we afata nk’ikennye ku baturage bamwe bagifata umuntu ufite ubumuga bwo kutabona nk’udashoboye mu gihe ng’iyo yitaweho akigishwa, agasabwa gushyira mu ngiro ibyo yigishijwe bidapfa koroha ko udafite ubumuga amurusha gutanga umusaruro akeneweho.

Yagize ati “Ndatanga urugero rw’umuntu twari tuziranye wansanze mu biro [Bureau] naramaze guhabwa akazi na leta nyuma yo kurangiza kaminuza akambaza uko leta yaje kungirira impuhwe ikampa akazi muri minisitere”.

Dr Suubi ahamya ko uyu muntu yari yarabaswe n’imyumvire ikennye yo kumva ko utabona adashoboye nk’undi ubona uwo ariwe wese.

Nubwo abafite ubumuga bwo kutabona bagisaba ko amashuli bigiramo ubumenyi bwihariye yiyongera, ibi babihuza n’icyifuzo cy’uko bamwe mubo Leta y’u Rwanda igenda ibonera akazi yajya inabaha umuntu ubona nawe ikamuhembera kujya afasha utabona aho bibaye ngombwa mu kunoza akazi ashinzwe.

Nyuma gato ya Jenocide yakorewe Abatutsi mu Rwanda, nibwo hagiyeho amashuli y’abatabona, ubumwe nyarwanda bw’abatabona buvuga ko mu Rwanda, umuntu wa mbere ufite ubu bumuga yinjiye muri kaminuza mu 2008, magingo aya ntamubare nyawo w’abashomeli bafite ubumuga bwo kutabona uragaragazwa n’ubu bumwe.

Perezida w’ubumwe nyarwanda bw’abatabona Dr. Suubi Patrick

Munyentwali Jérôme


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...