konka coffee
KONKA

AMAKURU

UKWEZI

Abo kwa Rwigara bongeye kugezwa imbere y’urukiko, humvikana impaka ku byo baregwa

Abo kwa Rwigara bongeye kugezwa imbere y’urukiko, humvikana impaka ku byo baregwa
9-10-2017 saa 09:57' | By Chief Editor | Yasomwe n'abantu 19105 | Ibitekerezo 14

Kuri uyu wa Mbere tariki 9 Ukwakira 2017, Diane Rwigara, nyina Adeline Rwigara na murumuna we Anne Rwigara bongeye kugezwa imbere y’urukiko rwisumbuye rwa Nyarugenge ngo baburanishwe ku byaha bakurikiranyweho ariko hamwe n’ubunganira mu mategeko, Me Pierre Celestin Buhuru, basabye ko urubanza rwongera gusubikwa kuko ubunganira adasobanukiwe ibikibiye muri dosiye y’abaregwa. Habaye impaka ndende ku bijyanye na dosiye irimo ibyaha baregwa, impande ebyiri zisigana ku kuba Me Buhuru yahabwa ibikubiye muri dosiye byose.

Mu iburanisha ryo kuri uyu wa Mbere, ubushinjacyaha bwasobanuye ko ibyaha aba bose uko ari batatu bashinjwa, bikubiye mu butumwa bw’amajwi bwoherejwe biciye ku rubuga nkoranyambaga rwa Whatsapp, hakabamo inyandiko Anne Rwigara yohereje ku kinyamakuru Jeune Afrique, hakabamo n’inyandiko z’imikono Diane Rwigara yagejeje muri Komisiyo y’amatora ashaka kwiyamamaza. Ibi byose, nibyo birimo ibyaha bahuriyeho n’ibyo bamwe muri bo bagiye bihariye.

Aha bari bajyanywe mu rukiko rwisumbuye rwa Nyarugenge bambaye amapingu

Ibi byose ariko, Me Pierre Celestin Buhuru yavuze ko atabisobanukiwe kuko Ubushinjacyaha butigeze bumuha ibimenyetso bishingirwaho mu kubashinja, ari nabyo yahereyeho asaba ko urubanza rwasubikwa mu gihe cy’iminsi itanu, akabanza agahabwa ibyo bimenyetso byose ndetse kopi ya dosiye ikubiyemo ibyo baregwa, hanyuma akabisesengura akamenya neza ibyo abakiliya be baregwa.

Ubushinjacyaha bwavuze ko butamuha ibyo bimenyetso byose kuko ibikubiyemo bikiri ibanga mu gihe kuburanisha mu mizi bitaratangira ahubwo ko yahabwa bimwe muri byo bitabangamira iperereza rigikomeje kandi ko yagera mu bushinjacyaha akerekwa ibyo bimenyetso ariko ntahabwe kopi ya dosiye, maze Me Pierre Celestin Buhuru nawe avuga ko yumva ibimenyetso byose bavuga nta kintu gikwiye kugirwa ibanga kirimo. Yasabye ndetse ko byose yabihabwa muri mudasobwa akabijyana aho abo yinganira bafungiwe, akabiganiraho nabo, hanyuma akazaburana azi neza ibyo baregwa.

Adeline Rwigara nawe yahawe ijambo n’umucamanza, mu mvugo ye igarukamo ijambo ry’Imana n’ijambo "Haleluya", nawe asaba ko we n’abana be bahabwa dosiye ikubiyemo ibirego baregwa kuko ntabyo bazi. Ubishinjacyaha bwahise bumunyomoza, buvuga ko babwiwe kenshi ibyo baregwa ndetse bakaba baranumvishijwe amajwi akubiyemo bimwe mu byaha baregwa nabo bakagira n’icyo babivugaho.

Urukiko rwahise rwanzura ko urubanza rusubikwa, rukazasubukurwa kuwa Gatatu tariki 11 Ukwakira 2017, ari bwo bazaburana ibijyanye no kuba bakomeza gukurikiranwa bafunzwe cyangwa niba baburana bari hanze.

Diane Rwigara wenyine akurikiranyweho icyaha cyo gukora no gukoresha inyandiko mpimbano ariko bose uko ari batatu bahurira ku cyaha cyo kugambirira guteza imvururu cyangwa imidugararo muri rubanda. Umubyeyi wabo Mukangemanyi Rwigara Adeline we yihariye icyaha cy’ivangura no gukurura amacakubiri.


