konka coffee
KONKA

AMAKURU

UKWEZI

Abunganira Mbarushimana bavuze ko nta byaha bya Jenoside bibaho, we aricecekera

Abunganira Mbarushimana bavuze ko nta byaha bya Jenoside bibaho, we aricecekera
1-06-2016 saa 16:20' | By Chief Editor | Yasomwe n'abantu 1597 | Ibitekerezo

Urukiko rukuru mu Rwanda kuri uyu wa Gatatu rwakomeje iburanisha mu rubanza ruregwamo Emmanuel Mbarushimana, rukaba rwateye utwatsi ubusabe bw’abamwunganira mu butabera bavuze ko byaba bya Jenoside bibaho ahubwo habaho icyaha cya Jenoside.

Abamwunganira mu butabera baravuga ko ubushinjacyaha bwatubuye ibyaha bya jenoside n’ibyibasiye inyokomuntu bukabigira bitanu, kandi icyaha cya Jenoside gikwiye kwita icyaha kimwe ntigituburwe ngo bibe ibyaha bya jenoside.

Bavuga ko bashingiye ku ngingo z’amategeko ahana ibyaha mu Rwanda basanga Mbarushimana yaburana icyaha cya jenoside n’ikibasiye inyokomuntu gusa, aho kuba ibyaha bitanu. Ukurikije uko Me Bizimana na Twagirayezu babisobanura, kubwabo Mbarushimana yagombye kuba aburana ibyaha bibiri.

Ariko ubushinjacyaha bwo busanga nta bushakashatsi aba banyamategeko bashingiraho bagaragaza ko ubushinjacyaha bwatubuye ibirego. Bukavuga ko mu rubanza hagati umucamanza atahita akuraho bimwe mu byaha.

Nyuma yo kwiherera umucamanza bwana Antoine Muhima yanzuye ko ubusabe bw’abahagarariye inyungu z’ubutabera mu rubanza rwa Mbarushimana nta shingiro bufite. Yavuze ko ntaho amategeko ateganya ko yakuraho bimwe mu birego. Bityo ko azabisuzumira hamwe mu ica ry’urubanza.

Mbarushimana we yakomeje umurongo yafashe wo guceceka mu rubanza. Ararangwa no kugaragara yandika ibivugwa ubundi akitangira itama.vIcyakora yongeye kwaka ijambo ashimangira ko abamwunganira mu rubanza rwe ibyo bakora ntaho ahuriye na byo.

Mbarushimana w’imyaka 54 y’amavuko araregwa ibyaha 5 bikomeye kandi bidasaza bya jenoside n’ibyibasiye inyokomuntu. Ubutabera bumukeka ko yabikoreye muri Komini Muganza ubu ni mu ntara y’amajyepfo, hari mu myaka ya za 1990-1994.


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA