konka coffee
KONKA

AMAKURU

UKWEZI

Abapolisi b’u Rwanda 239 bambikiwe imidari y’ishimwe muri Sudani y’Epfo

Abapolisi b’u Rwanda 239 bambikiwe imidari y’ishimwe muri Sudani y’Epfo
25-10-2017 saa 11:14' | By Vincent Nsengiyumva | Yasomwe n'abantu 988 | Ibitekerezo 1

Umuryango w’Abibumbye wambitse imidari y’ishimwe Abapolisi b’u Rwanda 239 bari mu butumwa bw’amahoro muri Sudani y’Epfo bakorera mu Ntara ya Malakal mu rwego rwo kubashimira kuba basohoza inshingano zabo neza.

Uyu muhango wo kwembika imidare Polisi y’u Rwanda ndetse no kuyishimira kubw’imyitwarire myiza no kuzuza inshingano zabo wabaye kuri uyu wa Kabiri tariki ya 24 Ukwakira 2017.

Umuhango wo kwambika Abapolisi b’u Rwanda imidari no kubashimira wiotabiriwe n’abayobozzi batandukanye barimo Umuyobozi w’Abapolisi baturuka mu bihugu bitandukanye (UNMISS) bari muri ubwo butumwa, CP Bruce Munyambo, Ukuriye Ibiro bishinzwe ibikorwa bya UNMISS, Hazel Dewet ndetse n’Umuyobozi w’Intara y’Amajyaruguru y’Uruzi rwa Nili.

Mu izina ry’Umunyamabanga Mukuru w’Umuryango w’Abibumbye, CP Munyambo yashimye Abapolisi b’u Rwanda ku bunyamwuga, umurava, imyitwarire myiza no gukorana neza n’abandi bapolisi baturuka mu bindi bihugu mu kugarura umutekano no kubungabunga amahoro muri iki guhugu.

CP Munyambo yashimye by’umwihariko U Rwanda ku ruhare rwarwo mu kugarura amahoro muri Sudani y’Epfo ndetse n’ahandi ku isi.

Yagize ati,"Ubunyamwuga bwanyu ni urugero rwiza ku bandi mukorana. Kuzuza neza inshingano zanyu bibahesha ishema kandi bihesha ishema n’igihugu cyanyu n’Umuryango w’Abibumbye muri rusange."

Yunzemo ati "Imidari mwambitswe ni ikimenyetso cy’uko muri Abanyamwuga. Mukomeze iyo mikorere izira amakemwa dore ko inshingano zanyu zigikomeje.

U Rwanda rwatangiye kohereza abapolisi mu butumwa bw’amahoro muri iki gihugu mu mwaka wa 2015.Iyi ni inshuro ya gatatu Abapolisi b’u Rwanda bari mu butumwa bw’Umuryango w’Abibumbye muri Sudani y’Epfo bambitswe imidari y’ishimwe.

Kugeza ubu U Rwanda rufite Abapolisi barenga 1.000 mu butumwa bw’amahoro mu bihugu bitandukanye ku Isi.


INKURU ZA :
Tanga Igitekerezo
Ibitekerezo 1
Kalisa Bosco Kuya 26-10-2017

Turashimira Polisi uburyo ikomeje guhesha ishema igihugu cyacu n’abanyarwanda muri rusange. Discipline n’ubunyamwuga mwatojwe nimukomeze kubigaragaza dukomeze duhige amahanga natwe tubari inyuma.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...