konka coffee
KONKA

AMAKURU

UKWEZI

’Abigisha mu mashuri abanza n’ayisumbuye ntibazi icyongereza, niho uburezi buzaharira’

’Abigisha mu mashuri abanza n’ayisumbuye ntibazi icyongereza, niho uburezi buzaharira’
25-09-2017 saa 14:40' | By Chief Editor | Yasomwe n'abantu 6747 | Ibitekerezo 23

Nk’uko byasobanuwe na Dr Charles Murigande, Umuyobozi wa Kaminuza y’u Rwanda wungirije ufite mu nshingano ze guteza imbere amashuri makuru agize iyi Kaminuza, ngo ikibazo cy’ireme ry’uburezi muri Kaminuza gifite imizi ku burezi budafite ireme abanyeshuri bakura mu mashuri abanza n’ayisumbuye, kandi kutamenya icyongereza kw’abarimu ni izingiro rya byose.

Ibi Dr Charles Muligande yabisobanuye mu kiganiro yagiranye na KT Radio kuri uyu wa Mbere tariki 25 Nzeri 2017. Yagize ati: "Ikibazo cy’ireme ry’Uburezi ni ikibazo kitoroshye, navuga ko ari ikibazo kirimo ibintu byinshi. Buriya ireme ry’uburezi ntabwo ritangirwa gusa muri Kaminuza, kuko muri Kaminuza uhamagara imyaka ine cyangwa se itandatu niba uje kwiga iby’ubuganga, ariko uhaza umaze imyaka 12 wiga. Iyo myaka 12 rero iyo itaguhaye fondation (urufatiro) nziza, hari igihe bitoroha kugirango Kaminuza y’u Rwanda muri iyo myaka ine, ishobore kuguteza intambwe nini cyane. Kimwe mu bikunze kugaragara muri Kaminuza muri iki gihe, ni uko abanyeshuri baza batazi icyongereza, kandi amasomo yose atangwa mu cyongereza. Iyo rero amasomo yose atanzwe mu cyongereza, ukaba utazi icyongereza, nta kabuza hari icyo ubura."

Abajijwe impamvu muri Kaminuza y’u Rwanda bakuyeho umwaka umwe abanyeshuri babanzaga kwigamo indimi, Dr Muligande nawe yerekanye ko rwose byari bikwiye ko bakomeza kwiga uwo mwaka benshi bitaga EPLM. Yabisobanuye agira ati: "Ngirango abantu bibwiye ko ubwo biga mu mashuri abanza n’ayisumbuye bakiga mu cyongereza, bagera muri Kaminuza bamaze kukimenya. Ariko ikigaragara ni uko ari ababigisha icyongereza muri primaire (abanza) ntacyo bazi, ari ababigisha icyongereza muri secondaire (ayisumbuye) ntibakizi, yewe n’ababigisha andi masomo muri primaire na secondaire, basabwe kubigisha mu cyongereza ariko batakizi, bituma rero abantu basindagizwa ariko rwose badafite ubumenyi buhagije. Icyo gitekerezo cy’uko wenda habaho igihe cyo kubafasha mbere y’uko batangira amasomo, njye ni igitekerezo rwose nashyigikira ariko buri porogaramu yose itwara amafaranga, ngirango ikibazo ni amikoro, kuko buriya iyo abanyeshuri barangije secondaire, bayirangiza mu kwezi kwa 11 bakazatangira mu kwezi kwa cyenda [mu mwaka ukurikiyeho], baba bafite umwanya munini nibaza ko wakoreshwa kugirango bafashwe kongera kuba bakwiga icyongereza ndetse n’abashaka kuziga porogaramu zikenera nk’imibare cyane, nayo bakabasubiriramo kuko abenshi bagera muri Kaminuza ugasanga badafite urufatiro rwiza (fondation) rw’imibare). Icyo rero ni igitekerezo numva ko abafata ibyemezo mu guteza imbere ireme ry’uburezi bashobora gutekerezaho kandi nibaza ko byagira akamaro."

Icyakoze Dr Muligande agaragaza ko muri Kaminuza y’u Rwanda bashyizeho gahunda yo kwigisha icyongereza nk’isomo abanyeshuri bose kabone n’iyo amashami biga yaba ntaho ahuriye n’icyongereza, kugirango bizajye bibafasha mu kubasha gukurikira ibyo biga mu rurimi babasha kumva.


