konka coffee
KONKA

AMAKURU

UKWEZI

Abanyarwanda twese nta kuba agatebo , nta kuyora ivu ubu ni ukuyora amafaranga- Kagame

Abanyarwanda twese nta kuba agatebo , nta kuyora ivu ubu ni ukuyora amafaranga- Kagame
16-07-2017 saa 16:01' | By Vincent Nsengiyumva | Yasomwe n'abantu 1861 | Ibitekerezo 1

Umukandida wa FPR Inkotanyi, Paul Kagame yijeje Abaturage ba Nyamagabe ndetse n’abanyarwanda muri rusange ko ibibi byose u Rwanda rwanyuzemo bitazongera kugaragara muri iki gihugu, aho yavuze ko abanyarwanda bose ntawe uzongera kuba agatebo ngo ayozwe ivu. Yavuze ko ubu icyo abanyarwanda barangaje imbere ari ukuyora amafaranga.

Ibi yabigarutseho kuri iki cyumweru tariki ya 16 Nyakanga ubwo yitabiraga ibikorwa byo kwiyamamaza mu murenge wa Gasaka mu Karere ka Nyamagabe mu Ntara y’Amajyepfo .

Kagame yavuze ko RPF yahisemo inzira yo kubaka igihugu no kwiyubaka nk’abanyarwanda ndetse no kwihitiramo ibihe bibereye Abanyarwanda.

Yakomeje avuga ko ubuzima bw’abanyarwanda hafi ya bose by’umwihariko abaturage ba Nyamagabe bwazamutse ku buryo bwihuse ndetse anashimangira ko bakeya bakiri hasi hagomba gushyirwamo imbaraga bakazamurwa.

Yagize ati “Ubuzima kuri bamwe bwarihuse guhinduka ariko no ku bandi ubuzima bwarahindutse by’umwihariko mwebwe baturage ba Nyamagabe. Umurimo dufite ni ukugira ngo ho kugira numwe usigara inyuma kandi tukanagabanya ikinyuranyo kiri hagati yabafite ubuzima bwihuse n’abaite ubukigenda gahoro.”

Yakomeje asaba abaturage bo muri aka gace kuzatora FPR kugira ngo bakomeze gusigasira byinshi bagezeho no gukomeza guharanira kugera ku birenzeho

Yagize ati “Tariki ya 4 ni ugutora FPR ndetse n’umukandida wayo kuko nicyo kizabahesha ubuzima bwiza , umutekano urambye, gukora amafaranga, kwiga kw’abana bawe, …”

Kagame yanashimangiye ko gutora neza ari ugutora FPR anavuga ko kumutora atari ukwibeshya. Ati “ Gutora neza rero ni ugutora FPR , gutora umukandida wayo kandi ntabwo ari ukwibeshya.”

Kagame kandi yananyuzagamo agatanga ingero ashingiye ku buhamya bwahatangiwe akabwira mbaga yari ihateraniye ko ushaka kubyumva neza yasubiza amaso inyuma maze akagereranya n’ibimaze kugerwaho.


INKURU ZA :
Tanga Igitekerezo
Ibitekerezo 1
Rukihunza Mukogoto Kuya 16-07-2017

None se ko muri 2010 twabwiwe ko m’umufuka hazinjiramo inshuro 7 imvugo yabaye ingiro cg dutegereze twihanganye???

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...