konka coffee
KONKA

AMAKURU

UKWEZI

Abayobozi ba WDA bemeye uburangare bwatumye asaga miliyoni 105 aburirwa irengero

Abayobozi ba WDA bemeye uburangare bwatumye asaga miliyoni 105 aburirwa irengero
5-10-2017 saa 09:05' | By Akayezu Jean de Dieu | Yasomwe n'abantu 1911 | Ibitekerezo 1

Komisiyo y’Inteko Ishinga Amategeko y’u Rwanda ishinzwe kugenzura imikoreshereze y’umutungo wa Leta irashinja ikigo cy’igihugu cyo guteza imbere imyuga n’ubumenyi ngiro WDA kurigisa amafaranga asaga miliyoni 105 ndetse n’andi makosa menshi ajyane no gukoresha nabi umutungo wa Leta. Abayobozi b’iki kigo bemera aya mafaranga ndetse n’andi makosa bakoze ajyanye n’imicungire mibi y’umutungo wa Leta ariko bukavuga ko habayeho uburangare ariyo mpamvu bagiye kunoza imicungire myiza y’umutungo w’igihugu.

Aya makosa arimo gufata nabi umutungo wa Leta yagaragajwe kuri uyu wa Kabiri tariki 04 Nzeri 2017, Ikigo cy’igihugu gishinzwe guteza imbere imyuga n’ubumenyi ngiro (WDA) cyari kitabye Komisiyo y’Inteko Ishinga Amategeko ishinzwe kugenzura ikoreshwa ry’umutungo wa Leta (PAC). Muri raporo y’umugenzuzi mukuru w’imari ya Leta mu mwaka wa 2015-2016 yagaragaje ko WDA hari ikibazo cyo kutuzuza neza ibitabo by’ibaruramari, imicungire itanoze y’amafaranga abanyeshuri bishyura mu mashami atandukanye, hari n’ikibazo cy’imyenda iki kigo n’amahami yacyo kibereyemo abantu banyuranye ndetse hakaza n’ikibazo cyo gutanga amasoko kuri ba rwiyemezamirimo ba baringa.

PAC yashinjije kandi iki kigo gutanga asaga miliyoni 105 z’amafaranga y’u Rwanda yahawe rwiyemezamirimo wagemuye ibikoresho by’ikoranabuhanga byifashishwa mu biro mu kigo cya Leta kigisha imyuga n’ubumenyi ngiro ishami rya Karongi nyamara nyuma haza gukorwa isuzuma bagasanga ibyo bikoresho byari baringa ndetse na bike byagaragayemo bagasanga bitujuje ibyangombwa.

Mu kwisobanura kuby’aya makosa, Umuyobozi mukuru wa WDA, Jerome Gasana yemera ko bagize intege nkeya mu gucunga ibya Leta ndetse ari amakosa bakoze kandi bagiye gukosora.

Yagize ati “Nk’uko byagaragaye twagize intege nkeya mu gukurikirana ibyo tuba twakira, hari ibikoresho rero byaje noneho ishuri rirabyakira noneho mu buryo bwo kwakira batubwira ko ibyakiriwe byujuje ibisabwa nyuma dukurikiranye dusanga sibyo koko ntabwo byujuje ibisabwa ari nabyo biri mu byo twabwiwe hano ariko hari rwiyemezamirimo twari twarahaye isoko kandi twagiranye amasezerano kandi nawe aba agomba kugira uruhare ari nayo mpamvu tuzabikurikirana bikagarurwa”

Gasana kandi yavuze kandi ko nyuma y’aya makosa n’inama bagiriwe n’abagize Inteko Ishinga Amategeko bagiye gukaza ingamba mu gukurikirana ibikorerwa muri iki kigo byose mu rwego rwo kunoza imicungire n’imikoreshereze y’umutungo w’igihugu

Perezida w’iyi komisiyo y’Umutwe w’abadepite ishinzwe ikoreshwa ry’umutungo wa Leta, Nkusi Juvenal yavuze ko ahanini aya makosa yo guhuzagurika no gukoresha nabi umutungo wa Leta iki kigo cyayatewe n’uko mu itangira ry’iki kigo cyari gifite inshingano nyinshi asaba ko hakwiye kubaho kwikosora.


INKURU ZA :
Tanga Igitekerezo
Ibitekerezo 1
Dodos Kuya 6-10-2017

Ubwo bemeye uburangare bagize, ayo mafaranga babagenere uko bazayishyura

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
  • Kwezi https://www.tga.gov.au/alert/man-king-capsules, mukareba aho yabuzanyijwe muri Australia. Uzi ubwenge azabiteketezaho.

    ">Nshuti zanjye, byaba byiza mugiye mugira inama abafite ikibazo bose bakajya kwa muganga (...)
  • Loading...
    IZINDI NKURU WASOMA
    Loading...