INKURU ZA :
Tanga Igitekerezo
Ibitekerezo 23
Iraguha Kuya 3-10-2017

Abanyarwanda bataribake ntarurmi bazi neza.Some Rwandans are nonlingual

JOHN Kuya 28-09-2017

NYAKUBAHWA MURIGANDE AZI NEZA KO ABANA BARANGIZA AMASHURI ABANZA N’AYISUMBUYE BAKORA IBIZAMINI MUCYONGEREZA KANDI BAGATSINDA NEZA. ABAJYA KWIGA HANZE IYO BAGEZEYO BATSINDA NEZA BITYO NTA KIBAZO CY’ICYONGEREZA KIRI MUBUREZI AHUBWO UBUREZI KURI BOSE BOSE BUBAMO ABASHOBOYE N’ABADASHOBOYE.

rudomoro Kuya 27-09-2017

BUMVU UBUREZI BUREMEREYE BUSHOBOKA BUTE ABAYOBOZI BIBIGO BIBERA MURI BUSINESS NAZA MISSION BITARANGIRA, AKAZI BAKAGAKORERWA NABABUNGIRISHE BATANABIHEMBERWA, ABARIMU ARINTAKO BABAYEHO!!!!! ABAYOBORA IBIGO BICUMBIKIRA ABANYESHURI BO BABIGIZE AKARIMA KABYO, UBUHINZI NUBWOROZI BWABYO BARITWARIRA!!!! BA PREFET BO MURI ZA NAYINI BAHEMBWA NKABARIMU NTA NAKA COMMUNICATION BABONA, IBYO LETA YUMVA NTAKARENGANE NUBUSUMBA BISUBIZA UBUREZI URUDUBI BYAVAMO KUMUBESHYERA ICYONGEREZA!!!!!!!

pcni Kuya 26-09-2017

Harya ko twigaga mu Kinyarwanda twari abaswa?Ubu c hari umubirikira bahaye mwarimu ngo asuke ubwenge mu bana?Murica system mwarangiza mukabigereka ku barimu.Ngaho c abo bana nibatsinde nibura Ikinyarwanda!

Ernest Kuya 26-09-2017

Barimu b’u Rwanda muri abahanga pee!nkurikije uburyo ministry yuburezi ihuzagurika muri programs zayo ntako mutagira.tutirengagije ko bashakira amata Ku nka batahaye nubwatsi!

JOHN Kuya 26-09-2017

IKIBAZO SI ICYONGEREZA KUKO N’IKINYARWANDA NTIBAGITSINDA. KANDI ABO BIGISHA MUMASHURI YISUMBUYE UR ABEREYE UMUYOBOZI NIYO IBAHA DEGREE BAFITE N’AMANOTA MEZA KANDI BIGA MUCYONGEREZA.

PETER Kuya 26-09-2017

NJYE NKA MWALIMU IKIBAZO SI IYONGEREZA. ESE KUBA ABANA BARI KURANGIZA P6 BATAZI KWANDIKA AMAZINA YABO BATAZI GUTERANYA, GUKURAMO, GUKUBA NO KUGABANYA NI IKIBAZO CY’ICYONGEREZA? GUHINDAGURA PROGRAM BURI MWAKA BITUMA ABARIMU NABO BAHORA ARI NK’ABANYESHURI!

tangi Kuya 26-09-2017

Njye ndumva byose bipfira hejuru mu buyobozi, babanze barebe niba umushahara wa mwarimu wahangana nibibazo biri ku isoko, hanyuma barebe niba izo gahunda bitako zizamura uburezi kuri Bose zikwiriye no kubana babo babyaye, hanyuma abana babo nabo nibazigamo bazamenya ibyo bakosora.

Wapi Kuya 26-09-2017

Hari umugabo hano witwa Bugingo uvuze ngo "akaburiye mu isiza ntikabonekera mu isakara" kandi na Muligande ni byo yavuze nk’umuyobozi wo hejuru. Harya ubwo igisubizo ni ikihe? Ni ugusubizaho EPLM?? Gute se ko agafaranga wapi? Abarimu wapi? Noneho bahuje za Kaminuza nako za Campus ngo b agabanye abarimu!!!Ibi bintu murumva atari waaapi kabisa?