INKURU ZA :
Tanga Igitekerezo
Ibitekerezo 14
€#€ Kuya 13-10-2017

umva bararengana cyane esera umuntu bamufunga aboshwe nya iyica rubozo ntirizashyira Allah Akbar

€#€ Kuya 13-10-2017

umva bararengana cyane esera umuntu bamufunga aboshwe nya iyica rubozo ntirizashyira Allah Akbar

NSHUTI Kuya 13-10-2017

NIBEMERE ICYAHA BASABE IMBABAZI

Mary Kuya 12-10-2017

Muhore, Ntakitagira iherezo nabonye kuri iyisi ya Rurema

kay Kuya 11-10-2017

Anne genda uri mwiza pe nubwo bagiye kugufunga nzaza kugusura rwose ariko ubishoboye wa kwemera amakosa ugasaba imbabazi ukitahira kuko hariya hantu sihazima rwose

john smith Kuya 10-10-2017

ibi byose bigaragaza ko nta demokarasi,kuko usanga leta iriho ikanuriyamaso abatavuga rumwe nayo,mu byukuri ntibagakwiye gukurikiranwa ririya ni ihohoterwa no gushaka gukanga abifuza kujya muri opposition!!Never Again

bimawuwa Kuya 9-10-2017

ubundi film zose zigira iherezo icyo bashatse nicyo babaonye ababashuka bibereye hanze naho bo reka akabo kashobotse umunsi bagiye inyuma yu rukuta bagatandukanywa bazicuza ntabwo barusha ingabire victoria kumenyeka no kugira abanyamahanga bamuri inyuma ariko yaribagiranye ndetse nabanyamahanga bari bamushigikiye bacuye igihe none abo bagiye guhara nabyo.

kanyemibwe Kuya 9-10-2017

Ariko uyu mubyeyi afite abana beza weeeeeeeeeeeeeeee

Kanyarwanda Kuya 9-10-2017

Ok Abagore batwaye abandi bagore! Cette fois-ci ni sawa ni ubwo byose ari ugufungwa

Karire Kuya 9-10-2017

Ndabona bitoroshye! Ariko Leta yampinduriye akazi nkayitekinikira ko ndeba abatekinitsi bayo bananiwe? Nabibakorera neza weeeeeeeeeeeee!!!!

CECEKA Kuya 9-10-2017

hhhhhhhhhhhh urumva atari ibyaha rero cyangwa urahakana ko batabikoze noneho ni icinamico bakinaga uziko utari serieux urarengera ushaka kugambanira igihugu ahhh ahubwo ubuyobozi bugire courage bukurikiraneza nabandi banyamurengwe binjiji bibagirwa vuba nonaha batangiye kugambanira igihugu mbega murengwe UBWOSE AYO MATABI NUMVA NIBINDI NTAZI BABIKORERAHE MUNTAMBARA NUBUNDI INJIJI NKIZI NIZO ZADUKOZEHO BABAKANIRE URUBAKWIRIYE BIBERE NABANDI BANYAMURENGWE ISOMO NTASONI NGO AKARENGANE
AHUBWO BAGIYE MUBYO BATAZI NONE BIRABAGARUTSE

eddy Kuya 9-10-2017

ibyaha baregwa birunvikana ndetse nibimenyetso byaragarajwe harimo namajwi yabo bagambana. none ngo bararegwa iki? ibyo byabaza utabona ntanunve.

VOVO Kuya 9-10-2017

ibi nakavuyo natwe abasoma iyi nkuru ntituzi mubyukuri ibyo baregwa muminsi ishize baregwaga kugambanira igihugu no kutishyura imisoro.none ubu ni giteza imvururu mugihugu.nkibaza imisoro rra yayikuyeho RRA irayihomba,ubushinjacyaha nibushyire ibirego kumurongo,bihabwe banyirabyo natwe abasomyi IBINYAMAKURU BIDUHE INKURU ZISOBANUTSE KANDI ZIRI KUMURONGO.

-xxxx- Kuya 9-10-2017

Ariko mana weeeeeeer ubwo koko tuvugishije ukuri murumva ibyo byaha barega umuryango wa rwigara bifite ishingiro koko mbega akarengane nubugome uwo mubyeyi koko we arazira iki?

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...