M Kuya 26-09-2017

Mwarimu ararengana byose byapfuye igihe batangiye kuvuga ngo uburezi kuribose nawamwana wananiye ababyeyi wibeta mu muhanda utazi iyobiva niyo bijya ngo navuyemo ngeze muwa 2 sec kdi wenda ntiyarangije nuwakane pri harya nkuwo azamenya iki ? Numwirukana ngo yataye ishuri nukumushaka umwanzuro :nibareke hige abashaka babandi babuze ukobiga kubera amikoro naho kujya kuzana nababandi bananiranye ngo nuburezi kuribose nibyo bitumye mwarimu atagaciro. Aho umwana atagikubitwa ahubwo mwarimu ariwe urigukubitwa harya wakwigisha udahana?

Hakiza Kuya 26-09-2017

Nyakubahwa muyobozi wacu bitewe nubusesenguzi bwanyu nabasabira kwegura africa muzageza ryari gufata icyongereza nkaho ari ubwe? igihe kirageze ngo tumenyeko icyongereza ari ururimi nkizindi ireme ryuburezi nimwe muryica ubwanyu kuki tutiga mukinyarwanda ubundi amasomo yacu? arko c mwaba murwana niki ko abana banyu akenshi usanga biga muri amerika

Hakiza Kuya 26-09-2017

Nyakubahwa muyobozi wacu bitewe nubusesenguzi bwanyu nabasabira kwegura africa muzageza ryari gufata icyongereza nkaho ari ubwe? igihe kirageze ngo tumenyeko icyongereza ari ururimi nkizindi ireme ryuburezi nimwe muryica ubwanyu kuki tutiga mukinyarwanda ubundi amasomo yacu? arko c mwaba murwana niki ko abana banyu akenshi usanga biga muri amerika

J De Dieu Kuya 26-09-2017

Nyakubahwa icyogereza sicyo kerekana umunyabwenge,icyogereza nisomo nkirindi amasomo yandi muyashyire mukinyarda nkuko ibihugu byo muri Asia byiga mundimi zabyo ntaho mugihe mucyumva ko icyogereza ari measure of intelligent ntaho tugana

J De Dieu Kuya 26-09-2017

Nonese bakize mukinyarwanda mujye murebera kubihugu byo muri Asia amasomo yose bayiga mudimi ziwabo icyogereza bakakiga nkururimi kuki umwana yarwana nibinu bibiri bafata amasomo yose bayashyire mukinyarda ntahubundi c umenya ururimi gute utakuriyemo inshigano y’umunyarda nukumenya ikinyarda neza icyogereza sigobwa kdi icyogereza si measure of intelligence

J De Dieu Kuya 26-09-2017

Nonese bakize mukinyarwanda mujye murebera kubihugu byo muri Asia amasomo yose bayiga mudimi ziwabo icyogereza bakakiga nkururimi kuki umwana yarwana nibinu bibiri bafata amasomo yose bayashyire mukinyarda ntahubundi c umenya ururimi gute utakuriyemo inshigano y’umunyarda nukumenya ikinyarda neza icyogereza sigobwa kdi icyogereza si measure of intelligence

kaka Kuya 26-09-2017

hahaha nyakubahwa murigande yirenganya abarimu education yapfiriye aho gusibira bitemewe ,kujya muwakane bidasaba gutsinda no muwambere s1 ubwo rero niyibaze babana biga bataha aho bavugira icyo cyongereza kdi erega usibye nururimi bibindi byose ntibabyumva kubera uko biga ntiwambwira ukuntu uhindura integanya nyigisho hagashira imyaka 2. btagitabo nakimwe ,nta internet wara ngiza NGO abarimu nabaswa gusibira bitemewe kwirukanwa bitemewe baramaze kugena ubwenge bw’umwana mbere yuko aza kwiga

Christian Kuya 25-09-2017

Murakoze cyane Bwana Muyobozi kubusesenguzi mukoze. Burya impinduka hari igihe zisaba ko ibintu biba itegeko. reka mbahe urugere:Nkomuri Amarika cg muburayi nahandi mubihugu byateye mwakwibaza impamvu batanga biriya bizamimini by’icyongereza nka SAT,TOEFL, IELTS nibindi biri kuri standard mpuzamahanga kuburyo rwose ugitsinda aba koko azi neza urwo rurimi kuki mutabizana murwada mukareka kujenjeka. Ubwo se ntabanyarwanda bajyayo muba mwariganye muri ubwo buryo bwiswe bubi kandi bakabitsinda? Yewe nabanyagihugu barabikora byakunanira ntibakujenjekera da, usubiramo mpaka ugize yamanota asabwa.Erega ntitukumve ko ari abakoloni gusa nkibyo twabibigiraho kandi byagira uruhare runini mumpinduka muburezi. Ururimi nimibare nibintu bibiri biba ari ifatizo muburezi bwose(Arts and Sciences). M

IGOBYORA Kuya 25-09-2017

Rwandan Educational system yarangiritse ikibazo si abarimu cyangwa abanyeshuri batazi ururimi rw’icyongereza ,nawe yayoboye MINEDUC usibye kuca kuruhande aho ireme ry’uburezi ripfira ahazi, ubu barashaka kongera batumize aba mentors babanyamahanga?

Nzitonda Emmanuel Kuya 25-09-2017

Naje gusanga kumenya icyongereza,igifaransa akaba aribyo dukomeza gukoresha mubihugu byafurica arugukomeza guha icyuho umukoroni.nyabuneka mureke twigire inkunga zihagarare ntituzapfira gushira

Nzitonda Emmanuel Kuya 25-09-2017

Njye naje kutegereza neza ntagihe abantu batazababara, ibyiza nuko abantu bavugurura ibyigisho byose bakabishyira muminyarwanda noneho amasomo yose akigwa mukinyarwanda maze mukareba ngo urwanda ngo rurigira rushingiye kururimi,umuco.naho mugihe hakirizondimi ireme kuribose ntaryo.nkunda ururimi rwanjye kuruta izindi zoze ,turukoresheje twatera imbere agasuzuguro kakavaho.Nubuhanga bwaza,kwandika amateka nibindi. Ahubwo harihakwiye ibiganiro mpaka kiricyo kintu ababantu bakihitiramo ubuzimama bashaka,kuko iyobamaze kucyiga bakakimenya abenshi bigira America ,ubwongereza,nahandi ariko ibyobyose bivuyeho abantu bakwihiringa kandi bakabaho.kabone nubwo inzarayatera ntitwapfira gushira wenda twakisubiza agaciro twambuwe nabakoroni.murakoze

Se7 Kuya 25-09-2017

Iki cyo nikibazo nonese umuntu yize mugifaransa umuhaye akazi ngo niyigishe mucyongereza urumva aho atazabivangavanga ari hehe bazashyireho kwiga mukigo ushaka abashaka kwiga mucyongereza bagire ibigo byabo,abashaka kwiga mu gifaransa ukwabo nibura byatuma mwarimu ajya kwaka akazi aho hari ururimi afitiye ubumenyi adafindafinda nawese umuntu akora interview mucyongereza akarangiriza mugifaransa vis versa kubera guhindangura imyigishirize

Bugingo Simeon Kuya 25-09-2017

Arega n’uburyo cyigishwamwo ntabwo abantu bazapfa barakimenye n’ubwo bacyiga imyaka ijana. Usanga ama grammaire n’ama conjugaison abantu bayumva cyane ndetse bakabona 100% ariko mu kuvuga ugasanga ni zero kuko batakivuga. Umwarimu arigisha mu kinyarwanda ngo iyo urimo gukonjiga verbt to go muri troisieme personne du singulier ushyiraho "es". Nta gihe cyahariwe kuganira kibaho kuko mwarimu baba baramuhaye iminota 50 yo kwigisha isomo rye kandi n’ibitabo bya ministere ntibyateganyije section ya conversation. Urebye curriculum usanga ari grammaire gusa yibereyemo ari nta expression oral irimo. Ntabwo ibyaburiye mu isiza bizabonekera mw’isakara rero nibareke dupfe urwo twagapfuye.

Niyindinze Kuya 25-09-2017

Niba abarimu batazi icyongereza n’abanyeshuli! Uzi icyongereza ninde?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...